मी शिकवलेली ट्रिक माझ्यावरच वापरली; रोहित शर्माने सांगितला मजेदार किस्सा


नवी दिल्ली: भारतीय क्रिकेट संघाने बुधवारी जयपूर येथे झालेला पहिल्या टी-२० सामन्यात न्यूझीलंडवर ५ विकेटनी विजय मिळवला. या विजयासह भारतीय क्रिकेटमध्ये रोहित शर्मा आणि राहुल द्रविड या नव्या युगाची सुरूवात झाली. न्यूझीलंडने प्रथम फलंदाजी करत १६४ धावा केल्या होत्या. हे लक्ष्य भारताने १९.४ षटकात १६६ धावा केल्या. कर्णधार म्हणून पहिल्याच सामन्यात विजय मिळवल्यानंतर रोहित शर्मा खुश होता.

वाचा- Watch Video कोच राहुल द्रविडने पहिल्याच सामन्यात मन जिंकले; विजयानंतर पाहा काय केले

सामना झाल्यानंतर रोहितने त्याच्या आणि न्यूझीलंडचा वेगवान गोलंदाज ट्रेंट बोल्ट याच्यातील लढतीबद्दल सांगितले. आयपीएलमध्ये रोहित शर्मा नेतृत्व करत असलेल्या मुंबई इंडियन्सकडून बोल्ट खेळतो. पहिल्या टी-२० मध्ये अर्धशतकाच्या जवळ पोहोचलेल्या रोहितला बोल्टने बाद केले. रोहितने ३६ चेंडूत पाच चौकार आणि २ षटकारांसह ४८ धावा केल्या. रोहित म्हणाला, बोल्टला माझी कमकूवत बाजू माहिती आहे. पण आता मी त्याने दिलेल्या सल्ल्याचा वापर करत आहे.

वाचा- षटकार मारल्यानंतर न्यूझीलंडच्या खेळाडूने दिली खुन्नस; चाहरने दिले असे उत्तर, Video

आम्ही दोघांनी बरच क्रिकेट एकत्र खेळले आहे. बोल्टला माझी ताकद आणि कमकूवत बाजू चांगलीच माहिती आहे. मी जेव्हा त्याचा कर्णधार असतो तेव्हा त्याला एक रिस्क घेऊन गोलंदाजी करण्यास सांगतो. आता तीच ट्रिक तो माझ्याविरुद्ध वापरत आहे. त्याने मिड विकेट फिल्डरला मागे पाठवले आणि फाइन लेगच्या फिल्डरला पुढे बोलवले. मला माहिती होते की तो बाउंसर चेंडू फेकणार आहे. त्यामुळे मी पूर्ण तयारी केली होती आणि तो चेंडू मिड विकेट फिल्डरच्या डोक्यावरून मारमार. पण प्रत्यक्षात चेंडू हव्या तितक्या वेगाने माझ्याकडे आला नाही.

वाचा- कर्णधार रोहित शर्माचे ‘जयपूर कनेक्शन’; ९ वर्षापूर्वीचे ट्वीट व्हायरल

मार्टिन गुप्टिलने केलेल्या ७० धावांच्या जोरावर न्यूझीलंडने १६४ पर्यंत मजल मारली होती. भारताला रोहित शर्मा आणि केएल राहुल यांनी शानदार सुरूवात करून दिली. त्यानंतर सूर्यकुमार यादवने ६२ धावांची खेळी करून संघाला विजया जवळ पोहोचवले. अखेरच्या षटकापर्यंत रंगलेल्या सामन्यात ऋषभ पंतने चौकार मारून विजय साकारला.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: