EPFO Alert पगारदार आहात; घरबसल्या अपडेट करा नोकरी सोडण्याची तारीख, कसे ते जाणून घ्या


हायलाइट्स:

  • तुम्ही पगारदार व्यक्ती असाल तर तुम्ही अनेक सुविधांचा ऑनलाइन घेऊ शकता.
  • कर्मचारी भविष्य निर्वाह निधी संघटना (EPFO) ग्राहकांना अनेक सेवा ऑनलाइन पुरवते आहे.
  • तुम्ही घरबसल्या नोकरी सोडण्याची तारीख अद्ययावत करू शकता.

मुंबई : जर तुम्ही पगारदार व्यक्ती असाल आणि कर्मचारी भविष्य निर्वाह निधी (EPF) योजनेचे सदस्य असाल, तर तुम्ही अनेक सुविधांचा ऑनलाइन लाभ घेऊ शकता. कर्मचारी भविष्य निर्वाह निधी संघटना (EPFO) सध्या आपल्या ग्राहकांना अनेक सेवा ऑनलाइन पुरवते आहे. तुम्ही तुमची नोकरी बदलली असेल, तर तुम्ही घरबसल्या नोकरी सोडण्याची तारीख अद्ययावत करू शकता. या प्रक्रियेबाबत आपण थोडक्यात जाणून घेऊया.

स्वस्ताईची पहाट! शुल्क कपातीनंतर जाणून घ्या पेट्रोल-डिझेलचा आजचा भाव
या स्टेप्सचे अनुसरण करा –
– पहिल्यांदा युनिफाइड सदस्य पोर्टलवर जा. त्यासाठी पुढे दिलेल्या लिंकवर क्लिक करा.
https://unifiedportal-mem.epfindia.gov.in/memberinterface/
– यानंतर, UAN क्रमांक आणि पासवर्ड टाका आणि त्यावर क्लिक करा.
– तेथेच मॅनेज ऑप्शनवर जा आणि मार्क एक्झिट वर क्लिक करा. त्यानंतर ड्रॉप डाउनमधील सिलेक्ट एम्प्लॉयमेंटमधून पीएफ खाते क्रमांक निवडा.
– आता बाहेर पडण्याची तारीख (डेट ऑफ एक्झिट) आणि बाहेर पडण्याचे कारण प्रविष्ट करा.
– त्यानंतर रिक्वेस्ट ओटीपी (Request OTP) वर क्लिक करा. आता तुमच्या आधार लिंक केलेल्या मोबाईल क्रमांकावर ओटीपी (OTP) येईल. तो ओटीपी टाका.
– यानंतर चेक बॉक्स निवडावा लागेल.
– आता अपडेट (Update) पर्यायावर क्लिक करा आणि शेवटी ओके (OK) वर क्लिक करा.
– आता तुमची बाहेर पडण्याची तारीख (डेट ऑफ एक्झिट) अपडेट झाली असेल.

सवंत्सर २०७७ ची निराशाजनक सांगता; अखेरच्या सत्रात झालेल्या नफावसुलीने सेन्सेक्स-निफ्टी गडगडले
बाहेर पडण्याची तारीख अपडेट करणे का आवश्यक आहे?
एम्प्लॉयरकडून काही कारणास्तव बाहेर पडण्याची तारीख अपडेट न झाल्यामुळे ईपीएफमधून पैसे काढणे किंवा हस्तांतरण करणे हे व्यवहार अडकले जात, पण आता कर्मचार्‍यांना ईपीएफओ (EPFO) सिस्टीममध्ये बाहेर पडण्याची तारीख टाकण्यासाठी देण्यात आलेल्या नव्या सुविधेमुळे फंडातून पैसे काढणे किंवा हस्तांतरित करणे सोपे झाले आहे.

याशिवाय, जर तुम्हाला ईपीएफओ (EPFO) खात्यात तुमचे नाव आणि जन्मतारीख बदलायची असेल, तर तुम्ही हे काम ऑनलाइनही करू शकता. काही वेळा काही चुकीमुळे ईपीएफओ खात्यात नाव किंवा जन्मतारीख चुकीच्या पद्धतीने अपडेट होते. त्यामुळे तुम्ही त्यात बदल करू शकता. ईपीएफओने दिलेल्या माहितीनुसार, सदस्य युनिफाइड पोर्टलवर जाऊन त्यांची चूक सुधारू शकतात. यासाठी तुम्हाला कुठेही जाण्याची गरज नाही. तुम्ही ते सहजपणे घरबसल्या ऑनलाइन करू शकता.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: