Suicide Attack : काबूल पुन्हा एकदा आत्मघातकी स्फोट आणि गोळीबारानं थरारलं


काबूल : अफगाणिस्तानावर तालिबाननं विजय मिळवल्यानंतर देशातील कायदे-सुव्यवस्थेचे तीनतेरा वाजलेले असतानाच देशाला दहशतवादाला सामोरं जावं लागतंय. आज पुन्हा एकदा अफगाणिस्तानची राजधानी काबूल आत्मघातकी बॉम्बस्फोटानं आणि गोळीबारानं हादरलीय.

वृत्तसंस्था एएफपीनं दिलेल्या माहितीनुसार, काबूलमधील सैन्य रुग्णालयाजवळ स्फोट झाल्याची सूचना मिळालीय. स्फोटादरम्यान नागरिकांनी गोळीबाराचा आवाज ऐकला.

एका प्रत्यक्षदर्शीनं दिलेल्या माहितीनुसार, मंगळवारी काबूलमध्ये एका सैन्य रुग्णालयाबाहेर गोळीबारानंतर एक मोठा स्फोट झाला. त्यानंतर एएफपी पत्रकारांना दुसरा स्फोटही पाहायला मिळाला.

स्फोटाच्या स्थळावर त्यानंतर बराच वेळ गोळीबाराचा आवाज ऐकू येत राहिला. या स्फोटात आणि गोळीबारात जीवितहानी झाली किंवा नाही हे अद्याप समोर समजू शकलेलं नाही.

सरदार मोहम्मद दाऊद खान रुग्णालयाच्या डॉक्टरांनी दिलेल्या माहितीनुसार, स्फोट झाला तेव्हा ते रुग्णालयातच होते. पहिल्या प्रवेशद्वाराजवळून एक मोठा स्फोट कानी पडला. त्यानंतर सर्वांना सुरक्षित रुममध्ये हलवण्यात आलं. याच दरम्यान उपस्थितांना गोळीबाराचा आवाजही ऐकू आला, असं या डॉक्टरांनी म्हटलंय.

‘इस्लामिक स्टेट’शी निगडीत दहशतवादी संघटनांकडून हा स्फोट घडवून आणला गेल्याची प्राथमिक माहिती हाती येतेय.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: