pm modi and cm yogi photo : PM मोदींनी योगींच्या कानात काय सांगितले? राजनाथ सिंहांनी केले उघड


नवी दिल्लीः पंतप्रधान नरेंद्र मोदी आणि उत्तर प्रदेशचे मुख्यमंत्री योगी आदित्यनाथ यांचा एक फोटो गेल्या आठवड्यात सोशल मीडियावर व्हायरल झाला होता. पीएम मोदींनी सीएम योगींच्या खांद्यावर हात ठेवला आहे आणि ते योगींना काहीतरी समजावून सांगत आहेत, असे फोटोमधून दिसते. पुढील वर्षी उत्तर प्रदेशमध्ये विधानसभेच्या निवडणुकाही होणार आहेत, या पार्श्वभूमीवर या फोटोवरून अनेक बड्या नेत्यांनी प्रतिक्रिया दिला आणि राजकीय चर्चाही सुरू झाल्या आहेत. आता संरक्षण मंत्री राजनाथ सिंह यांनी या फोटोवरून पडदा हटवला आहे. पीएम मोदी सीएम योगींना काय समजावत आहेत हे राजनाथ यांनी सांगितले.

राजनाथ सिंह यांनी यासंदर्भात ट्विट केलं आहे. गेल्या आठवड्यात योगी आदित्यनाथ यांनी ट्विटरवर पंतप्रधान मोदींशी संवाद साधतानाचे काही फोटो ट्विट केले होते. या फोटोत पंतप्रधान मोदी त्यांच्या खांद्यावर हात ठेवून काहीतरी सांगत आहेत. आता पीएम मोदींनी योगी आदित्यनाथ यांच्या कानात नेमकं काय सांगितलं ते जाणू घेऊया. सीएम योगींनी जोरदार फटकेबाजी करावी. पूर्ण ताकदीने खेळावं. विजय निश्चित आहे, असे पंतप्रधान मोदी योगींना म्हणाल्याचं राजनाथ यांनी सांगितलं.

योगी आदित्यनाथ यांनी रविवारी पंतप्रधान मोदींसोबतचे काी फोटो ट्विट केले होते. हे फोटो व्हायरल झाले. तसंच त्यांनी काही ओळीही लिहिल्या होत्या.
farm laws repeal : कृषी कायदे रद्द करण्यासाठी संसदेत सरकारचा ‘हा’ आहे प्लान, २९ नोव्हेंबरला विधेयक मांडणार

पीएम मोदी आणि सीएम योगी यांच्या या फोटोवर विरोधी पक्षांनी निशाणा साधला होता. यूपीचे माजी मुख्यमंत्री आणि सपा अध्यक्ष अखिलेश यादव यांनी टीका केली होती. सर्व काही ठीक आहे हे दाखवण्यासाठी, राज्याच्या मुख्यमंत्र्यांना फोटो टाकून सिद्ध करावे लागले, अशी टीका काँग्रेसच्या सुप्रीया श्रीनेत यांनी केली.

UP Elections: कृषी कायद्यानंतर भाजपसमोर नवं संकट, जाट आरक्षणाच्या मागणीला जोर



Source link

Share on facebook
Share on twitter
Share on linkedin
Share on whatsapp
Share on telegram