सलग दुसऱ्या दिवशी सोने महागले ; जाणून घ्या आजचा सोने-चांदीचा भाव


हायलाइट्स:

  • दिवाळीनंतर झालेल्या नफावसुलीतून सोने आणि चांदी आता सावरले आहेत.
  • सोन्याचा भाव ४७५०० रुपयांवर आहे.
  • आज गुरुवारी कमाॅडिटी बाजारात सोनं १५० रुपयांनी महागले.

मुंबई : कमॉडिटी बाजारात तेजी परतली आहे. दिवाळीनंतर झालेल्या नफावसुलीतून सोने आणि चांदी आता सावरले आहेत. सोन्याचा भाव ४७५०० रुपयांवर आहे. आज गुरुवारी कमाॅडिटी बाजारात सोनं १५० रुपयांनी महागले. चांदीमध्ये आज २६७ रुपयांची वाढ झाली. सलग दुसऱ्या सत्रात सोनं आणि चांदी महागले.

क्रिप्टोकरन्सीचा फुगा लवकरच फुटेल; माजी गव्हर्नर रघुराम राजन यांचा इशारा म्हणाले…
अमेरिकेची मध्यवर्ती बँक असलेल्या फेडरल रिझर्व्हकडून लवकरच व्याजदर वाढवले जाणार असल्याने जागतिक कमॉडिटी बाजारात सोन्याच्या किमतीवर दबाव निर्माण झाला आहे. मात्र दुसऱ्या बाजुला करोनाची चौथी लाट धडकल्याने युरोपाच चिंतेचे वातावरण निर्माण झाले आहे.

कमॉडिटी बाजारात सध्या १० ग्रॅम सोन्याचा भाव ४७५३९ रुपये आहे. त्यात १०१ रुपयांची वाढ झाली आहे. सध्या एक किलो चांदीचा भाव ६२९१३ रुपये असून त्यात २७८ रुपयांची वाढ झाली आहे. आज चांदीने ६३०७५ रुपयांचा स्तर गाठला होता. एमसीएक्सवर दसरा-दिवाळी या सणासुदीत सोने जवळपास १६०० रुपयांनी तर चांदीमध्ये ३००० रुपयांची वाढ झाली होती. मात्र आता त्यात नफावसुली दिसून आली. गेल्या आठवड्यात दोन्ही धातूंच्या किंमतीत घसरण झाली होती.

मुकेश अंबानींना झटका ! गौतम अदानी बनले आशियातील सर्वात श्रीमंत व्यक्ती
Goodreturns या वेबसाईटनुसार आज गुरुवारी मुंबईत २२ कॅरेट सोन्याचा भाव ४६६२० रुपये इतका आहे. २४ कॅरेटचा भाव ४७६२० रुपये आहे. आज दिल्लीत सराफा बाजारात २२ कॅरेट सोन्याचा भाव ४६८४० रुपये इतका आहे. दिल्लीत २४ कॅरेटचा सोन्याचा भाव ५१०९० रुपये आहे. आज चेन्नईत २२ कॅरेटसाठी ४४९६० रुपये तर २४ कॅरेट सोन्याचा भाव ४९०५० रुपये इतका आहे. कोलकात्यात आज २२ कॅरेट सोन्याचा भाव ४७०९० रुपये असून २४ कॅरेट सोन्याचा भाव ४९७९० रुपये इतका आहे.

या सहकारी बँंकेची आर्थिक स्थिती खालावली ; रिझर्व्ह बँंकेनं सहा महिन्यांसाठी घातले निर्बंध
जागतिक कमॉडिटी बाजारात सोन्याचा भाव आज वधारला. युरोपात करोनानं डोकं वर काढल्याने आर्थिक अनिश्चितता निर्माण झाली आहे. काही देशांनी पुन्हा लाॅकडाउन लागू केला आहे. यामुळे संस्थात्मक गुंतवणूकदार सोन्याकडे वळाले आहे. आज स्पॉट गोल्डचा भाव ०.२ टक्क्यांनी वधारला असून तो १७९२.०५ डॉलर प्रती औंस झाला आहे. गोल्ड फ्युचर्सचा भाव ०.४ टक्क्यांनी वधारला असून तो १७९१.७० डॉलर आहे. चांदीचा भाव ०.५ टक्क्यांनी वधारला आणि तो २३.६४ डाॅलर प्रती औंस झाला.

स्टार हेल्थ इन्शुरन्सचा IPO; राकेश झुनझुनवाला यांना होणार बंपर फायदा, केलीय मोठी गुंतवणूक



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: