तेजी परतली ; सेन्सेक्स आणि निफ्टीमध्ये झाली वाढ, या क्षेत्रात खरेदीचा ओघ


हायलाइट्स:

  • भांडवली बाजारात पुन्हा एकदा खरेदीचा ओघ सुरु झाला आहे.
  • सेन्सेक्स १५० अंकांनी वधारला आहे.
  • बाजारात तेजी परतल्याने गुंतवणूकदार सुखावले आहेत.

मुंबई : भांडवली बाजारात पुन्हा एकदा खरेदीचा ओघ सुरु झाला आहे. बँका, धातू , ऑटो आणि आयटी क्षेत्रात झालेल्या खरेदीने सेन्सेक्स आणि निफ्टीमध्ये वाढ झाली आहे. सेन्सेक्स १५० अंकांनी वधारला आहे. बाजारात तेजी परतल्याने गुंतवणूकदार सुखावले आहेत.

पेट्रोल-डिझेल दर ; जाणून घ्या आजचा तुमच्या शहरातील इंधन दर
आजच्या सत्रात सेन्सेक्समधील ३० पैकी २१ शेअर तेजीत आहेत. ज्यात अल्ट्राटेक सिमेंट, पॉवरग्रीड, भारती एअरटेल, एनटीपीसी, ऍक्सिस बँक, एसबीआय, महिंद्रा अँड महिंद्रा , टीसीएस, टाटा स्टील, मारुती, एचडीएफसी बँक, एल अँड टी , आयटीसी, टायटन, बजाज ऑटो, सन फार्मा या शेअरमध्ये वाढ झाली आहे. दुसऱ्या बाजूला बजाज फायनान्स, एचडीएफसी , कोटक बँक, डॉ. रेड्डी लॅब, इन्फोसिस, टेक महिंद्रा, बजाज फिनसर्व्ह, एशियन पेंट, रिलायन्स इंडस्ट्रीज या शेअरमध्ये घसरण झाली आहे.

इंडेक्स फंडात गुंतवणूक संधी; ‘एडलवाईज एएमसी’चा लार्ज ऍण्ड मिडकॅप इंडेक्स फंड खुला
टाटा पॉवर, आयओबी, सेंट्रल बँक ऑफ इंडिया, ओएनजीसी, स्पाइज जेट, पीएनबी बँक , कोल इंडिया या शेअरमध्ये वाढ झाली आहे. सध्या सेन्सेक्स १९५ अंकांनी वधारला असून तो ५८८५९ अंकावर आहे. निफ्टी ५० अंकांच्या वाढीसह १७५५४ अंकावर आहे.

पीएमसी बँक खातेदारांसाठी महत्वाची बातमी; अशी मिळणार भरपाई, RBI ने आराखडा केला सादर
मागील आठवड्यात पेटीएमच्या नोंदणीने बाजारात एक नकारात्मक वातावरण तयार झाले होते. पेटीएमने निराशजनक नोंदणी केल्याने गुंतवणूकदारांना प्रचंड आर्थिक फटका बसला. त्याशिवाय परदेशी गुंतवणूकदारांना देखील मोठं नुकसान सहन करावे लागले होते. त्याचे पडसाद बाजारावर उमटले. किरकोळ गुंतवणूकदारांनी बाजारात यापुढे सावधगिरी बाळगायला हवी, असे मत जिओजित फायनान्शिअल सर्व्हिसेसचे मुख्य गुंतवणूक अधिकारी व्हि. के. विजयकुमार यांनी सांगितले.

युरोपात करोनाची चौथी लाट; दोन दिवसांत सोनं ११०० रुपयांनी स्वस्त, जाणून घ्या आजचा भाव
काल मंगळवारी भांडवली बाजारात मोठी उलथापालथ दिसून आली होते. सेन्सेक्स सुरुवातीच्या सत्रात ७०० अंकांनी कोसळला होता. मात्र त्यानंतर खरेदीचा ओघ वाढल्याने तो पुन्हा वधारला. जवळपास ७०० अंकांची भरपाई करत तो आणखी २०० अंकांनी वधारला. ऊर्जा, धातू आणि टेलिकॉम शेअरमध्ये खरेदी वाढल्याने निर्देशांकातील पडझडीला ब्रेक बसला. बाजार बंद होताना सेन्सेक्स १९८ अंकांच्या तेजीसह ५८६६४ अंकावर स्थिरावला होता. निफ्टी ८६ अंकांनी वधारून १७५०३ अंकांवर बंद झाला.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: