mamata banerjee: ममता बॅनर्जींचा मुंबई दौरा; घेणार उद्धव ठाकरे, शरद पवार यांची भेट


हायलाइट्स:

  • पश्चिम बंगालच्या मुख्यमंत्री ममता बॅनर्जी लवकरच मुंबई दौऱ्यावर येणार.
  • घेणार मुख्यमंत्री उद्धव ठाकरे आणि शरद पवार यांची भेट.
  • काय राजकीय चर्चा होणार याकडे सर्वांचे लक्ष.

मुंबई: पश्चिम बंगालच्या मुख्यमंत्री ममता बॅनर्जी (Mamata Banerjee) यांनी नुकतीच पंतप्रधान नरेंद्र मोदी (PM Narendra Modi) यांची भेट घेतली. त्यानंतर आता त्या मुंबई दौऱ्यावर येत आहेत. विशेष म्हणजे मुंबई दौऱ्यात मुख्यमंत्री बॅनर्जी या राष्ट्रवादीचे अध्यक्ष शरद पवार (Sharad Pawar) आणि महाराष्ट्राचे मुख्यमंत्री उद्धव ठाकरे (CM Uddhav Thackeray) यांची भेट घेणार आहेत. १ डिसेंबरपर्यंत मुख्यमंत्री बॅनर्जी मुंबईतच राहणार आहेत. (west bengal cm mamata banerjee will meet cm uddhav thackeray and ncp chief sharad pawar in mumbai)

विशेष म्हणजे विधानसभा निवडणुकीनंतर ममता बॅनर्जी यांचे काँग्रेससोबतचे संबंध चांगले राहिलेले नाहीत. सध्या त्या पक्षाच्या विस्तारात व्यग्र असून त्या काँग्रेस नेत्यांपासून मात्र दूर जात असल्याचे चित्र आहे. गेल्या दिल्ली दौऱ्यात ममता बॅनर्जी यांनी सोनिया गांधी यांची भेट घेतली होती, मात्र या दौऱ्यात ममता बॅनर्जी यांनी सोनिया गांधी यांची भेट घेतलेली नाही हे विशेष. सध्या आपण पंजाब निवडणुकीच्या पार्श्वभूमीवर खूपच व्यग्र असल्याने सोनिया गांधी यांची भेट घेतली नसल्याचे त्या म्हणाल्या. सोनियांबद्दल वारंवार विचारल्या गेलेल्या प्रश्नांवर त्या चांगल्याच भडकल्या आणि उत्तर देणे त्यांनी टाळले.

क्लिक करा आणि वाचा- ‘कामावर रुजू व्हा, अन्यथा…’; परिवहन मंत्री परब यांचा एसटी कर्मचाऱ्यांना ‘हा’ इशारा

खरं म्हणजे मुख्यमंत्री बॅनर्जी या बंगाल ग्लोबल बिझनेस समीटसाठी ३० नोव्हेंबरला मुंबईत येणार आहेत. त्या ३० आणि १ नोव्हेंबर असे दोन दिवस मुंबईत असतील. या दरम्यान त्या मुख्यमंत्री आणि शिवसेना पक्षप्रमुख उद्धव ठाकरे यांची भेट घेणार आहेत. याबरोबरच, त्या राष्ट्रवादीचे अध्यक्ष शरद पवार यांचीही भेट घेणार आहेत.

क्लिक करा आणि वाचा- पगारवाढीनंतरही एसटी संप मागे घेण्याची घोषणा नाही, संपाबाबत उद्या घेणार निर्णय!

राजकीय चर्चा होणार?

आपली मुंबई भेट ही बिझनेस समिटसाठी असल्याचे ममता बॅनर्जी यांनी स्पष्ट केलं आहे. मात्र, असं असलं तरी, मुख्यमंत्री उद्धव ठाकरे आणि शरद पवार यांच्या भेटीत राजकीय चर्चा होण्याची शक्यता वर्तवण्यात येत आहे. शिवसेना खासदार संजय राऊत यांनी ममता बॅनर्जींचे अनेकदा कौतुक केले आहे. शिवसेनेने पश्चिम बंगालच्या निवडणुकीत भाजपला विरोध दर्शवतानाच ममता बॅनर्जींच्या तृणमूल काँग्रेसला पाठिंबा दर्शवलेला होता.

क्लिक करा आणि वाचा- एसटीच्या इतिहासातील सर्वात मोठी पगारवाढ; पाहा किती वाढला पगार?



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: