वीज बिल भरायला सांगण्यासाठी घरी आलेल्या वायरमनवर थेट तलवारीने हल्ल्याचा प्रयत्न!


हायलाइट्स:

  • वायरमनच्या अंगावर तलवारीने हल्ला
  • आरोपीला राधानगरी पोलिसांनी केली अटक
  • अन्य दोन संशयितांचा शोध सुरू

कोल्हापूर : वीज बिलाची थकबाकी भरा, असं सांगणाऱ्या वायरमनच्या अंगावर तलवारीने हल्ला करण्याचा प्रयत्न केल्याची घटना घडली आहे. याप्रकरणी हल्लेखोराला राधानगरी पोलिसांनी अटक केली. प्रमोद शिवाजी कांबळे असं संशयिताचं नाव असून कोर्टाने त्याला दोन दिवस पोलीस कोठडीत ठेवण्याचे आदेश दिले आहेत. तसंच अन्य दोन संशयितांचा पोलीस शोध घेत आहेत. (Kolhapur Crime Latest News)

पोलिसांनी दिलेल्या माहितीनुसार, सोळांकुर येथे कार्यरत असलेले वायरमन नितेश शेडमाके हे वीज बिलाची थकबाकी भरा असं सांगण्यास गेले असता प्रमोद शिवाजी कांबळे याने शिवीगाळ करून अंगावर पत्रा फेकला. तसंच घरातील तलवार घेऊन वायरमनच्या अंगावर हल्ला करण्याचा प्रयत्न केला.

Satej Patil: सतेज पाटील यांच्यापुढे नवा पेच; ‘या’ मुद्द्यावर भाजप हायकोर्टात जाणार

या घटनेची पोलिसात तक्रार देऊ नको म्हणून शिवाजी सुभाना कांबळे आणि जीवन शिवाजी कांबळे यांनी सोळांकुर येथील कार्यालयात येऊन वायरमन नितेश शेडमाके यांना जीवे मारण्याची धमकी दिली.

दरम्यान, याबाबत तिघांवर राधानगरी पोलिसात गुन्हा दाखल करण्यात आला आहे. पोलिसांनी प्रमोद कांबळे याला अटक केली आहे.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: