IND vs NZ Big Clash: न्यूझीलंडविरुद्ध इतिहास घडवायचा असेल तर, भारताला ‘या’ पाच गोष्टी कराव्या लागतील


दुबई: विराट कोहलीच्या नेतृत्वाखाली भारतीय संघ न्यूझीलंडविरुद्ध टी-२० वर्ल्डकपमध्ये आज म्हणजे रविवारी एक महत्त्वाची मॅच खेळणार आहे. दुबईच्या आंतरराष्ट्रीय स्टेडियमवर होणाऱ्या लढतीत जो संघ विजय मिळवेल त्याचे स्पर्धेच्या पुढच्या फेरीत जाण्याचे आव्हान कायम राहिल. भारतीय संघाचा पहिल्या सामन्यात १० विकेटनी पराभव झाला होता. टीम इंडियाला सेमीफायनलमध्ये जायचे असेल तर आज न्यूझीलंडचा पराभव करावा लागले. न्यूझीलंडविरुद्ध भारताचे रेकॉर्ड चांगले नाही. त्यामुळे त्यांना अशा काही गोष्टी कराव्या लागतील ज्यामुळे विजय मिळेल.

वाचा- भारतीय संघाला मिळाली गुड न्यूज; न्यूझीलंडविरुद्धच्या विजयासाठी…

१) टॉस- नाणेफेकीचा कौल कोणाच्या बाजूने लागले हे सांगता येत नाही. पण जर विराटने टॉस जिंकला तर त्याने प्रथम गोलंदाजी करण्याचा निर्णय घ्यावा. युएईमध्ये आतापर्यंत झालेल्या सामन्यात दुसऱ्या डावात गोलंदाजी करणे सोपे होते. स्पर्धेत आतापर्यंत धावांचा पाठलाग करणारा संघ जिंकल्याचे दिसते.

२) रोहित,राहुल यांच्याकडून चांगली सुरूवात- भारतासाठी रोहित शर्मा आणि केएल राहुल यांनी कोणत्याही परिस्थितीत चांगली सुरूवात करून देणे गरजेचे आहे. जर भारताने टॉस गमावला आणि प्रथम फलंदाजी करण्याची वेळ आली तर त्यांना इतकी मोठी धावसंख्या उभी करावी लागले ज्याचा बचाव गोलंदाज करू शकतील. एक किंवा दोन खराब षटकामुळे सामन्याचे चित्र बदलू नये. रोहित आणि राहुल यांनी चांगली सुरूवात करून दिली तर सूर्यकुमार, विराट, पंत हे नंतर मोठी धावसंख्या करू शकतील. मोठी धावसंख्या झाल्यास जसप्रीत बुमराहच्या नेतृत्वाखाली गोलंदाज दबाव टाकू शकतील.

वाचा- शमीला ट्रोल करणाऱ्यांना विराट कोहलीने सुनावले; धर्मावरून टीका करणे ही…

३) शार्दूलचा अंतिम ११ मध्ये समावेश- विराट कोहली भलेही हार्दिक पंड्याला फिट असल्याचे सांगत असला तरी तो गोलंदाजी करू शकेल का याचे उत्तर अद्याप मिळालेले नाही. दुसऱ्या बाजूला शार्दूल ठाकूरने आतापर्यंत चांगली कामगिरी करून दाखवली आहे. इंग्लंड दौरा असो की आयपीएल शार्दूलने चांगली कामगिरी केली आहे. विराट आणि संघ व्यवस्थापनाने त्याच्यावर विश्वास दाखवायला हवा. तो फक्त चार षटके गोलंदाजी नाही तर फलंदाजी देखील करू शकतो. हार्दिक किंवा भुवनेश्वर कुमारच्या जागी त्याचा विचार करावा.

४) हा सर्वात मोठा धोका- भारतीय फलंदाजांना सर्वात मोठा धोका जर असेल तर तो डाव्या हाताने गोलंदाजी करणाऱ्या गोलंदाजांचा होय. गेल्या काही वर्षात भारताला या अडचणीचा सामना करावा लागलाय. २०१७च्या चॅम्पियन्स ट्रॉफीमध्ये मोहम्मद आमिर, २०१६ सेमीफायनल ट्रेंट बोल्ट आणि टेस्ट चॅम्पियनशिपमध्ये भारतीय फलंदाज अडचणीत आले होते. पाकिस्तानविरुद्धच्या पहिल्या सामन्यात देखील शाहीन आफरीदीमुळे भारताला मोठा फटका बसला होता. आता न्यूझीलंडविरुद्ध बोल्ट आणि सेंटरनर हे डाव्या हाताने गोलंदाजी करणारे खेळाडू आहेत. यासाठी भारताकडे ठोस नियोजन हवे.

वाचा- अखेरच्या चेंडूवर पराभव; वर्ल्डकपमधून हा संघ सर्वात प्रथम बाहेर पडला

५) पॉवर प्लेमध्ये विकेट- बाबर आझम आणि मोहम्मद रिझवान यांनी भारतीय गोलंदाजांना उघडे पाडले होते. बुमराह, भुवनेश्वर, शमी आणि जडेजा ही मोठी नावे असली तरी त्यांना एकही विकेट मिळाली नव्हती. न्यूझीलंडविरुद्ध पॉवर प्ले मध्ये भारताला एक पेक्षा अधिक विकेट घ्यावी लागले. ज्यामुळे दबाव तयार होईल.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: