अजिंक्य रहाणेच्या ‘त्या’ एका निर्णयामुळे श्रेयसचे पदार्पण लांबले; ४ वर्षापूर्वी खेळला असता कसोटी


कानपूर: भारतीय संघाकडून वनडे आणि टी-२० मध्ये मधळ्या फळीत धमाकेदार फलंदाजी करणाऱ्या श्रेयस अय्यरला अखेर कसोटी संघात स्थान मिळाले. कानपूरच्या ग्रीन पार्कवर न्यूझीलंडविरुद्धच्या पहिल्या कसोटीत श्रेयसला अंतिम अकरामध्ये स्थान मिळवले. वडने आणि टी-२० मध्ये पदार्पण करून बराच काळ झाल्यानंतर आता श्रेयसला कसोटी संघात स्थान मिळाले आणि त्याने या संधीचे सोनं करण्याची संधी सोडली नाही. पहिल्या दिवशी भारताची अवस्था चार बाद १४५ असताना त्याने रविंद्र जडेजा सोबत डाव सावरला आणि पदार्पणाच्या सामन्यात अर्धशतक करण्याचा विक्रम केला.

वाचा- कोण आहे मोहक कुमार? १२५ चेंडूत ३० षटकार आणि २८ चौकारांसह केल्या इतक्या धावा

श्रेयसने २०१९ साली रेस्ट ऑफ इंडियाकडून विदर्भ संघाविरुद्ध अखेरचा प्रथम श्रेणी सामना खेळला होता. त्यानंतर मोठ्या कालावधीनंतर कसोटी संघात संधी मिळाली. श्रेयसचे भारतीय कसोटी संघातून पदार्पण चार वर्षापूर्वीच झाले असते. पण तेव्हा हंगामी कर्णधार अजिंक्य रहाणेने घेतलेल्या एका निर्णयामुळे श्रेयसचे पदार्पण लांबले. २६ वर्षीय श्रेयसने २०१७ साली टीम इंडियाची जर्सी घेतली होती. तेव्हा डिसेंबरमध्ये त्याने श्रीलंकेविरुद्ध पदार्पण केले होते. सर्व काही ठीक होतो. वनडे संघासोबत त्याला कसोटी संघाची कॅप तेव्हाच मिळाली असते. २०१७ साली ऑस्ट्रेलियाचा संघ भारत दौऱ्यावर आला होता. मालिकेतील चौथी मॅच धर्मशाला येथे होती. कसोटीचा नियमीत कर्णधार विराट कोहली दुखापतीमुळे सामना खेळणार नव्हता, त्यामुळे रहाणेकडे नेतृत्व देण्यात आले. विराटच्या जागी संघात श्रेयसला संधी मिळायला हवी होती. पण अजिंक्यने तेव्हा एक अतिरिक्त गोलंदाजासह मैदानात उतरण्याचा निर्णय घेतला. यामुळे श्रेयसच्या हातातून संधी गेली. त्यानंतर तब्बल चार वर्षानंतर श्रेयसला कसोटी संघात स्थान मिळाले.

वाचा-INDvsNZ : राहुल द्रविडने टीम इंडियात पुन्हा सुरू केली जुनी परंपरा; पाहा व्हिडिओ

न्यूझीलंडविरुद्ध भारताच्या एखाद्या खेळाडूने १८ वर्षानंतर पदार्पण केले आहे. याआधी २००३ साली युवराज सिंगने न्यूझीलंडविरुद्ध पदार्पण केले होते आणि आज श्रेयसला ही संधी मिळाली. भारतासाठी कसोटीत पदार्पण करणारा तो ३०३ वा खेळाडू ठरला.

वाचा- भारतीय क्रिकेटपटूला ISIS कश्मीरकडून जीवे मारण्याची धमकी; २४ तासात दुसऱ्यांदा दिला..

प्रथम श्रेणीत धमाकेदार रेकॉर्ड

श्रेयसने २०१९ पर्यंत ५२.१८च्या सरासरीने ४ हजार ५९२ धावा केल्या आहेत. त्याचा स्ट्राईक रेट देखील ८१.५४ इतका आहे. राहुल द्रविड कोच झाल्यानंतर त्यांनी अनेकदा ही गोष्ट स्पष्ट केली आहे की त्याचे लक्ष्य वर्ल्ड टेस्ट चॅम्पियशिप आहे. अशात श्रेयस सारख्या खेळाडूंना संधी देणे हा भविष्यातील योजनेचा एक भाग मानला जात आहे. अजिंक्य, पुजार या खेळाडूंना पर्याय उभे करण्याची सुरुवात आतापासून केली जात आहे. यात सूर्यकुमार यादव, गिल यांचा देखील समावेश आहे.

वाचा- कानपूर कसोटीत पहिल्या दिवशी काय झाले



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: