कपिल देव संतापले; खेळाडूंना IPL आवडते, देशाकडून खेळण्यास महत्त्व नाही


अबुधाबी: भारतीय संघाचे वर्ल्डकप जिंकण्याचे स्वप्न पुन्हा एकदा भंगले. काल रविवारी न्यूझीलंडने अफगाणिस्तानवर विजय मिळवाल आणि टीम इंडियाचे आव्हान संपुष्टात आले. यामुळे कर्णधार विराट कोहली आणि मुख्य प्रशिक्षक रवी शास्त्री यांचे वर्ल्डकप जिंकण्याची इच्छा देखील अपूर्ण राहिली. या वर्ल्डकपनंतर शास्त्रींचा कालावधी संपणार आहे. तर विराट कोहलीने टी-२०चे कर्णधारपद सोडण्याची घोषणा केली आहे.

वाचा- गतविजेत्यांना बसला धक्का, २०२२चा वर्ल्डकप खेळण्यासाठी करावे लागेल हे काम

टी-२० वर्ल्डकपमध्ये भारताची कामगिरी अतिशय खराब झाली. पहिल्या लढतीत पाकिस्तानकडून १० विकेटनी आणि नंतर न्यूझीलंडकडून ८ विकेटनी पराभव झाल्याने भारताचे आव्हान जवळ जवळ संपुष्टात आले होते. त्यानंतर भारताला छोटी संधी मिळाली होती. पण अफगाणिस्तानच्या पराभवामुळे ती देखील गेली. भारताच्या या कामगिरीवर माजी कर्णधार आणि देशाला पहिला वर्ल्डकप जिंकून देणारे कपिल देव चांगले भडकले.

वाचा- T20 World Cup Semi Final: सेमीफायनलमधील संघ ठरले, जाणून घ्या वेळापत्रक

बीसीसीआय आणि भारतीय क्रिकेट संघाने अन्य गोष्टीवरील लक्ष सोडून पुढील वर्ल्डकपसाठी नियोजन करण्याची गरज आहे. २०२२ साली ऑस्ट्रेलियात टी-२० वर्ल्डकप होणार आहे. भारतीय संघाने आयसीसीच्या स्पर्धेत बाद फेरीत प्रवेश न केल्याची ही २०१२ नंतरची पहिली घटना आहे. वर्ल्डकप जिंकला नाही म्हणून सर्व काही संपले नाही. पण नियोजन करण्याची गरज आहे असे मला वाटते. आयपीएल आणि वर्ल्डकपमध्ये काही अंतर हवे. आज आपल्याकडे भरपूर खेळाडू आहेत पण त्याचा उपयोग करून घेता आला नाही, असे कपिल देव म्हणाले.

वाचा- टी-२० वर्ल्डकप: मॅच सुरू होण्याआधी भारतीय क्युरेटरचा संशयास्पद मृत्यू, हॉटेल रूममध्ये पाहा काय झाले

काही खेळाडू देशाचे प्रतिनिधित्व करण्यापेक्षा आयपीएलमध्ये खेळण्यास महत्त्व देतात असे म्हणत देव यांनी बीसीसीआयने या गोष्टीकडे गंभीरपणे पाहण्याची गरज असल्याचे त्यांनी सांगितले. माझा आयपीएलला विरोध नाही, पण त्याचा क्रम ठरवण्याची गरज आहे. जे खेळाडू देशापेक्षा आयपीएलला महत्त्व देतात त्याबद्दल आपण काय बोलायचे. खेळाडूंना देशाकडून खेळण्याचा अभिमान वाटला पाहिजे. माझ्या मते आधी देश आणि मग आयपीएल असावे. क्रिकेटचे नियोजन करण्याची जबाबदारी बीसीसीआयवर आहे आणि त्यांनी ते नीट करावे. टी-२० वर्ल्डकपमधून खुप मोठा धडा मिळाला आहे. त्यापुढे अशा चुका टाळल्या पाहिजेत.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: