West Bengal: पश्चिम बंगालमध्ये दोन गटांत हाणामारी, हातगोळ्यांचाही वापर


हायलाइट्स:

  • पश्चिम बंगालच्या बीरभूम जिल्ह्यातील घटना
  • हिंसाचारात सहा जण गंभीर जखमी
  • तृणमूल काँग्रेसच्या दोन गटांत हिंसाचार झाल्याचा भाजपचा दावा

सूरी, पश्चिम बंगाल : पश्चिम बंगालच्या बीरभूम जिल्ह्यात तृणमूल काँग्रेसच्या दोन गटांत मंगळवारी जोरदार हाणामारी झाल्याचं समोर येतंय यादरम्यान देशी बनावटीचे हातगोळे एकमेकांवर फेकण्यात आले. या घटनेत सहा जण गंभीर जखमी झाल्याचं समजतंय. दुबराजपूरचे भारतीय जनता पक्षाचे आमदार अनुप साहा यांनी तृणमूल काँग्रेसच्या दोन गटांत झटापट झाल्याचा दावा केलाय. ‘तृणमूल काँग्रेस‘नं मात्र हा दावा फेटाळला आहे.

सूत्रांनी दिलेल्या माहितीनुसार, ही घटना दुबराजपूर स्टेशन क्षेत्रातील गारा – पादौमा गावात घडलीय. क्षेत्र विकास अधिकारी कार्यालयाचा एक गट सरकारी आवास योजनेसाठी सर्वेक्षण करण्यासाठी या भागाचा दौरा करत असताना ही घटना घडली.

करोनाचा पुन्हा धुमाकूळ : ७५ विद्यार्थी करोना संक्रमित, ओडिशा चिंतेतbharat gaurav trains : आता ‘भारत गौरव’ ट्रेन धावणार; रेल्वेमंत्री अश्विनी वैष्णव यांनी केली घोषणा
घटनेदरम्यान हातगोळे फेकण्यात आले तसंच हत्यारांचाही वापर करण्यात आल्याचं उपस्थितांचं म्हणणं आहे. जखमींना उपचारासाठी सूरी रुग्णालयात दाखल करण्यात आलंय.

पोलीस अधीक्षक नागेंद्रनाथ त्रिपाठी यांनी दिलेल्या माहितीनुसार, या घटनेत सात जणांना अटक करण्यात आलीय. त्यांच्याकडून दोन हत्यारही जप्त करण्यात आले असून सध्या परिस्थिती नियंत्रणात आहे.

दुसरीकडे, तृणमूल काँग्रेसनं मात्र या घटनेतून आपले हात झटकलेत. या हिंसाचाराशी तृणमूलचा कोणताही संबंध नसल्याचं पक्षाचे जिल्हा प्रमुख अनुब्रत मंडल यांनी म्हटलंय. ‘हा राजकीय हिंसाचार नव्हता. पोलिसांनी आवश्यक ती कारवाई करायला हवी’, असंही त्यांनी म्हटलंय.

Gautam Gambhir: ‘इसिस काश्मीर’कडून गौतम गंभीर यांना जीवे मारण्याची धमकी, सुरक्षेत वाढ
‘कृषी कायद्यांवरील अहवाल प्रसिद्ध करा’, समिती सदस्याची मागणी



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: