सकारात्मक सुरवात; लक्ष्मीपूजनानंतर सोने-चांदीला तेजीची झळाळी, जाणून घ्या आजचा भाव


हायलाइट्स:

  • कमॉडिटी बाजारात गुरुवारी सोने आणि चांदीच्या किमतीत मोठी वाढ झाली.
  • लक्ष्मीपूजनानंतर कमॉडिटी बाजारात विशेष सौदे पार पडले.
  • यात सोने तब्बल ५७० रुपयांनी तर चांदीमध्ये १७५९ रुपयांनी महागले.
  • त्याआधीच्या सत्रात सोने ६०० रुपयांनी स्वस्त झाले होते.

मुंबई : कमॉडिटी बाजारात गुरुवारी सोने आणि चांदीच्या किमतीत मोठी वाढ झाली. लक्ष्मीपूजनानंतर कमॉडिटी बाजारात विशेष सौदे पार पडले. यात सोने तब्बल ५७० रुपयांनी तर चांदीमध्ये १७५९ रुपयांनी महागले. त्याआधीच्या सत्रात सोने ६०० रुपयांनी स्वस्त झाले होते.

केंद्राची इंधनावर शुल्क कपात; पेट्रोल-डिझेल दरांबाबत आज कंपन्यांनी घेतला ‘हा’ निर्णय
जागतिक बाजारपेठेत मागील दोन सत्रात सोने स्वस्त झाले होते. बुधवारी सोनं तब्बल ६०० रुपयांनी स्वस्त झालं. यामुळे ग्राहकांसाठी खरेदीची नवी संधी निर्माण झाली आहे.जागतिक बाजारात स्पॉट गोल्डचा भाव ०.४ टक्क्याने कमी झाला असून तो १७८०.९० डॉलर प्रती औंस झाला. यूएस फ्युचर गोल्डचा भाव १७८१.३० डॉलर प्रती औंस होता तर गुरुवारी त्यात १.८ टक्के वाढ झाली. तो १७९५.७० डॉलर प्रती औंस झाला. चांदीमध्ये देखील १.२ टक्के वाढ झाली आणि चांदीचा भाव प्रती औंस २३.७९ डॉलर झाला.

शेअर बाजारात तेजीची आतषबाजी ; मुहूर्ताला सेन्सेक्स ३५० अंकांनी वधारला
मल्टी कमॉडिटी एक्सचेंजवर (एमसीएक्स) गुरुवारी लक्ष्मी पूजनानंतर सोने आणि चांदीने मोठी उसळी घेतली. काल सोने ५७१ रुपयांनी महागले आणि ४७६७१ रुपये इतका भाव झाला. चांदीमध्ये तब्बल १७५९ रुपयांची वाढ झाली आणि एक किलो चांदीचा भाव ६२२२४ रुपये झाला. बुधवारी चांदीचा भाव ६२४८७ रुपयांवर बंद झाला. त्यात ७३६ रुपयांची घसरण झाली. काल सराफा बाजारात देखील सोने आणि चांदी स्वस्त झाल्याचे पाहायला मिळाले.

इथं मिळेल बचतीवर सर्वाधिक परतावा ; देशातील या लघु वित्त बँंका देतात इतक व्याज
Goodreturns या वेबसाईटनुसार आज गुरुवारी मुंबईत २२ कॅरेट सोन्याचा भाव ४६४१० रुपये आणि २४ कॅरेटचा भाव ४७४१० रुपयांवर स्थिर आहे. आज दिल्लीत २२ कॅरेट सोन्याचा भाव ४६७०० रुपये आणि २४ कॅरेटसाठी सोन्याचा भाव ५०९०० रुपये आहे. आज चेन्नईत २२ कॅरेटसाठी ४४४७० रुपये तर २४ कॅरेट सोन्याचा भाव ४८५०० रुपये खाली आला आहे. कोलकात्यात आज २२ कॅरेट सोन्याचा भाव ४७८५० रुपये असून २४ कॅरेट सोन्याचा भाव ५०५५० रुपये इतका आहे.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: