उत्साही सुरूवात ; सेन्सेक्स निफ्टी पुन्हा तेजीच्या वाटेवर, दोन्ही निर्देशांकांची भरपाई


हायलाइट्स:

  • गुंतवणूकदारांनी पुन्हा खरेदीला प्राधान्य दिले.
  • आज सोमवारी सेन्सेक्स आणि निफ्टीमध्ये मोठी वाढ झाली.
  • बाजारात तेजी परतल्याने चैतन्य निर्माण झाले आहे.

मुंबई : आज दिवाळीच्या पहिल्यादाच दिवशी भांडवली बाजारावरील मंदीचे मळभ दूर झाले. गुंतवणूकदारांनी पुन्हा खरेदीला प्राधान्य दिल्याने आज सोमवारी सेन्सेक्स आणि निफ्टीमध्ये मोठी वाढ झाली. दोन्ही निर्देशांक तेजीच्या वाटेवर परतल्याने बाजारात चैतन्य निर्माण झाले आहे.

दिवाळीची सुट्टी ; राज्यात इतके दिवस बँंका राहणार बंद, जाणून घ्या तपशील
आजच्या सत्रात बँका, वित्त संस्था, मेटल या क्षेत्रात खरेदीचा ओघ सुरु आहे. सकाळी बाजार सुरु होताच सेन्सेक्सने ४५० अंकांची झेप घेतली. निफ्टी देखील १७८०० अंकांपर्यंत पोहोचला होता. सेन्सेक्सवरील ३० पैकी २६ शेअर तेजीत होते. ज्यात भारती एअरटेल, टाटा स्टील, ऍक्सिस बँक, टायटन, एचसीएल टेक, पॉवरग्रीड, टेक महिंद्रा, टीसीएस, कोटक बँक, इंडसइंड बँक, अल्ट्राटेक , एनटीपीसी, आयटीसी, रिलायन्स, एसबीआय, एचडीएफसी या शेअरमध्ये वाढ झाली आहे.

दिवाळीच्या पहिल्याच दिवशी दणका;सिलिंडर दरवाढीचा उडाला भडका, चेन्नईत भाव २१३३ रुपयांवर
एचयूएल, बजाज फिनसर्व्ह, नेस्ले , महिंद्रा अँड महिंद्रा या शेअरच्या किमतीत घसरण झाली आहे. आज आयआरसीटीसीच्या शेअरमध्ये वाढ झाली. त्यात २ टक्क्यांनी वधारला असून ८६३.७५ रुपयांवर गेला आहे. त्याशिवाय पीएनबी बँक, येस बँक, टाटा पॉवर, ट्रायडेंट, सेल, ब्लुस्टार, डिसीबी बँक, गोदरेज प्रॉपर्टीज या शेअरमध्ये वाढ झाली आहे. सध्या सेन्सेक्स २८० अंकांनी वधारुन ५९५८० अंकांवर ट्रेड करत आहे. निफ्टी १०२ अंकांच्या वाढीसह १७७७५ अंकावर आहे.

शेअर बाजार ; दोन सत्रात झालीय मोठी पडझड , या गोष्टी ठरवणार पुढची दिशा
मागील दोन सत्रात निर्देशाकांत ३ टक्के घसरण झाली होती. तर निफ्टी मिडकॅपमध्ये जवळपास ८ टक्के घसरण झाली. मागील ९ सत्रांमध्ये परदेशी संस्थात्मक गुंतवणूकदारांनी चौफेर विक्री केल्याने बाजारात मोठी पडझड झाल्याचे जिओजित फायनान्शिअल सर्व्हिसेसचे गुंतवणूक विश्लेषक डॉ. व्ही. के. विजयकुमार यांनी सांगितले.

RBI ने चालू खात्याबाबत बँकांचे नियम केले सोपे; जाणून घ्या ताज्या अपडेट्स
आज निर्देशांकाला वाढवण्यात इन्फोसिस, एचडीएफसी, टीसीएस, कोटक बँक, ऍक्सिस बँक, एचडीएफसी बँक, यांनी मोठा हातभार लावला. चीनी अर्थव्यवस्थेची संमिश्र कामगिरी , बॉण्ड यिल्डमध्ये झालेली घसरण आणि महागाईचा वाढत आलेख यामुळे आज धातू क्षेत्रातील शेअरमध्ये तेजी दिसून आली. फेडरल रिझर्व्हच्या निर्णयाकडे गुंतवणूकदार लक्ष ठेवून असल्याचे कोटक सिक्युरिटीजचे कमॉडिटी प्रमुख रवींद्र राव यांनी सांगितले.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: