IND v NZ : भारताचा सामना सुरु आहे कानपूरला; पण विराट कोहली पोहोचला मुंबईला, असं का घडलं पाहा…


मुंबई : भारतीय कसोटी आणि एकदिवसीय संघाचा कर्णधार विराट कोहली हा न्यूझीलंडविरुद्धच्या टी-२० आंतरराष्ट्रीय मालिकेतून आणि कसोटी मालिकेतून काही वेळ बाहेर राहिला आहे. आजपासून पहिला कसोटी सामना हा कानपूरला सुरु झाला. पण कोहली कानपूरला न जाता थेट मुंबईला पोहोचल्याचे पाहायला मिळाले. मुंबईला जाऊन कोहलीने नेमकं केलं तरी काय, याची उत्सुकता चाहत्यांना लागलेली होती.
न्यूझीलंडविरुद्धच्या दुसऱ्या कसोटीत कोहली मैदानात उतरेल. या सामन्याआधी तो मुंबईतील वानखेडे स्टेडियमवर भारताचे माजी फलंदाजी प्रशिक्षक संजय बांगर यांच्यासोबत सराव करताना दिसला. वानखेडे मैदानावरच मालिकेतील दुसरी कसोटीही खेळवली जाणार आहे. संजय बांगर टीम इंडियाचे फलंदाजी प्रशिक्षक असताना कोहलीने कसोटीत अव्वल क्रमांक पटकावला होता. आता पुन्हा एकदा तो फॉर्ममध्ये परतण्यासाठी बांगर यांची मदत घेत आहे. बांगर सध्या इंडियन प्रीमियर लीग फ्रँचायझी रॉयल चॅलेंजर्स बंगळुरूचे (RCB) मुख्य प्रशिक्षक आहेत. कोहलीने लवकरात लवकर फॉर्ममध्ये परतावे, ते फ्रँचायझीसाठी आणि टीम इंडियासाठीही चांगले असेल असे बांगर यांना वाटते. आयपीएल २०२१ नंतर विराटने बंगळुरू संघाचे कर्णधारपदही सोडले आहे.

सध्या कोहलीच्या अनुपस्थितीत अजिंक्य रहाणे कानपूर कसोटीचे नेतृत्व करत आहे. विराट कोहलीने टी-२० विश्वचषक २०२१ नंतर विश्रांती घेण्याचा निर्णय घेतला होता. त्यामुळे त्याला न्यूझीलंडविरुद्धच्या टी-२० मालिकेसह पहिल्या कसोटीसाठीही संघात स्थान देण्यात आले नाही. कोहलीने टी-२० संघाचे कर्णधारपद सोडून फलंदाजीवर लक्ष केंद्रित करण्याचा निर्णय घेतला आहे. त्याच्या जागी रोहित शर्माला कर्णधार बनवण्यात आले आहे.

कोहली गेल्या दोन वर्षांपासून खराब फॉर्मशी झगडत आहे. त्याने नोव्हेंबर २०१९ मध्ये बांगलादेशविरुद्ध कसोटीत शेवटचे शतक झळकावले होते. तेव्हापासून तो तिहेरी आकडा गाठण्यासाठी धडपडत आहे. २०२१ मध्ये त्याने एकूण ९ कसोटी सामने खेळले आहेत. यामध्ये कोहलीने १५ डावांमध्ये ४४.६१ च्या स्ट्राइक रेटने आणि २९.८० च्या सरासरीने ४४७ धावा केल्या आहेत. यात त्याची सर्वोत्तम धावसंख्या ७२ आहे.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: