ख्रिस गेल क्रिकेटला करणार अलविदा; ‘या’ मैदानातून घेणार संन्यास


दुबई : ख्रिस गेलच्या निवृत्तीबाबत चर्चा पुन्हा का सुरू झाल्या, यामागे ऑस्ट्रेलियाविरुद्धचा सामना कारणीभूत ठरतो. टी-२० विश्वचषक २०२१ च्या शेवटच्या गट सामन्यात गेल ऑस्ट्रेलियाविरुद्ध मोठी खेळी खेळू शकला नाही, पण बाद झाल्यानंतर त्याला वाटले की, तो निवृत्त होत आहे. बाद झाल्यानंतर त्याने हेल्मेट काढून बॅट उंचावल्याचे दिसून आला. सहकारी खेळाडूंची गळाभेटही घेतली, पण सामना संपल्यानंतर गेलनेच या प्रकरणावरून पडदा हटवला आहे. यावेळी त्याने कोणत्या मैदानावरून निवृत्ती घेणार आहे, हेदेखील सांगितले आहे.

वाचा- आज अफगाणिस्तानकडून न्यूझीलंडचा पराभव झाला…; शोएब अख्तर म्हणायचे तरी काय

ऑस्ट्रेलियाविरुद्धच्या सामन्यानंतर ख्रिस गेल म्हणाला की, ही माझी अर्धनिवृत्ती (सेमी रिटायरमेंट) आहे. मला माझा शेवटचा आंतरराष्ट्रीय सामना जमैकामध्ये माझ्या घरच्या प्रेक्षकांसमोर खेळायचा आहे. मला आणखी एक विश्वचषक खेळायचा आहे, पण कदाचित वेस्ट इंडिज क्रिकेट बोर्ड त्याला परवानगी देणार नाही. सामन्यादरम्यान मी जे काही करत होतो, ते फक्त प्रेक्षकांच्या मनोरंजनासाठी होते. माझ्यात खूप क्रिकेट शिल्लक आहे. मी ४२ वर्षांचा आहे आणि अजूनही खूप मजबूत आहे.” गेलच्या या वक्तव्यावरून तो आताच निवृत्ती घेणार नाही, हे स्पष्ट झाले आहे.

वाचा- न्यूझीलंड आणि अफगाणिस्तान लढतीत १७ कंपन्यांचा जीव अडकला; मॅचच्या निकालावर ठरणार…

गेलसमोर सगळे फेल!
ख्रिस गेल हा टी-२० क्रिकेटमधील महान फलंदाज आहे. त्याने ४४५ डावात ३६.४४ च्या सरासरीने आणि १४५.४ च्या स्ट्राईक रेटने १४,३२१ धावा केल्या आहेत. या फॉरमॅटमध्ये त्याच्या नावावर २२ शतके आणि ८७ अर्धशतके आहेत. नाबाद १७५ ही त्याची सर्वोच्च धावसंख्या आहे. टी-२० क्रिकेटमध्ये गेलच्या नावावर ११०० हून अधिक षटकार आहेत. टी-20 क्रिकेटमध्ये धावा करण्यात, शतके-अर्धशतके ठोकण्यात आणि षटकार मारण्यात तो आघाडीवर आहे. गेलने ७९ आंतरराष्ट्रीय टी-२० सामने खेळले असून १८९९ धावा केल्या आहेत. येथे त्याने दोन शतके आणि १४ अर्धशतके झळकावली आहेत. आंतरराष्ट्रीय टी-२० सामन्यांमध्ये गेलने १५८ चौकार आणि १२४ षटकार लगावले आहेत.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: