Harekala Hajba: ‘पद्मश्री’ पुरस्कार स्वीकारण्यासाठी अनवाणीच पोहचला एक ‘असामान्य’ फळ विक्रेता!


हायलाइट्स:

  • ६४ वर्षीय हरेकला हजब्बा यांचा ‘पद्मश्री’ पुरस्कारानं सन्मान
  • शिक्षण क्षेत्रातील उल्लेखनीय कार्यासाठी गौरव
  • फळं विकून गावात उभारली प्राथमिक – माध्यमिक शाळा

नवी दिल्ली :राष्ट्रपती रामनाथ कोविंद यांच्या हस्ते सोमवारी पद्म पुरस्कार विजेत्यांना सन्मानित करण्यात आलं. यात कर्नाटकच्या मंगळुरूचे रहिवासी आणि व्यवसायानं फळ विक्रेता असलेल्या ६४ वर्षीय हरेकला हजब्बा यांचाही समावेश होता. हरकेला हजब्बा यांना सामाजिक क्षेत्रातील उल्लेखनीय कार्यासाठी ‘पद्मश्री‘ पुरस्कारानं सन्मानित करण्यात आलं. (Harekala Hajabba, orange seller from Karnataka, honoured with Padma Shri)

पुरस्कार स्वीकारण्यासाठी हरेकला राष्ट्रपतींजवळ पोहचले तेव्हा संपूर्ण हॉलभर टाळ्यांचा कडकडाट झाला. उल्लेखनीय म्हणजे, देशातील सर्वोच्च पुरस्कारांपैंकी एक असलेला ‘पद्मश्री’ पुरस्कार स्वीकारण्यासाठी हरेकला हजब्बा अनवाणीच राष्ट्रपतींसमोर उपस्थित झाले

२५ हजार बेवारस मृतदेहांवर अंत्यसंस्कार, अयोध्येच्या ‘शरीफ चाचां’नी स्वीकारला ‘पद्मश्री’
राष्ट्रपतींच्या हस्ते पार पडला ‘पद्म’ पुरस्कार वितरण सोहळा, देश-विदेशातील ११९ मान्यवरांचा सन्मान
अत्यंत साध्या कपड्यांत दिसणाऱ्या हरेकला हजब्बा यांना शिक्षण क्षेत्रातल्या कार्यासाठी गौरविण्यात आलं. हजब्बा संत्र्यांची विक्री करून आपलं पोट भरतात. स्वत: निरक्षर असूनही शिक्षणाचं महत्त्व समजणारे हजब्बा यांनी आपल्या आयुष्यभराच्या तुटपुंज्या मिळकतीतून बंगळुरूजवळच असलेल्या आपल्या गावात २००० साली एक प्राथमिक आणि माध्यमिक शाळा सुरू केलीय.

बंगळुरूपासून ३५० किलोमीटर अंतरावर स्थित न्यू पाडपू गावात पोहचण्यासाठी साधे रस्तेही नाहीत. परंतु, हजब्बा यांनी उभारलेल्या इथल्या शाळेत जवळपास १३० विद्यार्थी शिक्षण घेत आहेत.

२००० सालापर्यंत या गावात एकही शाळा अस्तित्वात नव्हती. मात्र, दिवसभर राबून १५० रुपयांपर्यंत कमाई करू शकणाऱ्या हरेकाला हजब्बा यांनी आपल्या मेहनतीच्या कमाईतून एक एकर जमिनीवर ‘कन्नड जिल्हा पंचायत हायस्कूल‘च्या नावानं शाळा सुरू केली.

शाळा सुरू करताना त्यांना आर्थिक समस्यांसह इतर अडचणींचाही सामना करावा लागला. सुरुवातील त्यांना कुणाचंही सहकार्य मिळालं नाही. मात्र परिसरात असलेल्या एका मशिदीला लागूनच असलेल्या मदरशात त्यांनी आपली शाळा सुरू केली. या शाळेत २८ मुलांना शिक्षण घेताना पाहून हजब्बा यांना हुरुप आला. त्यामुळे मुलांसोबत त्यांनीही शिक्षण घेणं सुरू केलं.

काही वर्षानंतर इथं शाळेची लहानशी इमारत उभी राहिली. मुलांची संख्या वाढल्यानंतर प्रसंगी कर्ज काढून त्यांनी हा खर्च केला. हजब्बा यांचे हे निस्वार्थी प्रयत्न पाहून काही जण त्यांच्या मदतीलाही समोर आले. स्थानिक वर्तमानपत्रांनी दखल घेतल्यानंतर राज्य सरकारकडून हजब्बा यांना एक लाख रुपयांचा मदतनिधी उपलब्ध करून देण्यात आला.

P Murlidhar Rao: ब्राह्मण मतदार माझ्या खिशात, भाजप मंत्र्याचं वक्तव्य
पेट्रोल पंपावर फसवणूक, भाजप मंत्र्यांची तळपायाची आग मस्तकाला



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: