Complaint by sameer wankhede: ‘आम्हांला रोज बेइज्जत केले जात आहे’; समीर वानखेडेंची अरुण हलदर यांच्याकडे तक्रार


हायलाइट्स:

  • एनसीएससीचे उपाध्यक्ष अरुण हलदर यांची समीर वानखेडेंच्या निवासस्थानाला भेट.
  • समीर वानखेडे यांनी हलदर यांच्याकडे केली तक्रार.
  • आमची रोज बेईज्जती केली जात आहे, आम्हाला न्याय द्या- समीर वानखेडे.

मुंबई: राष्ट्रीय अनुसूचित जाती आयोगाचे (NCSC) उपाध्यक्ष अरुण हलदर (Arun Haldar) यांनी आज अमली पदार्थ विरोधी विभागाचे (NCB) विभागीय संचालक समीर वानखेडे (Sameer Wankhede) यांच्या निवासस्थानी भेट दिली. यावेळी वानखेडे कुटुंबीयांनी हलदर यांना आपल्याकडील जात आणि धर्माशी संबंधित सर्व उपलब्ध कागदपत्रे दाखवली. यावेळी समीर वानखेडे यांनी हलदर यांच्याकडे आपले म्हणणे मांडत तक्रार केली. आमच्या कुटुंबाची जाहीरपणे बेइज्जती केली जात असून आम्हाला घाबरवण्याचा प्रयत्न केला जात आहे. तसेच माझ्यावर दबाव आणला जात आहे, अशी तक्रार वानखेडे यांनी हलदर यांच्याकडे केली. (sameer wankhede complains to the deputy chairman of the national commission for scheduled castes arun haldar)

आमचे संपूर्ण वानखेडे खानदान बोगस आहे, असे थेट प्रसारमाध्यमांसमोर बोलले जात आहे. अशी भाषा प्रसारमाध्यमांसमोर करणे योग्य नाही. मी दलित समाजाचा आहे. हे लोक माझी बेइज्जती करण्याचे काम करत आहेत, असे सांगत बोगसचा अर्थ काय होतो?, असा सवालच वानखेडे यांनी उद्विग्नपणे हलदर यांना केला. माझा युनिफॉर्म काढून घेतला जाणार, माझी नोकरी हिरावून घेतली जाणार असे बोलून मला धमकावले जात आहे. मला राष्ट्रपती नियुक्त करतात. जर मी काही चुकीचे काम केले असेल तर राष्ट्रपती आणि आपण त्यावर न्याय कराल,असे वानखेडे हलदर यांना म्हणाले.

क्लिक करा आणि वाचा- राष्ट्रीय अनुसूचित जाती आयोगाचे उपाध्यक्ष हलदर वानखेडेंच्या निवासस्थानी; म्हणाले…

दररोज सकाळी ८ वाजता आणि १० वाजता पत्रकार परिषद घेतली जाते. या पत्रकार परिषदांद्वारे माझ्या कुटुंबाच्या खासगी गोष्टी सांगितल्या जात आहेत. मला घाबरवण्याचा प्रयत्न केला जात आहे. या द्वारे माझ्यावर दबाव टाकण्यात येताय. या प्रकरणी मला न्याय द्या, अशी विनंती वानखेडे यांनी हलदर यांना केली.

क्लिक करा आणि वाचा- ड्रग्ज पार्टी प्रकरणात केंद्रीय मंत्री रामदास आठवले यांचा खळबळजनक आरोप, म्हणाले…

हलदर यांच्या या भेटीत वानखेडे यांचे वडील ज्ञानदेव यांनी हलदर यांना त्यांच्याकडील सर्व उपलब्ध कागदपत्रे दाखवली. तसेच आपल्या कुटुंबाबाबत माहिती दिली. आपण धर्मांतर केलेले नसून आपण हिंदू आहोत, तसेच आपण अनुसूचित जातीचे आहोत असे सांगत याबाबतची कागदपत्रे ज्ञानदेव वानखेडे यांनी हलदर यांना दाखवली.

क्लिक करा आणि वाचा- रामदास आठवलेंचा समीर वानखेडेंना पाठींबा; म्हणाले, ‘नवाब मलिकांचे सर्व आरोप निराधार’



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: