coronavirus latest updates करोना: राज्यात आज दैनंदिन मृत्यू वाढले; नवे रुग्ण मात्र घटले


हायलाइट्स:

  • गेल्या २४ तासांत राज्यात ८४८ नव्या रुग्णांचे निदान झाले आहे.
  • गेल्या २४ तासांमध्ये एकूण ९७४ करोना बाधित रुग्ण बरे होऊन घरी गेले आहेत.
  • आज राज्यात एकूण ५० करोना बाधित रुग्णांचा मृत्यू झाला आहे.

मुंबई: राज्यात आज गुरुवारी करोनाच्या (Coronavirus) दैनंदिन रुग्णसख्येत घट झाली असली तरी आज मृत्युसंख्येत वाढ नोंदवली गेली आहे. राज्यात आज ५० रुग्णांचा मृत्यू झाला आहे. तर दिवसभरात ९७४ करोना बाधित रुग्ण बरे होऊन घरी गेले असून एकूण ८४८ नव्या करोना रुग्णांचे निदान झाले आहे. तसेच, राज्यात आज ९ हजार ३६६ रुग्णांवर (सक्रिय रुग्ण) उपचार सुरू आहेत. ही माहिती राज्याच्या आरोग्य विभागाने दिली आहे. (maharashtra registered 848 new cases in a day with 974 patients recovered and 50 deaths today)

राज्यात आजपर्यंत एकूण ६४ लाख ७९ हजार ३९६ करोना बाधित रुग्ण बरे होऊन घरी गेले आहेत. यामुळे राज्यातील रुग्ण बरे होण्याचे प्रमाण ९७.६८ टक्के झाले आहे. आजपर्यंत तपासण्यात आलेल्या ६ कोटी ५० लाख ४७ हजार ४९१ प्रयोगशाळा नमुन्यांपैकी ६६ लाख ३३ हजार १०५ नमुने पॉझिटिव्ह आले आहेत. हे प्रमाण १०.२ टक्के इतके आहे. सध्या राज्यात ९० हजार ५३८ व्यक्ती होम क्वारंटाइनमध्ये आहेत, तर १ हजार ०६५ व्यक्ती संस्थात्मक क्वारंटाइनमध्ये आहेत.

क्लिक करा आणि वाचा- ‘उर्जा क्षेत्र अडचणीत, त्यातून बाहेर काढण्यासाठी…’; ऊर्जामंत्री राऊत यांची हाक

याबरोबरच, राज्यात आतापर्यंत मृत्युमुखी पडलेल्या रुग्णांची संख्या १ लाख ४० हजार ८५७ इतकी आहे.

मुंबईत आज १७४ नवे रुग्ण

मुंबई महानगरपालिकेच्या हद्दीत आज गुरुवारी १७४ नव्या करोना रुग्णांचे निदान झाले आहे. तर मुंबईतील करोना बाधितांची आजपर्यंतची एकूण संख्या ७ लाख ६२ हजार ०९५ इतकी झाली आहे. तसेच मुंबईत गेल्या २४ तासांमध्ये एकूण ४ करोना बाधित रुग्णांचा मृत्यू झाला आहे. तर, आजपर्यंत मुंबईत करोनामुळे मृत्युमुखी पडलेल्यांची संख्या १६ हजार ३१९ इतकी आहे.

क्लिक करा आणि वाचा- मुंबई विधान परिषदेची निवडणूक बिनविरोध होणार; कोपरकरांचा उमेदवारी अर्ज मागे

ठाणे जिल्ह्यात आज एकूण ११५ नवे रुग्ण

ठाणे जिल्ह्यात आज बुधवारी नव्या रुग्णांचे निदान झाले आहे. यांपैकी ठाण्यात १४, ठाणे महापालिका क्षेत्रात ४१, कल्याण-डोंबिवलीत २३, नवी मुंबईत २०, मिरा-भाईंदरमध्ये १४, उल्हासनगरमध्ये १, भिवंडी निजामपूरमध्ये १ रुग्ण आढळले. तर, उल्हासनगरमध्ये १ रुग्ण आढळला आहे.

क्लिक करा आणि वाचा- कन्नड घाटात पोलिसांची वसुली; ट्रकचालक बनून आमदार चव्हाणांनी केला भांडाफोड



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: