स्वस्ताईची पहाट! शुल्क कपातीनंतर जाणून घ्या आजचा पेट्रोल-डिझेल दर


हायलाइट्स:

  • केंद्र सरकारने बुधवारी पेट्रोल-डिझेलवरील उत्पादन शुल्क कपात करून ग्राहकांना दिवाळी भेट दिली.
  • सरकारने पेट्रोलवर ५ रुपये आणि डिझेलवर १० रुपयांची कपात केली.
  • आज गुरुवारी पेट्रोल आणि डिझेलचे दर कमी झाले.

मुंबई : इंधन दरवाढीने महागाईचा भडका उडण्याआधीच केंद्र सरकारने बुधवारी पेट्रोल-डिझेलवरील उत्पादन शुल्क कपात करून ग्राहकांना दिवाळी भेट दिली. सरकारने पेट्रोलवर ५ रुपये आणि डिझेलवर १० रुपयांची कपात केली आहे. आज गुरुवारी पेट्रोल आणि डिझेलचे दर कमी झाले. आज मुंबईत पेट्रोल ५.८७ रुपयांनी तर डिझेल तब्बल १२.४८ रुपयांनी स्वस्त झाले आहे.

धनत्रयोदशीनंतर स्वस्त झालं सोनं ! जाणून घ्या तुमच्या शहरातील आजचा सोने-चांदीचा दर
दिल्लीत देखील पेट्रोल आणि डिझेलच्या किमतीत मोठी घसरण पहायला मिळाली. दिल्लीत आज पेट्रोल ६.०७ रुपयांनी तर डिझेल तब्बल ११.७५ रुपयांनी स्वस्त झाले आहे. केंद्र सरकारने राज्यांना देखील पेट्रोल आणि डिझेलवर लागू असलेला मूल्यवर्धित कर (व्हॅट) कमी करण्याचे आवाहन केले आहे. त्याला प्रतिसाद देत बुधवारी रात्री उशिरा सहा राज्यांनी इंधनावरील व्हॅट कमी करण्याची घोषणा केली. यात आसाम , त्रिपुरा, हिमाचल प्रदेश, कर्नाटक , गोवा आणि उत्तराखंड या राज्यांनी रात्रीच व्हॅट कमी केला आहे.

सवंत्सर २०७७ ची निराशाजनक सांगता; अखेरच्या सत्रात झालेल्या नफावसुलीने सेन्सेक्स-निफ्टी गडगडले
उत्पादन शुल्क कपातीनंतर आज गुरुवारी मुंबईत एक लीटर पेट्रोलचा भाव १०९.९८ रुपये झाला आहे. बुधवारी तो ११५.८५ रुपये होता. दिल्लीत पेट्रोल १०३.९७ रुपये इतके खाली आले आहे. चेन्नईत पेट्रोलचा भाव १०१.४० रुपये आहे. कोलकात्यात एक लीटर पेट्रोल १०४.६७ रुपये इतका कमी झाला आहे. भोपाळमध्ये पेट्रोलचा भाव ११२.५६ रुपये असून बंगळुरात पेट्रोल १०७.६४ रुपये इतके आहे.

स्मार्ट गुंतवणूक; मुहूर्त ट्रेडिंगमध्ये काय करावे अन् काय करू नये, जाणून घ्या तज्ज्ञांचा सल्ला
मुंबईत एक लीटर डिझेलचा भाव ९४.१४ रुपये झाला आहे. त्याआधी बुधवारी डिझेलचा भाव १०६ रुपयांवर गेला होता. दिल्लीत डिझेल ८६.६७ रुपये इतके खाली आले आहे. चेन्नईत आज डिझेलसाठी ग्राहकांना ९१.४३ रुपये मोजावे लागतील. बुधवारी चेन्नईत डिझेलचा भाव १०२.५९ रुपये होता. कोलकात्यात डिझेलचा भाव ८९.७९ रुपये झाला आहे. बुधवारी तो १०१.५६ रुपये प्रती लीटर इतका होता. भोपाळमध्ये डिझेलचा भाव १०७.९० रुपयांवरून ९५.४० रुपये झाला आहे. आज बंगळुरात डिझेल ९२.०३ रुपये आहे. बुधवारी ते १०४.५० रुपये होते.

दरम्यान, जागतिक बाजारात कच्च्या तेलाचा भाव ८५ डॉलर प्रती बॅरलवर गेल्यानंतर पेट्रोलियम कंपन्यांनी इंधन दरवाढीचा सपाटा लावला होता. मागील २९ दिवसांत केलेल्या दरवाढीने पेट्रोल ८.१५ रुपयांनी महागले होते. तर याच कालावधीत डिझेल ९.४५ रुपयांनी महागले होते.

जागतिक कमॉडिटी बाजारात बुधवारी कच्च्या तेलाच्या किमतीत देखील मोठी घसरण झाली. ब्रेंट क्रूडचा भाव ४ टक्क्यांनी घसरला आणि ८१.९९ डॉलर प्रती बॅरल इतका खाली आला. डब्ल्यूटीआय क्रूडच्या दरात देखील मोठी घसरण झाली आणि तेलाचा भाव एका पिंपामागे ८०.८६ डॉलर इतका खाली आला.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: