काबूल हल्ला : तालिबान कमांडर हमदुल्लाह मुखलिससह २५ जणांचा मृत्यू


हायलाइट्स:

  • अफगाणिस्तानात तालिबान विरुद्ध इस्लामिक स्टेट
  • ‘इस्लामिक स्टेट’नं स्वीकारली आत्मघातकी हल्ल्याची जबाबदारी
  • सामान्य नागरिकांसाठी ‘इकडे आड तिकडे विहीर’

काबूल : मंगळवारी अफगाणिस्तानची राजधानी काबूल पुन्हा एकदा आत्मघातकी हल्ल्यानं शहारली. या दहशतवादी हल्ल्याची जबाबदारी दहशतवादी संघटना ‘इस्लामिक स्टेट’नं स्वीकारलीय. सैन्य रुग्णालयाजवळ करण्यात आलेल्या या दहशतवादी आत्मघातकी हल्ल्यात तालिबानचा कमांडर मौलवी हमदुल्लाह मुखलिस मारला गेलाय. मिळालेल्या माहितीनुसार, मंगळवारी सैन्य रुग्णालयाला निशाण्यावर घेऊन घडवून आणलेल्या या स्फोटात आणि गोळीबारात जवळपास २५ लोक ठार झाले आहेत तर ५० हून अधिक जखमी आहेत.

तालिबानचा सहकारी हमदुल्लाह मुखलिस हा ‘काबूल मिलिटरी कॉर्प्स’चा प्रमुख होता. ऑगस्ट महिन्यात तत्कालीन अफगाणिस्तानचे राष्ट्राध्यक्ष अशरफ गणी यांनी देशातून पळ काढल्यानंतर अफगाणिस्तानच्या राष्ट्रपती भवनात घुसलेल्या तालिबान्यांपैंकी एक कमांडर हमदुल्लाह मुखलिस होता.

Suicide Attack : काबूल पुन्हा एकदा आत्मघातकी स्फोट आणि गोळीबारानं थरारलं
COP26 Summit: बोरिक जॉन्सन यांनी स्वीकारलं पंतप्रधान मोदींचं भारतभेटीचं निमंत्रण
तालिबाननं अफगाणिस्तानात वर्चस्व मिळवल्यानंतर इस्लामिक स्टेटकडून तालिबानच्या म्होरक्यांना निशाण्यावर घेतलं जातंय. मंगळवारी स्फोटकांसहीत ‘सरदार मोहम्मद दाऊद खान सैन्य रुग्णालया’च्या गेटजवळच आत्मघातकी हल्लेखोरानं स्फोट घडवला. त्यानंतर काही बंदुकधारी दहशतवादी रुग्णालय परिसरात घुसले आणि त्यांनी अंदाधुंद गोळीबारही केला.

याच दरम्यान, काबूलच्या १५ व्या जिल्हा रुग्णालयातही असाच दहशतवादी हल्ला घडवून आणण्याचा तालिबानचा डाव होता. मात्र, तालिबाननं इस्लामिक स्टेटच्या दहशतवाद्यांचा हा डाव उधळून लावला. या दरम्यान घडलेल्या चकमकीत चार हल्लेखोर ठार करण्यात आले. ‘निष्पाप नागरिक, डॉक्टर, रुग्ण यांना निशाण्यावर घेण्याचा हल्लेखोरांचा डाव होता परंतु, इस्लामिक एमिरेटस् व्हिजिलंट फोर्सेसनं या हल्लेखोरांना ठार केलं’, असं तालिबानकडून सांगण्यात येतंय. काबूलच्या १० व्या जिल्ह्यातही दोन स्फोटांचे आणि गोळीबाराचे आवाज नागरिकांना ऐकू आले.

अफगाणिस्तानातील अशरफ गणी सरकारला तालिबाननं हाणून पाडल्यानंतर आता तालिबान विरुद्ध इस्लामिक स्टेट असा संघर्ष सुरू असल्याचं चित्रं दिसून येतंय. देशातील अनेक सुधारणावादी नागरिकांसाठी ही ‘इकडे आड तिकडे विहीर’ अशीच परिस्थिती आहे.

COP26 Summit : पंतप्रधान नरेंद्र मोदींनी जगभरातील नेत्यांची अशी घेतली भेट

PHOTO : पंतप्रधान मोदींकडून पोप फ्रान्सिस यांना भारतात येण्याचं निमंत्रण



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: