new covid variant : धोक्याची घंटा! करोनाचा नव्या वेरियंटवरून केंद्राचा सर्व राज्यांना सतर्कतेचा इशारा


नवी दिल्लीः जगभरातील काही देशांमध्ये करोना व्हायरसचा एक नवीन प्रकार समोर आला आहे. या पार्श्वभूमीवर आरोग्य मंत्रालयाने सर्व राज्ये आणि केंद्रशासित प्रदेशांना सतर्क राहण्याचे निर्देश दिले आहेत. विदेशात करोनाचा नवीन प्रकार B.1.1529 आढळल्यानंतर मंत्रालयाने हे पाऊल उचलले आहे. करोनाच्या नव्या प्रकाराचे रुग्ण हे बोस्टवाना, दक्षिण आफ्रिका आणि हाँगकाँगमध्ये आढळून आली आहेत. विदेशातून येणाऱ्या नागरिकांची सखोल चाचणी केली जावी आणि त्यापैकी कोणी प्रवासी पॉझिटिव्ह आढळल्यास त्यांचे नमुने INSACOG जीनोम सिक्वेन्सिंग प्रयोगशाळेत पाठवावेत, असे मंत्रालयाने म्हटले आहे.

दक्षिण आफ्रिकेतील शास्त्रज्ञांनी नुकताच करोना व्हायरसचा हा प्रकार शोधून काढला आहे. करोनाचा हा नवीन प्रकार गंभीर चिंतेचे कारण असल्याचे सांगितले जात आहे. करोनाच्या या प्रकाराला B.1.1529 म्हटले जात आहे. या प्रकारात असामान्यपणे मोठ्या प्रमाणात म्यूटेशन म्हणजे बदल होत आहेत. करोनाचा हा नवीन वेरियंट मागील प्रकारांपेक्षा खूप वेगळा आहे.

करोनाच्या नवीन वेरियंटच्या पार्श्वभूमीवर आरोग्य मंत्रालयाने संबंधित विभागांना कठोर निर्देश दिले आहेत. विदेशातून येणाऱ्या प्रवाशांवर तिहेरी देखरेख ठेवणे आवश्यक आहे. यासह आंतरराष्ट्रीय प्रवासी आणि त्यांच्या संपर्कात आलेल्या नागरिकांची तपासणी आणि चाचणी काटेकोरपणे व्हायला हवी. अशा पॉझिटिव्ह रुग्णांचे RTPCR अहवाल नियमितपणे जीनोम सिक्वेन्सिंग लॅब INSACOG कडे पाठवण्यास सांगिण्यात आले आहे.

covid endemic stage : करोना संसर्ग एंडेमिक स्टेजमध्ये? नव्या लाटेची चिंताही संपणार? तज्ज्ञ म्हणाले…

केंद्राचे महाराष्ट्रासह १३ राज्यांना पत्र

देशभरात करोना संसर्गाचे रुग्ण झाले होते. पण आता रुग्णसंख्या पुन्हा वाढू लागली आहे. गेल्या ९ दिवसांच्या आकडेवारीवर नजर टाकली तर करोना मृत्यूदर १२१ टक्क्यांनी वाढला आहे. देशभरात १५ नोव्हेंबरला १९७ करोनाबाधितांचा मृत्यू झाला होता. तर २३ नोव्हेंबरला ही संख्या ४३७ झाली.
करोनाच्या तिसऱ्या लाटेच्या भीतीने केंद्र सरकारही सतर्क झाले आहे. आरोग्य मंत्रालयाने गुरुवारी १३ राज्यांना पत्र लिहून घटत्या करोना चाचणीच्या संख्येवर चिंता व्यक्त केली आहे.

farm laws repeal : कृषी कायदे रद्द करण्यासाठी संसदेत सरकारचा ‘हा’ आहे प्लान, २९ नोव्हेंबरला विधेयक मांडणार

कर्नाटकमध्ये ६६ विद्यार्थी करोना पॉझिटिव्ह

उत्तराखंडच्या डेहराडूनमध्ये फॉरेस्ट रिसर्च इन्स्टिट्यूट (FRI) मध्ये ११ अधिकारी पॉझिटिव्ह आढळले आहेत. यानंतर ४८ अधिकाऱ्यांना वेगळे करण्यात आले आहे. त्याचवेळी कर्नाटकातील धारवाड येथील एसडीएम मेडिकल कॉलेजमध्ये ६६ विद्यार्थी करोना पॉझिटिव्ह आढळले आहेत. यासर्वांचे पूर्णपणे लसीकरण झाले आहेत. ४०० विद्यार्थी असलेल्या या महाविद्यालयाच्या इमारतीसोबतच २ वसतिगृहेही सील करण्यात आली आहेत. ३०० विद्यार्थ्यांची करोना चाचणी रिपोर्ट आले आहेत. तर १०० विद्यार्थ्यांचे रिपोर्ट येणार आहेत.

पश्चिम बंगालमध्ये पॉझिटिव्हिटी रेटमध्ये वाढ

पश्चिम बंगालमध्ये करोना पॉझिटिव्हिटी दरात वाढ झाल्याबद्दल चिंता व्यक्त करण्यात आली आहे. केंद्रीय आरोग्य मंत्रालयाने यासंदर्भात पत्र जारी केले आहे. करोना चाचणी कमी केली गेली तर संसर्गाचे योग्य मूल्यांकन करता येणार नाही. गेल्या काही दिवसांत पश्चिम बंगालसह अनेक राज्यांमध्ये पॉझिटिव्हिटीचे प्रमाणही वाढत आहे, असे केंद्र सरकारने म्हटले आहे.

अँटिजन चाचणीऐवजी RT-PCR वर लक्ष केंद्रीत करा

करोना चाचणी योग्य प्रकारे केली गेली नाही तर लोकांमध्ये संसर्ग पसरण्याचा अंदाज लावणे कठीण होईल. पश्चिम बंगालच्या आरोग्य विभागाचे प्रधान सचिव स्वरूप निगम यांना पत्र लिहून लिहिले आहे. जून २०२१ पर्यंत सरासरी ६७,६४४ चाचण्या घेतल्या जात होत्या. आता यात घट होऊन २२ नोव्हेंबरपर्यंत रोज ३८,६०० चाचण्या करण्यात येत आहेत, असे केंद्रीय आरोग्य मंत्रालयाचे सचिव राजेश

पश्चिम बंगाल व्यतिरिक्त आरोग्य मंत्रालयाने गोवा, जम्मू-काश्मीर, केरळ, लडाख, महाराष्ट्र, मणिपूर, मेघालय, मिझोराम, नागालँड, पंजाब, राजस्थान आणि सिक्कीम या राज्यांनाही पत्र लिहिले आहे. राज्यात ऑगस्टमध्ये २.९६ लाख करोना चाचण्या होत होत्या. आता ५६ हजार करण्यात आल्या आहेत, असे केरळला लिहिलेल्या पत्रात मंत्रालयाने म्हटले आहे.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: