‘तुम्ही बघाच, २०२४ मध्ये शिवसेना…’; असदुद्दीन ओवेसींच्या भाकितामुळे राजकारणात खळबळ


सोलापूर : एआयएमआयएमचे पक्षप्रमुख असदुद्दीन ओवेसी यांनी सोलापूरात झालेल्या पत्रकारपरिषदेत बोलताना काँग्रेस आणि राष्ट्रवादीच्या धर्मनिरपेक्ष भूमिकांवर हल्ला चढवताना शिवसेनेच्या २०२४ च्या राजकीय भविष्यावर सूचक पण लक्ष्यवेधी वक्तव्य केलं आहे. ओवेसींच्या लेखी शिवसेना पुन्हा भाजप सोबत जाईल असा अंदाज वर्तविला आहे. त्यामुळं राज्याच्या राजकरणातील जाणकारांचे डोळे विस्फारले आहेत.

ओवेसींचा पक्षाच्या कार्यकर्ता मेळाव्यात आणि पत्रकारपरिषदेतही बोलण्याचा रोख हा शिवसेनेच्या हिंदुत्ववादी भूमिकेवर होता. तर धर्मनिरपेक्षतेच्या मुद्द्यावर त्यांनी काँग्रेस आणि राष्ट्रवादी काँग्रेसच्या पक्षप्रमुखांना लक्ष्य केलं. धर्मनिरपेक्षता ही काय खायची गोष्ट आहे का ? असा सवाल करत शिवसेनेसोबत गेल्यामुळं दोन्ही काँग्रेस आता उघड्या पडल्या आहेत.

MSRCT strike news : औरंगाबादमध्ये एसटी कर्मचाऱ्यांनी आगारात वाटले पेढे, नेमकं कारण काय?
एमआयएमसोबत गेलं तर जातीयवाद मग राहुल गांधींनी हिंमत असेल तर उत्तर द्यावं? महाराष्ट्रात काय सुरु आहे? १९९२ ला काय झालं होतं हे लोक अजून विसलरलेले नाहीत. असं असताना महाराष्ट्र राज्यात शिवसेना, काँग्रेस आणि राष्ट्रवादी काँग्रेस या तीन पक्षांची महाविकासआघाडी अस्तित्वात आली. ही महाविकास आघाडी अस्तित्वात आल्यापासून या आघाडीच्या विचारधारेवर प्रश्नचिन्ह आहे. परस्पर विरोधी विचारधारेचे तीन पक्ष एकत्र कसे येऊ शकतात ? असा सवाल देखील ओवेसी यांनी उपस्थित केला.

यामध्ये धर्मनिरपेक्षतेचा मुद्दा सर्वाधिक चर्चेत असताना आता एमआयएम पक्षाचे अध्यक्ष असदुद्दीन ओवैसी यांनी राज्यातील महाविकास आघाडीवर टीकास्त्र सोडलं आहे. राहुल गांधींना उघड आव्हान देतानाच त्यांनी २०२४ मध्ये शिवसेनेच्या भूमिकेविषयीदेखील सूचक भाकित वर्तवलं आहे. असदुद्दीन ओवैसी यांनी धर्मनिरपेक्षतेच्या मुद्द्यावरून महाविकासआघाडी सरकारवर टीका करताना आघाडीतल्या तिन्ही पक्षांवर संधीसाधू राजकारणाचे आरोप केले. “थ्री इन वन आहे की टू इन वन आहे काही कळत नाही. धर्मनिरपेक्षता म्हणजे चेष्टा वाटली का यांना? शिवसेनेसारख्या हिंदुत्ववादी पक्षाला तुम्ही सत्तास्थानी बसवता याला तुम्ही धर्मनिरपेक्षता म्हणता? शिवसेनेला सत्ता देऊन तुम्ही धर्मनिरपेक्षतेविषयी बोलता का ?” असा सवाल ओवैसी यांनी उपस्थित केला आहे. यामुळं विद्यमान सत्ताधारी पक्षातील कार्यकर्त्यांच्या मनात एकाच कल्लोळ माजला आहे.

अरे वाह! असद्दुदीन ओवेसींना २०० रुपयांचा दंड ठोठावणाऱ्या पोलिसाला पाच हजारांचं बक्षीस



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: