palkhi marg : रामकृष्ण हरी… रामकृष्ण हरी… म्हणत PM मोदींनी वारकऱ्यांना दिली मोठी भेट


नवी दिल्लीः पंढरपूर पालखी मार्गाच्या चौपदरीकरणाच्या भूमिपूजनावेळी पंतप्रधान मोदींनी आपल्या भाषणातून बऱ्याचदा मराठीतून संवाद साधला. पंतप्रधान मोदींनी भाषणाची सुरवातच रामकृष्ण हरी… रामकृष्ण हरी असं म्हणत केली आणि महाराष्ट्रातील वारकरी संप्रदायाला साद घातली. पंढरपूरच्या विठुरायामुळे आज मी आपल्या सर्वांशी जोडला गेलो. ही साक्षात विठ्ठलाची कृपाच म्हणावी, असं पंतप्रधान मोदी म्हणाले.

संत ज्ञानेश्वार माऊली आणि संत तुकोबारायांच्या पालखी मार्गाचे आज उद्घाटन होत आहे, याचा मला अतिशय आनंद होतोय. वारकऱ्यांना अधिक सुविधा तर मिळणारच आहेत. पण रस्ते हे विकासाचे प्रवेशद्वार असतात असं म्हटलं जातं. तसे पंढरीकडे जाणारे हे पालखी मार्ग भागवत धर्माची पताका आणखी उंच ठरवणारे महामार्ग ठरतील. पवित्र मार्गाकडे नेणारे ते मार्ग असतील, असं पंतप्रधान मोदी मराठीत बोलले.

सर्व विठ्ठल भक्तांचे आणि या क्षेत्रासी संबंधित सर्वांचे पंढरपूर क्षेत्राच्या विकास अभियानाबद्दल खूप खूप अभिनंदन करतो. मी सर्व वारकऱ्यांना नमन करतो. त्यांना कोटी कोटी अभिवादन करतो. या कृपेसाठी विठ्ठलाच्या चरणी नमन करतो आणि साष्टांग दंडवत घालतो. मी सर्व संताच्या चरणी नमन करतो, असं पंतप्रधान मोदी म्हणाले.

पंढरपूरच्या आषाढी यात्रेला भक्तीमय वातावरण असतं. सर्व रामकृष्ण हरी… रामकृष्ण हरी … पुंडलिक वरदे हरी विठ्ठल… ज्ञानदेव तुकाराम… असा जयघोष सुरू असतो. ‘विष्णुमय जग वैष्णवांचा धर्म। भेदाभेद-भ्रम अमंगळ॥ आइका जी तुम्ही भक्त भागवत। कराल ते हित सत्य करा॥ कोणाही जीवाचा न घडावा मत्सर। वर्म सर्वेश्वरपूजनाचे॥’, या ओवीतून आपसात भेदाभेद करून नये. कुठलाही जात पात नको, भेदभाव नाही. सर्व वारकरी समान आहेत. ते एकमेकांचे गुरुभाऊ आणि गुरु बहिण आहेत. सर्व विठ्ठलाची पुत्र आहेत. यामुळे सर्वांची एकच जात आणि एकच गोत्र आहे. विठ्ठल गोत्र. विठ्ठलाचा दरबार सर्वांसाठी समान स्वरुपात खुला आहे, असं पंतप्रधान मोदी म्हणाले.

PM मोदी म्हणाले, ‘विठ्ठलाला साष्टांग दंडवत…’; मागितले तीन आशीर्वाद

पंढरपूरची आभा, पंढरपूरची अनुभूती आणि पंढरपूरची अभिव्यक्ती हे सर्वकाही अलौकिक आहे. माझे माहेर पंढरी आहे भीवरेच्या तिरी… खरंच पंढरपूर आपल्या आईच्या घरासमान आहे. पण माझे पंढरपूरशी आणखी दोन विशेष संबंध आहेत. पहिला म्हणजे गुजरातचा… द्वारकेचा. भगवान द्वारकाधीशच पंढपुरात विठ्ठल स्वरुपात विराजमान झाले आहेत. दुसरं नातं आहे… काशीसंबंधित. मी काशीचा आणि पंढरपूर हे आपल्यासाठी दक्षिण काशी आहे, असं पंतप्रधान मोदी म्हणाले. यामुळे पंढरपूरची सेवा आपल्यासाठी साक्षात श्रीनारायणाची सेवा आहे. ही ती भूमी आहे, जिथे साक्षात भगवान अजूनही प्रत्यक्ष विराजमान आहेत, असं पंतप्रधान मोदी म्हणाले.

Telangana: बेजबाबदार वक्तव्य टाळा अन्यथा जीभ कापून टाकू; मुख्यमंत्री भाजप नेत्यावर भडकले

संत ज्ञानेश्वर, संत तुकाराम, संत नामदेव आणि संत एकनाथ यांच्यासारख्या अनेक संतांना या भूमिने युग संत बनवले आहे. या भूमीने भारताला नवी ऊर्जा आणि चैतन्य दिले. वारकरी संप्रदायात एकमेकांना माऊली… माऊली नावाने बोलवतात. एकमेकांमध्ये देवाचे स्वरुप पाहतात. माऊलीचा अर्थ आई असा आहे. म्हणजे यातून मातृशक्तीचा गौरव होतो. पंढरपूरने भक्तीच्या शत्तीतून मानवतेचे दर्शन घडवले आहे, असं पंतप्रधान मोदींनी सांगितले.

विठ्ठलाकडे मागणं मागण्यासाठी भक्त येत नाहीत. तर फक्त दर्शनासाठी येतात. विठू माऊलीच्या दर्शनाने भक्तांच्या डोळ्याचे पारणे फेडले जाते. यामुळे स्वतः विठ्ठल आपल्या भक्तांसाठी युगानुयुगे कंबरेवर हात ठेवू उभा आहे. प्रत्येक वारकरी जेवढी भक्त करतो तेवढीच तो सेवाही करतो, असं पंतप्रधान मोदी म्हणाले.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: