सेन्सेक्स-निफ्टी कोसळले! चौफेर विक्रीमुळे साडेसहा लाख कोटींचा चुराडा, हे आहे कारण


हायलाइट्स:

  • दक्षिण आफ्रिकेत करोनाचा नवा विषाणू आढळून आल्यानंतर जगभरात एकच खळबळ उडाली आहे.
  • या विषाणूने आज भारतासह आशियातील भांडवली बाजारांना जोरदार तडाखे दिले.
  • मुंबई शेअर बाजाराचा सेन्सेक्स तब्बल १४०० अंकांनी कोसळला.
  • या प्रचंड आपटीने बाजारात साडे सहा लाख कोटींचा चुराडा झाला.

मुंबई : दक्षिण आफ्रिकेत करोनाचा नवा विषाणू आढळून आल्यानंतर जगभरात एकच खळबळ उडाली आहे. या विषाणूने आज भारतासह आशियातील भांडवली बाजारांना जोरदार तडाखे दिले. मुंबई शेअर बाजाराचा सेन्सेक्स तब्बल १४०० अंकांनी कोसळला तर निफ्टीमध्ये ४०० अंकांची पडझड झाली. या प्रचंड आपटीने बाजारात साडे सहा लाख कोटींचा चुराडा झाला.

संपत्ती वाटपाच्या नियोजनात मुकेश अंबानी मग्न;जगप्रसिद्ध वॉल्टन कुटुंबाचे माॅडेल स्वीकारणार
करोना प्रतिबंधात्मक लसीकरण वेगात सुरु असलं तर दक्षिण आफ्रिकेत समोर आलेल्या नव्या करोना व्हेरिएंटने जगभरातील संशोधकांच्या मनात धडकी भरवली आहे. करोना पूर्णपणे बरा होणारे अद्याप खात्रीशीर औषध विकसित झालेले नाही. त्यातच दक्षिण आफ्रिकेतील नव्या व्हेरिएंटने वैद्यकीय क्षेत्राला नव्या संकटाची जाणीव करून दिली आहे. या घडामोडी गुंतवणूकदारांच्या मनात भीती निर्माण करण्यात कारणीभूत ठरल्या असल्याचे शेअर बाजार विश्लेषकांचे म्हणणे आहे.

सराफा तेजीत ; करोनानं डोकं वर काढले आणि सोने-चांदी महागले, जाणून घ्या आजचा भाव
आज बाजार सुरु होताच चौफेर विक्रीचा सपाटा सुरु झाला. सेन्सेक्स १३३९ अंकांनी कोसळला असून तो सध्या ५७४५५ अंकावर ट्रेड करत आहे. राष्ट्रीय शेअर बाजाराचा निफ्टी ३८७ अंकांच्या घसरणीसह १७१४९ अंकांपर्यंत खाली आला आहे. या पडझडीने मुंबई शेअर बाजारातील कंपन्यांचे बाजार भांडवल ६.५५ लाख कोटींनी कमी झाले असून ते २५९.११ लाख कोटी इतके झाले आहे. बाजार सुरु होण्यापूर्वी एकूण बाजार भांडवल २६५.६६ लाख कोटी इतके होते.

‘पेटीएम’चा यू-टर्न अन् गुंतवणूकदारांचा जीव भांड्यात! तीन सत्रात शेअरने केली २९ टक्क्यांची भरपाई
नव्या करोना विषाणूचे जगभरात १०० रुग्ण आढळून आले आहेत. या वृत्ताने गुंतवणूकदार भयभीत झाले असून त्यांनी पैसे काढून घायचा सपाटा लावला असल्याचे संदीप सभरवाल यांनी सांगितले. दरम्यान युरोपियन युनियनने आफ्रिकेशी जोडणारी विमान सेवा तात्पुरता खंडीत केली आहे. ज्यामुळे बाजारात नकारात्मक वातावरण निर्माण झाले असे मत मोतीलाल ओसवाल फायनान्शील सव्हिसेसचे विश्लेषक हेमांगी जानी यांनी सांगितले

क्रिप्टोकरन्सीचा फुगा लवकरच फुटेल; माजी गव्हर्नर रघुराम राजन यांचा इशारा म्हणाले…
सेन्सेक्स मंचावरील ३० पैकी २९ शेअर घसरले आहेत. डॉ. रेड्डी लॅब वगळता सर्वच क्षेत्रात विक्रीचा मारा सुरु आहे. पॉवरग्रीड, सन फार्मा, टीसीएस, एचसीएल टेक, टेक महिंद्रा, बजाज ऑटो, आयटीसी, इंडसइंड बँक, टाटा स्टील, कोटक बँक, रिलायन्स, एसबीआय, एनटीपीसी या शेअरमध्ये मोठी घसरण झाली.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: