आर्यन खान ड्रग्ज प्रकरणातील वादग्रस्त पंच किरण गोसावीला कोर्टाचा दणका


हायलाइट्स:

  • किरण गोसावीच्या पोलीस कोठडीत आणखी वाढ
  • आर्यन खान प्रकरणातही आहेत गोसावीवर आरोप
  • खंडणीच्या आरोपांचीही चौकशी होण्याची शक्यता

पुणे: कॉर्डेलिया क्रूझ ड्रग्ज पार्टीवरील (Aryan Khan Drugs Case) कारवाईनंतर अभिनेता शाहरुख खान याचा मुलगा आर्यन खान सोबतच्या सेल्फीमुळं चर्चेत आलेला व फसवणुकीच्या गुन्ह्यात सध्या पोलीस कोठडीत असलेला किरण गोसावी (Kiran Gosavi) आता पुरता अडकला आहे. किरण गोसावीच्या कोठडीत तीन दिवसांची वाढ करण्यात आली आहे.

२०१८ साली किरण गोसावी याच्यावर फरासखाना पोलीस ठाण्यात फसवणुकीचा गुन्हा दाखल झाला होता. ‘केपीजी ड्रीम्स सोलूशन’ या कंपनीच्या माध्यमातून नोकऱ्या देण्याच्या नावाखाली त्यानं एका तरुणाला साडेतीन लाख रुपयांचा गंडा घातला होता. तसंच, अन्य काही तरुणांना देखील फसवलं होतं. त्याच्याविरोधात २०१९ रोजी त्या प्रकरणात दोषारोपपत्र दाखल करण्यात आलं. त्याला फरार घोषित करण्यात आलं होतं. त्यातच आर्यन खान ड्रग्ज प्रकरणात तो पंच म्हणून समोर आला. आर्यन खान याच्यासोबत त्याचे सेल्फी देखील व्हायरल झाले. त्यामुळं पोलीस त्याचा कसून शोध घेत होते. मागील आठवड्यात पुण्यातील कात्रज येथील एका लॉजमधून त्याला अटक करण्यात आली होती. त्यानंतर न्यायालयानं त्याला आठ दिवसांची कोठडी सुनावली होती. या कोठडीची मुदत आज संपली. त्यामुळं आज पुन्हा त्याला शिवाजीनगर न्यायालयात हजर करण्यात आलं असता त्याला ८ नोव्हेंबरपर्यंत कोठडी सुनावण्यात आली.

वाचा: महाराष्ट्राचे मुख्यमंत्री बदलले का?; पवारांच्या ‘त्या’ वक्तव्यामुळं भाजपला शंका

आर्यन खान प्रकरणात पुढं आलेला मध्यस्थ सॅम डिसूझा यानं देखील किरण गोसावी याच्यावर गंभीर आरोप केले आहेत. किरण गोसावी हा फ्रॉड असून त्यानं आर्यनच्या सुटकेसाठी शाहरुख खानकडून ५० लाख रुपये घेतले होते, असा आरोपही सॅम डिसूझानं केला आहे. या प्रकरणात देखील गोसावीची चौकशी होण्याची शक्यता आहे.

वाचा: हे सरकार पडणार नाही, कारण राणेंसारखे भित्रे…; राष्ट्रवादीचा पलटवार



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: