तेजीची लाट ; सेन्सेक्स-निफ्टीची झेप, गुंतवणूकदारांच्या मालमत्तेत एक लाख कोटींची भर


हायलाइट्स:

  • गुंतवणूकदारांनी केलेल्या चौफेर खरेदीने आज सेन्सेक्स आणि निफ्टीमध्ये मोठी वाढ झाली.
  • बाजार बंद होताना सेन्सेक्स ४७८ अंकांनी वधारला आणि तो ६०५४५ अंकांवर स्थिरावला.
  • राष्ट्रीय शेअर बाजाराचा निफ्टी १५१ अंकाच्या वाढीसह १८०६८ अंकावर बंद झाला.

मुंबई : भांडवली बाजारात गुंतवणूकदारांनी केलेल्या चौफेर खरेदीने आज सेन्सेक्स आणि निफ्टीमध्ये मोठी वाढ झाली. बाजार बंद होताना सेन्सेक्स ४७८ अंकांनी वधारला आणि तो ६०५४५ अंकांवर स्थिरावला. राष्ट्रीय शेअर बाजाराचा निफ्टी १५१ अंकाच्या वाढीसह १८०६८ अंकावर बंद झाला. या तेजीच्या लाटेत गुंतवणूकदारांची मालमत्ता एक लाख कोटींनी वाढली.

मालमत्ता की म्युच्युअल फंड? कुठे गुंतवणूक करणे ठरेल फायदेशीर
आज प्राथमिक बाजारात देशातील सर्वात मोठा आयपीओ धडकला. पेटीएमची पालक कंपनी ९७ वन कम्युनिकेशची १६००० कोटींची शेअर विक्री आजपासून सुरु झाली. पहिल्याच दिवशी हा आयपीओ १८ टक्क्यांनी सबस्क्राईब झाला. पेटीएमच्या आयपीओने बाजारात उत्साही वातावरण होते.

सोने-चांदीमधील तेजी कायम ; जाणून घ्या आज कितीने महागले सोने
मुहूर्ताच्या सौद्यांनंतर तीन दिवस भांडवली बाजार बंद होता. आज गुंतवणूकदारांनी चौफेर खरेदी केली. सेन्सेक्स मंचावरील ३० पैकी ८ शेअर घसरण झाली. यात ऍक्सिस बँक, आयसीआयसीआय बँक, टीसीएस, एशियन पेंट, मारुती, एसबीआय, महिंद्रा अँड महिंद्रा, इंडसइंड बँक या शेअरमध्ये घसरण झाली.

पोस्ट ऑफिसमध्ये १००० रुपयांमध्ये खाते उघडा; दरमहा ५ हजार रुपये कमवा, कसे ते जाणूुन घ्या
टायटन, अल्ट्राटेक सिमेंट, बजाज फिनसर्व्ह, टेक महिंद्रा, कोटक बँक, एचडीएफसी, एनटीपीसी, पॉवरग्रीड, बजाज फायनान्स, इन्फोसिस, भारती एअरटेल, आयटीसी, टाटा स्टील, नेस्ले, एल अँड टी, सन फार्मा, बजाज ऑटो, एचयूएल, एचडीएफसी बँक, एचसीएल टेक या शेअरमध्ये वाढ झाली.

निफ्टी मंचावरील ५० पैकी ४० शेअर वधारले तर १० शेअर घसरणसह बंद झाले. आज जागतिक बाजारातील सकारात्मक संकेतांच्या पार्श्वभूमीवर आज भांडवली बाजारात तेजी दिसून आली. नोव्हेंबरपासून फेडरल रिझर्व्हकडून बॉण्ड खरेदी बंद करण्याची शक्यता आहे. परिणामी बाजारात मोठी उलथापालथ झाली असल्याचे जिओजित फायनान्शिअल सर्व्हिसचे मुख्य गुंतवणूक रणनीतीकार डॉ. व्ही. के विजयकुमार यांनी सांगितले.

दरम्यान, सकाळच्या सत्रात सेन्सेक्समध्ये १४५ अंकाची घसरण झाली होती. मात्र पुन्हा तो वधारला. गुरुवारी मुहूर्ताला सेन्सेक्स २९५ अंकांनी वधारला होता. निफ्टी ८७.६० अंकांची वाढ झाली. शुक्रवारी बाजार बंद होता.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: