न्यूझीलंडविरुद्धच्या संघात पाच सलामीवीर, तर विश्वचषकातील कोणत्या दिग्गज खेळाडूंना संघाबाहेर केले पाहा…


नवी दिल्ली : न्यूझीलंडविरुद्धच्या ट्वेन्टी-२० मालिकेसाठी भारताचा संघ आज जाहीर करण्यात आला. या संघात बारताने पाच सलामीवीरांना डच्चू दिला आहे, त्याचबरोबर विश्वचषकातील दिग्गज खेळाडूंना यावेळी संघात स्थान देण्यात आलेले नाही.

भारताच्या संघात यावेळी रोहित शर्मा आणि लोकेश राहुल हे दोन सलामीवीर आहेतच, त्याचबरोबर ऋतुराज गायकवाड आणि आयपीएलमध्ये धडाकेबाज फटकेबाजी करणाऱ्या वेंकटेश अय्यरलाही संधी देण्यात आली आहे. त्याचबरोबर यष्टीरक्षक आणि सलामीवीर असलेल्या इशान किशनलाही स्थान देण्यात आले आहे. त्यामुळे या संघात आता पाच सलामीवीर असल्याचे पाहायला मिळाले आहे. त्याचबरोबर या संघात विश्वचषकातील दिग्गज खेळाडूंना संधी देण्यात आलेली नाही. यामध्ये कर्णधार विराट कोहली, जसप्रीत बुमरा, मोहम्मद शमी, रवींद्र जडेजा, शार्दुल ठाकूर यांना संधी दिलेली नाही. पण या संघात युवा खेळाडूंचा चांगलाच भरणा करण्यात आला आहे. आयपीएल गाजवणारा आरसीबीचा वेगवान गोलंदाज हर्षल पटेलला यावेळी भारतीय संघात स्थान देण्यात आले आहे. त्याचबरोबर भुवनेश्वर कुमार, मोहम्मद सिराज आणि दीपक चहर हे संघात आहेत. विश्वचषकासाठी ज्याची निवड केली नसल्यामुळे वाद झाला होता तो फिरकीपटू युजवेंद्र चहल भारतीय संघात परतला आहे, दुसरीकडे विश्वचषकाच्या संघातील लेग स्पिनर राहुल चहर हा संघाबाहेर गेला आहे. एकंदरीत या संघाकडे पाहिले तर पुढच्या विश्वचषकासाठी संघ बांधणी करण्यासाठी निवड समितीने हे पाऊल उचलल्याचे पाहायला मिळत आहे.

भारत आणि न्यूझीलंड यांच्यामध्ये तीन ट्वेन्टी-२० सामन्यांची मालिका होणार आहे आणि त्यासाठी या संघाची निवड करण्यात आली आहे. त्याचबरोबर भारत आणि न्यूझीलंड यांच्यामध्ये दोन कसोटी सामन्यांची मालिकाही खेळवण्यात येणार आहे. पण या संघाची घोषणा मात्र बीसीसीआयने यावेळी केलेली नाही. कसोटी मालिकेसाठी विराट कोहली विश्रांती घेणार असल्याचे आता समोर आले आहे. त्यामुळे भारतीय संघाचे कर्णधारप अजिंक्य रहाणेकडे द्यायचे की रोहित शर्माकडे याचा विचार निवड समिती करत असेल. पण ट्वेन्टी-२० मालिका सुरु झाल्यावर भारताच्या कसोटी संघाचीही घोषणा करण्यात येईल, असे दिसत आहे.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: