पोलीस प्रशासनासह जिल्ह्याला हादरवणाऱ्या ‘त्या’ खून प्रकरणाचा अखेर उलगडा!


बुलडाणा : जिल्ह्यात गेल्या काही दिवसांपासून चर्चेत असलेल्या हत्याकांडाचं गूढ उकलण्यात पोलिसांना यश आलं आहे. सहा महिन्यांपूर्वी होम थिएटर खरेदी करताना दुकान मालक आणि ग्राहकाचा वाद झाला. याच वादाची खुन्नस ठेवत अवघ्या २३ वर्षीय तरुणाने मित्राच्या मदतीने दुकान मालकाचा तलवारीने सपासप वार करून खून केल्याचं पोलीस तपासात उघड झालं आहे. (Buldana Crime News)

जिल्ह्यातील चिखली शहराच्या जयस्तंभ चौक या गजबजलेल्या परिसरातील आनंद इलेक्ट्रॉनिक या दुकानात १६ नोव्हेंबर रोजी रात्री ९.४५ वाजताच्या सुमारास सशस्त्र दरोडा पडला होता. यावेळी दोन दरोडेखोरांनी केलेल्या हल्ल्यात दुकान मालक कमलेश पोपट यांचा जागीच मृत्यू झाला. ही संपूर्ण घटना सीसीटीव्हीमध्ये कैद झाली होती आणि या घटनेनंतर शहरासह जिल्ह्यात एकच खळबळ उडाली होती. या घटनेनंतर कायदा-सुव्यवस्थेच्या प्रश्नावरून पोलिसांवरही टीका केली जात होती.

वृद्ध व्यक्तीच्या हत्येनंतर खळबळजनक खुलासा; आरोपीला पोलिसांनी २४ तासात केली अटक!

याप्रकरणी जिल्हा पोलीस अधीक्षक अरविंद चावरिया यांनी तपासासाठी एकूण सात तपास पथके तयार केली होती. गोपनीय माहितीच्या आधारे देऊळगावमही, धोत्रा नंदाई या गावात कोम्बिंग ऑपरेशन राबवण्यात आलं आणि आरोपी राहुल किसन जायभाये (वय २३ वर्ष रा. देऊळगांवमही ता. देऊळगांव राजा), राहुल अशोक बनसोडे (वय २० वर्ष रा. धोत्रा नंदई ता. देऊळगांवराजा) आणि नामदेव पंढरीनाथ बोंगाणे (वय २० वर्ष रा. धोत्रा नंदई ता. देऊळगांवराजा) यांना २५ नोव्हेंबर रोजी गुन्ह्यात अटक करण्यात आली आहे. याबाबत पोलीस अधीक्षक अरविंद चावरीया यांनी चिखली येथे पत्रकार परिषदेत माहिती दिली.

दरम्यान, सदर गुन्ह्यातील अटक आरोपींची तपासादरम्यान चौकशी केली असता यातील आरोपी राहुल किसन जायभाये हा सहा महिन्यांपूर्वी आनंद इलेक्ट्रॉनिक्स दुकानात होम थिएटर घेण्यासाठी आला होता. तेव्हा होमथिएटरच्या किंमतीवरुन त्यावेळी आरोपी व कमलेश पोपट यांचे वाद झाले होते. त्याचा राग डोक्यात ठेवून त्यांना धडा शिकवण्याचा कट आरोपींनी रचून ही हत्या केली.
.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: