टी-२० वर्ल्डकप: मॅच सुरू होण्याआधी भारतीय क्युरेटरचा संशयास्पद मृत्यू, हॉटेल रूममध्ये पाहा काय झाले


अबुधाबी: आयसीसी टी-२० वर्ल्डकपमध्ये काल रविवारी अबुधाबी मैदानावर न्यूझीलंड आणि अफगाणिस्तान यांच्यात लढत झाली. ही लढत भारतासाठी फार महत्त्वाची होती. भारताचे स्पर्धेतील आव्हान या सामन्याच्या निकालावर ठरणार होते. या लढतीत अफगाणिस्ताचा पराभव झाला आणि टीम इंडियाचे आव्हान संपुष्टात आले. या सामन्याआधी एक धक्कादायक बातमी क्रिकेट विश्वाला मिळाली.

वाचा- गतविजेत्यांना बसला धक्का, २०२२चा वर्ल्डकप खेळण्यासाठी करावे लागेल हे काम

अबुधाबीच्या शेख जायद स्टेडियमवर झालेल्या लढतीच्या काही तास आधी एक धक्कादायक बातमी मिळाली. या मैदानावरील खेळपट्टी तयार करणारे क्युरेटर मोहन सिंग यांचा संशयास्पद अवस्थेत मृतदेह आढळला. त्याच्या मृत्यूचे कारण अद्याप स्पष्ट झालेले नाही. पण युएईमधील मीडिया रिपोर्टमध्ये आत्महत्या असल्याचे म्हटले गेले आहे. शेख जायद स्टेडियमवर ऑस्ट्रेलिया, इंग्लंड, भारत, पाकिस्तान, न्यूझीलंड, दक्षिण आफ्रिका, श्रीलंका आणि वेस्ट इंडिज या संघातील लढती झाल्या आहेत. या लढतीसाठीची खेळपट्टी मोहन सिंग यांनी तयार केली होती.

वाचा- T20 World Cup Semi Final: सेमीफायनलमधील संघ ठरले, जाणून घ्या वेळापत्रक

पंजाब क्रिकेट स्टेडियम मोहाली येथे क्युरेटर असलेले मोहन सिंग हे सप्टेंबर २००४ साली अबुधाबीत आले होते. तेथे ते १९९४ पासून ग्राउंड सुपरवायझर म्हणून कार्यरत होते. मोहन सिंग यांच्या मृत्यूचे कारण अद्याप कळाले नाही. पण यावरून अनेक प्रश्न उपस्थित केले जात आहेत. मृत्यूचे नेमके कारण शोधण्यासाठी चौकशी सुरू केली आहे. ते भारतातील उत्तराखंडच्या गढवाल येथील रहिवाशी होते. न्यूझीलंड आणि अफगाणिस्तान यांच्यातील लढत सुरू होण्याआधी हॉटेल रुपमध्ये मोहन सिंग मृत अवस्थेत आढळले.

वाचा- ICCच्या स्पर्धेत २०१२ नंतर प्रथमच असे घडतय; भारतीय संघाशिवाय होणार ही घटना

क्रिकेट विश्वात याआधी देखील अशी घटना घडली होती. २००७ साली वर्ल्डकप स्पर्धा सुरू असताना पाकिस्तान क्रिकेट संघाचे कोच बॉब वूल्मर यांचा मृत्यू झाला होता. हॉटेल रूममध्ये ते मृत अवस्थेत आढळले होते. या घटनेच्या एक दिवस आधी आयरर्लंड संघाने पाकिस्तानचा पराभव केला होता.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: