शशिकांत शिंदेंच्या पराभवाचे शरद पवारांचे एका वाक्यात विश्लेषण, म्हणाले…


हायलाइट्स:

  • जिल्हा बँकेच्या निवडणुकीत आमदार शशिकांत शिंदे यांचा पराभव.
  • शिंदे यांच्या परावभवानंतर शरद पवार यांनी केले भाष्य.
  • ही निवडणूक शिंदे यांनी गांभिर्याने घेणे अपेक्षित होते- शरद पवार.

सातारा: जिल्हा बँकेच्या निवडणुकीत राष्ट्रवादी काँग्रेस पक्षाचे आमदार शशिकांत शिंदे (Shashikant Shinde) यांचा झालेला पराभव शिंदे यांच्या जिव्हारी लागला आहे. या पराभवानंतर शिंदे याचे समर्थक आक्रमक होत त्यांनी आपल्याच कार्यालयावर दगडफेक करत राग व्यक्त केला. पक्षातीलच नेत्यांनी शिंदे यांना मदत केली नसल्याचे कार्यकर्त्यांचे म्हणणे आहे. तर मी माझ्या विजयासाठी प्रामाणिक प्रयत्न केले होते, असे सांगत कार्यकर्त्यांनी केलेल्या कृत्याबाबत मी शरद पवार (Sharad Pawar) यांची माफी मागत असल्याचे शिंदे यांनी म्हटले आहे. शरद पवार यांनी शिंदे यांच्या पराभवाची कारणमिमांसा करताना एका वाक्यात आपली प्रतिक्रिया दिली आहे. (Sharad Pawar has said that Shashikant Shinde did not take the District Bank election seriously)

क्लिक करा आणि वाचा- घोटाळे लपवण्यासाठीच शिवसेनेसोबत सत्तेत सहभाग; ओवेसींचा राष्ट्रवादीवर निशाणा

राष्ट्रवादी काँग्रेसचे अध्यक्ष शरद पवार हे साताऱ्यातील महाबळेश्वर येथे पत्रकारांशी बोलत होते. शिंदे यांच्या पराभवाबाबत पत्रकारांनी पवार यांची प्रतिक्रिया विचारली. त्यावेळी शरद पवार यांनी एका वाक्यात या पराभवाचे विश्लेषण केले आहे. शशिकांत शिंदे यांचा पराभव का झाला, याच्या खोलात मी गेलो नाही. मात्र, ही निवडणूक शिंदे यांनी गांभिर्याने घेणे अपेक्षित होते. सरकारी संस्थाच्या निवडणुका या पक्ष घेत नाही, असेही पवार पुढे म्हणाल. तरुणांना स्थानिक स्वराज्य संस्थांच्या निवडणुकीत संधी मिळावी अशी मतदारांची इच्छा असावी, असेही पवार यानी म्हटले आहे.

क्लिक करा आणि वाचा- दंगलीत हात असलेल्या रझा अकादमीवर बंदी घातली घालावी; भाजपची मागणी

कृषी कायदे मागे घेण्याच्या मुद्द्यावर पवारांची केंद्रावर टीका

यावेळी बोलताना शरद पवार यांनी विविध मुद्द्यांवर आपले मत व्यक्त केले. केंद्र सरकारने शेतकऱ्यांचा विरोध असलेले केंद्रीय कृषी कायदे मागे घेतल्याबाबतही पवार यांनी पुन्हा एकदा भाष्य केले आहे. कृषी कायदे मागे घेतल्यामुळे जर नुकसान झाले असेल, तर मग ते का मागे घेतले?, असा सवाल पवार यांनी उपस्थित केला आहे. कृषी कायदे हा राज्याचा प्रश्न होता. असे असतानाही केंद्र सरकारने राज्याच्या सरकारांना विश्वासात घेतले नाही. शेतकऱ्यांच्या संदर्भात धोरण ठरवताना त्यांची चर्चा सदनात होत नाही, असे सांगतानाच काही दिवसांत शेजारच्या राज्याच्या निवडणुका होत आहेत. या निवडणुका डोळ्यापुढे ठेवूनच केंद्र सरकारने हा यामुळे हा निर्णय घेतला असल्याचे पवार यांनी म्हटले आहे.

क्लिक करा आणि वाचा- राज्यमंत्री बच्चू कडू यांची सिंचन विभागाच्या कार्यालयाला अचानक भेट; अधिकाऱ्यांची तारांबळ



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: