हिटमॅन रोहितचा नाद करायचा नाय; वर्ल्डकप इतिहासातील सर्वात मोठा विक्रम केला


अबुधाबी: भारतीय क्रिकेट संघाचा उपकर्णधार आणि सलामीवीर रोहित शर्माला सध्या सुरू असलेल्या आयसीसी टी-२० स्पर्धेतील पहिल्या दोन सामन्यात धावा करता आल्या नाहीत. पाकिस्तान आणि न्यूझीलंडविरुद्ध धावा करण्यात अपयशी ठरलेल्या रोहितने अफगाणिस्तानविरुद्ध शानदार फलंदाजी केली. रोहितने ४७ चेंडूत ३ षटकार आणि ८ चौकारांसह ७४ धावा केल्या. रोहितने भारतीय संघाला जबरदस्त सुरूवात करून दिली. त्याने केएल राहुलसह पहिल्या विकेटसाठी १४० धावांची भागिदारी केली.

वाचा- Rohit Sharma Six: हिटमॅन रोहितचा तडाखा; विराट कोहलीला जागेवरून उठवले, Video

अफगाणिस्तानविरुद्ध रोहित आणि राहुल यांच्यानंतर ऋषभ पंत आणि हार्दिक पंड्या यांनी तुफान फलंदाजी केली आणि संघाला २१० ही धावसंख्या उभी करून दिली. यामुळेच भारताने अफगाणिस्तानवर ६६ धावांनी विजय मिळवला. रोहितच्या ७४ धावामुळे एक मोठा वर्ल्ड रेकॉर्ड केला. आयसीसीच्या स्पर्धेत सर्वाधिक धावा करणारा फलंदाज होण्याचा मान रोहितने मिळवला. वर्ल्ड टेस्ट चॅम्पियनशिप, वनडे वर्ल्डकप, चॅम्पयिनश ट्रॉफी, टी-२० वर्ल्डकप मिळून रोहितने आतापर्यंत ३ हजार ६८२ धावा केल्या आहेत. याबाबत रोहितने इंग्लंडचा कर्णधार जो रूटला मागे टाकले आहे. त्याने आयसीसीच्या स्पर्धेत ३ हजार ६६२ धावा केल्या आहेत. याबाबत विराट कोहली ३ हजार ५५४ धावांसह तिसऱ्या क्रमांकावर आहे.

वाचा- भारताकडून मिळालेल्या पराभवाची भरपाई न्यूझीलंडविरुद्ध करणार; राशिद खानने केलं मोठं वक्तव्य

रोहितने अफगाणिस्तानविरुद्ध खेळताना केएल राहुल सोबत आणखी एक विक्रम केला. या दोघांनी पहिल्या विकेटसाठी १४० धावा केल्या. पहिल्या विकेटसाठी आंतरराष्ट्रीय टी-२० क्रिकेटमधील भारतासाठीची दुसऱ्या क्रमांकाची भागिदारी आहे. क्रमांक एकवर रोहित आणि शिखर धवन हे असून त्यांनी १६० धावा केल्या होत्या.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: