आर्यन खानच्या सुटकेसाठी पैसे मागण्याचा आरोप असलेले भाजप मंत्र्यासोबत; उडाली खळबळ


हायलाइट्स:

  • सुनील पाटील हा आर्यन खान ड्रग्ज प्रकरणाचा मास्टरमाइंड- मोहित कंबोज.
  • सुनील पाटील याचे भाजपचे नेते, मंत्री किरीटसिंह राणा यांच्यासोबत फोटो व्हायरल झाल्याने खळबळ.
  • या फोटोत सुनील पाटीलसोबत के.पी. गोसावी आणि मनीष भानुशाली हे देखील दिसत आहेत.

मुंबई: आर्यन खान ड्रग्ज पार्टी प्रकरणाला (Aryan Khan drug party case) आता वेगळं वळण लागलं असून भाजपचे पदाधिकारी मोहित कंबोज (Mohit Kamboj) यांनी खळबळजनक आरोप करत राष्ट्रवादी काँग्रेसला (NCP) घेरण्याचा प्रयत्न केला आहे. ड्रग्ज प्रकरणाचा मास्टरमाइंड सुनील पाटील (Sunil Patil) हा असून तो राष्ट्रवादी काँग्रेसचा कार्यकर्ता असल्याचा दावा कंबोज यांनी केला आहे. या दाव्यानंतर सुनील पाटील, मनीष भानुशाली (Manish Bhanushali) आणि इतरांचे भाजप मंत्र्यासोबत असलेले फोटो व्हायरल झाले आहेत. या नव्या फोटोंमुळे या प्रकरणाला आणखी वेगळे वळण मिळत असून यानंतर आर्यन खान ड्रग्ज पार्टी प्रकरण घडवून आणत आर्यनच्या सुटकेसाठी पैसे मागण्याचे आरोप असलेले लोक भाजप मंत्र्यासोबत कसे? असा प्रश्न उपस्थित केला जात आहे. (accused of soliciting money for aryan khan’s release with bjp minister kirit singh rana photos go viral)

व्हायरल झालेल्या फोटोत भाजपचे गुजरातचे वनेमंत्री किरीटसिंह राणा यांच्यासोबत सुनील पाटील दिसत आहे.

मंत्री किरीटसिंह राणा यांच्यासोबत सुनील पाटील आणि के. पी. गोसावी.

क्लिक करा आणि वाचा- सुनील पाटील हा राष्ट्रवादी काँग्रेसचा कार्यकर्ता; तोच आर्यन खान प्रकरणाचा मास्टरमाइंड; मोहित कंबोज यांचा खळबळजनक आरोप

एका फोटोमध्ये मंत्री किरीटसिंह राणा (Kirit Singh Rana) यांत्यासोबत सुनील पाटीलसह अटकेत असलेला के. पी. गोसावी (KP Gosawi)दिसत आहे. एका फसवणुकीच्या प्रकरणात गोसावी हा अटकेत असून कोर्टान त्याला ८ नोव्हेंबरपर्यंत पोलिस कोठडी ठोठावली आहे. या फोटोत सुनील पाटील हा राणा यांना खेटून उभा राहिलेला दिसत असून के. पी. गोसावी राणा यांना फुलाचा गुच्छ देत त्यांचे स्वागत करत असल्याचे दिसत आहेत.

क्लिक करा आणि वाचा- आर्यन खान ड्रग्ज प्रकरणाचा तपास संजय सिंग यांच्याकडे; मात्र, वानखेडेही असतील टीमचा भाग

तर आणखी एका फोटोत सुनील पाटील इतरांसह मंत्री किरीटसिंह राणा यांच्यासोबत दिसत आहे. सुनील पाटील व्यतिरिक्त फोटोत असलेल्या इतर व्यक्तींची मात्र ओळख पटलेली नाही.

sunil patil with minister kirit singh rana

मंत्री किरीटसिंह राणा यांच्यासोबत सुनील पाटील

तर सुनील पाटील याचा आणखी एक फोटो व्हायरल होत आहे. हा ग्रुप फोटो असून तो सेल्फी आहे आणि हा सेल्फी एनसीबीच्या पंचाचे काम करणारा मनीष भानुशाली याने घेतलेला आहे. या फोटोत एकूण सहा लोक दिसत असून त्यात सुनील पाटीलसोबत मनीष भानुशाली दिसत आहे.

sunil patil with manish bhanushali

मनीष भानुशालीसोबत सुनील पाटील

क्लिक करा आणि वाचा- Breaking News! समीर वानखेडेंकडून आर्यन खान ड्रग्ज प्रकरणाचा तपास काढून घेतला



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: