arvind kejriwal : ‘क्रिकेटपटूच्या मुलीवर बलात्काराची धमकी देणे म्हणजे हिंदुत्व नव्हे’


नवी दिल्लीः दिल्लीचे मुख्यमंत्री अरविंद केजरीवाल यांचा अयोध्या दौरा आणि दिवाळी पूजेच्या कार्यक्रमाची बरीच चर्चा झाली. दिल्लीचे मुख्यमंत्री अरविंद केजरीवाल आणि त्यांचा पक्ष सॉफ्ट हिंदुत्वाकडे वाटचाल करत आहेत की काय? अशी चर्चा सुरू झाली. ‘टाइम्स नाउ’ चॅनेलच्या टाइम्स नाउ समिट या कार्यक्रमात दिल्लीचे मुख्यमंत्री अरविंद केजरीवाल सहभागी झाले होते. त्यांनी सॉफ्ट हिंदुत्वापासून ते ५ राज्यांच्या विधानसभा निवडणुकांबद्दल भूमिका मांडली.

दिवाळी पूजनाचा कार्यक्रम आणि अयोध्या भेटीवरून केजरीवाल सॉफ्ट हिंदुत्वाकडे वाटचाल करत आहेत का? असा प्रश्न मुख्यमंत्री अरविंद केजरीवाल यांना विचारण्यात आला. दिवाळी चांगली साजरी करणे हे सॉफ्ट हिंदुत्व आहे का… मंदिरात जाणे हे सॉफ्ट हिंदुत्व आहे का, कोट्यवधी लोक मंदिरात जातात. तसे असेल तर मी ते करतो. हनुमान चालीसा येते का? असे आपल्याला विचारले. मी हो म्हटले आणि ती म्हणून दाखवली. यावरून भाजप आणि काँग्रेस नेते काय बोलू लागले. अयोध्येला गेलो त्यावरून एवढा गदारोळ झाला. तिथे जाणे पाप आहे का? असे सावल केजरीवाल यांनी केले.

विराट कोहलीला धमकावले; मुंबई पोलिसांनी इंजीनिअरला केली अटक

रथयात्रेसोबतच रामजन्मभूमी हा भाजपचा मुद्दा आहे. अयोध्या किंवा दिवाळीची पूजा करून तुम्हाला भाजपची बी टीम बनवायची आहे का? असे आरोप केले जात आहेत. या प्रश्नाला अरविंद केजरीवाल यांनी उत्तर दिले. हिंदुत्व म्हणजे नेमके काय. प्रभू राम हे प्रत्येक हिंदूचे आराध्य दैवत आहेत. त्यांनी सांगितलेला प्रत्येक शब्द माझ्यासाठी हिंदुत्व आहे. मला या देशातील १३० कोटी नागरिकांना जोडायचे आहे, हे हिंदुत्व आहे. सोशल मीडियावर शिवीगाळ करतात, दंगली घडवतात, हे हिंदुत्व नाही, असे केजरीवाल म्हणाले.

sanjay raut : राजकीय चिखलफेक थांबली पाहिजे, महाराष्ट्रावर डाग लागतोयः संजय राऊत

एका प्रसिद्ध क्रिकेटपटूच्या ८ महिन्यांच्या मुलीला बलात्काराची धमकी दिली जाते, हे हिंदुत्व नाही. दलितांना मारले जाते, हे हिंदुत्व नाही. ते दलितांवर अत्याचार करतात. प्रभू रामाचा संदेश त्यांचे आचरण शिकवते ते म्हणजे हिंदुत्व, असे दिल्लीचे मुख्यमंत्री अरविंद केजरीवाल म्हणाले.

priyanka gandhi : प्रियांका गांधींची घोषणा… ‘आशा, अंगणवाडी सेविकांना दरमहा १० हजार रुपये मानधन देणार’



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: