नवी मुंबई हादरली; ऐन दिवाळीत घरात आढळला पती-पत्नीचा मृतदेह


हायलाइट्स:

  • पती गळफास घेतलेल्या अवस्थेत आढळला
  • पत्नीचा खून केल्यानंतर केली आत्महत्या?
  • घटनेनं परिसरात खळबळ

मनोज जालनावाला | नवी मुंबई :

घणसोली सेक्टर-५ मध्ये राहाणारे सयाजी पंढरीनाथ आटोळे (४८) हे आपल्या घरामध्ये गळफास घेतलेल्या स्थितीत तर त्यांची पत्नी नूतन सयाजी आटोळे (४२) या सोफ्यावर मृतावस्थेत आढळून आल्याने एकच खळबळ उडाली आहे. कौटुंबिक कारणावरुन झालेल्या वादातून सयाजी यांनी आपल्या पत्नीची गळा आवळून हत्या केल्यानंतर स्वत: देखील गळफास घेऊन आत्महत्या केली असावी, अशी शक्यता व्यक्त करण्यात येत आहे. कोपरखैरणे पोलिसांकडून या घटनेचा अधिक तपास करण्यात येत आहे. ऐन दिवाळीच्या कालावधीत पती पत्नीचा अशा पद्धतीने शेवट झाल्याने परिसरात हळहळ व्यक्त करण्यात येत आहे.

या घटनेतील मृत सयाजी आटोळे व नूतन आटोळे हे पती-पत्नी घणसोली सेक्टर-५ मधील समर्थ कृपा रो-हाऊसमध्ये वास्तव्यास होते. त्यांचा मोठा मुलगा शिक्षणासाठी पुण्यात राहत असून १३ वर्षीय लहान मुलगा त्यांच्यासोबत राहण्यास होता.

Aryan Khan Case: आर्यनसोबतच्या ‘त्या’ सेल्फीमुळे डील बारगळलं!; पगारेचा धक्कादायक दावा

आटोळे दाम्पत्यामध्ये कौटुंबिक कारणावरुन नेहमी भांडण होत होते. काही महिन्यांपूर्वी या दाम्पत्यामध्ये भांडण झाल्यानंतर नूतन आटोळे या दोन्ही मुलांना घेऊन आपल्या माहेरी गेल्या होत्या. त्यानंतर १५ दिवसांपूर्वीच त्या घणसोली येथील घरी परतल्या. मात्र या पती पत्नीमध्ये किरकोळ घरगुती कारणावरुन वाद सुरुच होते. याच वादातून ऐन दिवाळीच्या दिवशी गुरुवारी रात्री उशिरा या पती-पत्नीमध्ये भांडण होऊन त्याचा शेवट दोघांच्या मृत्यूने झाला. त्यानंतर शुक्रवारी सकाळी सयाजी गळफास घेतलेल्या स्थितीत तर त्यांची पत्नी नुतन सोफ्यावर मृतावस्थेत आढळून आली. कोपरखैरणे पोलिसांना याबाबतची माहिती मिळाल्यानंतर पोलिसांनी दोघांचे मृतदेह ताब्यात घेऊन शवविच्छेदनासाठी पाठवून दिले.

अहमदनगर रुग्णालय आग: व्हेंटिलेटरच्या मुद्द्याला पालकमंत्री मुश्रीफ यांचे समर्थन

दरम्यान, गुरुवारी दिवाळीच्या दिवशी आटोळे पती पत्नींमध्ये घरगुती कारणावरुन वाद होऊन भांडण झालं असावं, या भांडणात सयाजीने रागाच्या भरात पत्नीचा गळा आवळला असावा, त्यामुळे तिचा मृत्यू झाल्यानंतर सयाजी यानेही भीतीपोटी गळफास घेऊन आत्महत्या केली असावी, अशी शक्यता पोलिसांकडून व्यक्त करण्यात येत आहे. त्यानुसार पोलिसांनी घटनेची नोंद करुन पुढील तपास सुरू केला आहे. शवविच्छेदनाच्या अहवालानंतर नूतन आटोळे यांचा मृत्यू कशामुळे झाला आहे, हे स्पष्ट होणार आहे. त्यानंतर पुढील कार्यवाही करण्यात येणार असल्याचे पोलीस उपनिरीक्षक स्वप्निल शेळके यांनी सांगितले.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: