मोठया पडझडीतून सोने सावरले ; जाणून घ्या आजचा सोने-चांदीचा भाव


मुंबई : अमेरिकेची मध्यवर्ती बँक असलेल्या फेडरल रिझर्व्हकडून लवकरच व्याजदर वाढवले जाणार असल्याने जागतिक कमॉडिटी बाजारात सोन्याच्या किमतीवर दबाव निर्माण झाला आहे. त्याचे पडसद् भारतासह आशियातील बाजारांवर उमटले. मंगळवारी मल्टी कमॉडिटी एक्सचेंजमध्ये सोन्याचा भाव ५०० रुपयांनी कमी झाला होता. आज बुधवारी त्यात वाढ झाली आहे. मोठ्या पडझडीतून आज सोने आणि चांदी सावरले आहेत.

तेजी परतली ; सेन्सेक्स आणि निफ्टीमध्ये झाली वाढ, या क्षेत्रात खरेदीचा ओघ
कमॉडिटी बाजारात सध्या १० ग्रॅम सोन्याचा भाव ४७६६४ रुपये आहे. त्यात १८० रुपयांची वाढ झाली आहे. सध्या एक किलो चांदीचा भाव ६२८५२ रुपये असून त्यात ३४३ रुपयांची वाढ झाली आहे. आज चांदीने ६४५७४ रुपयांची नीचांकी पातळी गाठली होती.

यापूर्वी काल मंगळवारी कमॉडिटी बाजारात नफावसुलीचा ट्रेंड दिसून आला होता.एमसीएक्सवर काल सोन्याचा भाव ४८ हजारांखाली गेला. बाजार बंद होताना सोनं ५०७ रुपयांनी स्वस्त झाले आणि ४७४१६ रुपयांवर स्थिरावले होते. चांदीमध्ये देखील कालच्या सत्रात तब्बल २००० रुपयांची घसरण झाली होती. एक किलो चांदीचा भाव ६२५८१ रुपयांवर बंद झाला होता. दसरा-दिवाळी या सणासुदीत सोने जवळपास १६०० रुपयांनी तर चांदीमध्ये ३००० रुपयांची वाढ झाली होती. मात्र आता त्यात नफावसुली होताना दिसत असल्याचे कमाॅडिटी विश्लेषकांचे म्हणणे आहे.

इंडेक्स फंडात गुंतवणूक संधी; ‘एडलवाईज एएमसी’चा लार्ज ऍण्ड मिडकॅप इंडेक्स फंड खुला
Goodreturns या वेबसाईटनुसार आज बुधवारी मुंबईत २२ कॅरेट सोन्याचा भाव ४६९८० रुपये इतका आहे. २४ कॅरेटचा भाव ४७९८० रुपये आहे. आज दिल्लीत सराफा बाजारात २२ कॅरेट सोन्याचा भाव ४७१९० रुपये इतका आहे. दिल्लीत २४ कॅरेटचा सोन्याचा भाव ५१४९० रुपये आहे. आज चेन्नईत २२ कॅरेटसाठी ४५००० रुपये तर २४ कॅरेट सोन्याचा भाव ४९०९० रुपये इतका आहे. त्यात ३७० रुपयांची घसरण झाली आहे. कोलकात्यात आज २२ कॅरेट सोन्याचा भाव ४८१९० रुपये असून २४ कॅरेट सोन्याचा भाव ५०६९० रुपये इतका आहे.

पीएमसी बँक खातेदारांसाठी महत्वाची बातमी; अशी मिळणार भरपाई, RBI ने आराखडा केला सादर
जागतिक कमॉडिटी बाजारात सोन्याचा भाव १८०० डॉलर खाली आहे. फेडरल रिझर्व्हने व्याजदर वाढीचे संकेत दिले आहेत. परिणामी सोन्याचा भाव गेल्या सत्रात १.४ टक्क्यानी घसरला होता. आज त्यात किंचित वाढ झाली आहे. आज स्पॉट गोल्डचा भाव ०.३ टक्क्यांनी वधारला असून तो १७९४.९६ डॉलर प्रती औंस झाला आहे. गोल्ड फ्युचर्सचा भाव ०.६ टक्क्यांनी वधारला असून तो १७९३.९० डॉलर आहे.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: