Pankaja Munde: पंकजा मुंडे यांचं नाशकात काय चाललंय?; ‘या’ दोन घडामोडींमुळे मोठं वादळ


हायलाइट्स:

  • पंकजा मुंडे यांचा नाशिक दौरा अनेक कारणांनी चर्चेत.
  • छगन भुजबळ यांची जाहीर कार्यक्रमात केली स्तुती.
  • भुजबळ यांचे विरोधक सुहास कांदे यांचीही घेतली भेट.

नाशिक: भाजपच्या राष्ट्रीय सचिव व माजी मंत्री पंकजा मुंडे यांनी आपल्या दौऱ्यात नाशिकचे पालकमत्री छगन भुजबळ यांच्यावर जाहीर भाषणात स्तुतीसुमने उधळल्यानंतर भुजबळांचे कट्टर विरोधक असलेल्या शिवसेना आमदार सुहास कांदे यांच्या घरी भेट दिली. जिल्ह्यात सध्या कांदे आणि भुजबळांमध्ये संघर्ष सुरू असताना पंकजा यांनी कांदे यांच्या घरी सदिच्छा भेट देत राजकीय समतोल साधण्याचा प्रयत्न केल्याचे मानले जात आहे. ( Pankaja Munde In Nashik Latest News )

वाचा: भाजपवर हल्ला करताना जयंत पाटलांचं मोठं विधान; पुन्हा निवडणूक घेतली तर…

पंकजा मुंडे तीन दिवसांपासून शहरात तळ ठोकून आहेत. पंकजा यांच्या उपस्थितीत सोमवारी संदर्भसेवा हॉस्पिटलच्या नूतन इमारतीच्या भूमिपूजन कार्यक्रमाप्रसंगी पंकजा व छगन भुजबळ एकाच मंचावर आले होते. यावेळी पंकजा यांनी आपल्या भाषणात भुजबळांच्या ज्येष्ठत्वाचा गौरव करत, ते आपल्याला वडिलांसमान असल्याचे सांगितले होते. यासोबतच नामको बँकेसह सिन्नरच्या कार्यक्रमात पंकजा यांनी भुजबळांचे कौतुक केले. पंकजा यांचे वडील दिवंगत गोपीनाथ मुंडे आणि भुजबळ यांचा ओबीसींसाठी मोठा लढा राहिला आहे. त्यामुळे हा समान धागा पकडत त्यांनी भुजबळांवर स्तुतीसुमने उधळली. त्यामुळे भुजबळांच्या गोटात समाधानाचे वातावरण होते. परंतु, पंकजा यांनी भुजबळांचे कट्टर विरोध असलेल्या शिवसेना आमदार सुहास कांदे यांच्या घरी जाऊन त्यांची देखील भेट घेतली. यामुळे आश्चर्य व्यक्त केले जात आहे. भाजप आणि शिवसेनेत सध्या संघर्षाचे वातावरण असतांना पंकजा यांनी कांदेंच्या घरी सदिच्छा भेट देत वेगळाच राजकीय संकेत देण्याचा प्रयत्न केला आहे. यावेळी पंकजा यांनी कांदे यांच्यासोबतच नेमकी कशावर चर्चा केली, याची शहरात जोरदार चर्चा होती.

वाचा: ठाकरे सरकारला मोठा धक्का; अनिल देशमुख यांच्या अटकेआधी नेमकं काय घडलं?

शिष्टाई की बळ?

‘डीसीपीसी’चा निधी वाटपावरून सध्या भुजबळ आणि कांदे यांच्यात जोरदार संघर्ष सुरू आहे. भुजबळांच्या विरोधात कांदे यांनी थेट उच्च न्यायालयात धाव घेत, निधीवरून आत्मदहनाचा इशारा दिला आहे. त्यामुळे पंकजा आणि कांदे यांच्यात भुजबळ-कांदे वादावर चर्चा झाल्याची शक्यता व्यक्त केली जात आहे. नांदगाव मतदारसंघावरून भुजबळ आणि कांदे यांच्यातील संघर्षाची राज्यभर चर्चा आहे. त्यामुळे पंकजा यांनी या भेटीत दोघामंध्ये शिष्टाई करण्याचा प्रयत्न केल्याची चर्चा आहे. याबाबत अधिकृतपणे कुणीच बोलायला तयार नाही.

वाचा: आर्यनच्या सुटकेसाठी २५ कोटींचे डील?; सॅम डिसूझाने केला मोठा गोप्यस्फोट



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: