NPS खाते सुरु करताय; जाणून घ्या महत्वाच्या गोष्टी, काय आहे तज्ज्ञांचा सल्ला,


हायलाइट्स:

  • सरकारी कर्मचाऱ्यांव्यतिरिक्त पगारदार व्यक्ती आणि स्वयंरोजगार करणारे अशा व्यक्तीही याचा लाभ घेऊ शकतात.
  • जर तुम्ही एनपीएस खाते उघडण्याचा विचार करत असाल, तर काही महत्त्वाच्या गोष्टी लक्षात ठेवणे आवश्यक आहे.
  • एनपीएसचे काही महत्वाचे पैलू समजून घेऊया.

नवी दिल्ली : भविष्य सुरक्षित करण्याच्या उद्देशाने नॅशनल पेन्शन सिस्टम (NPS) सुरू करण्यात आली होती. सरकारी कर्मचाऱ्यांव्यतिरिक्त पगारदार व्यक्ती आणि स्वयंरोजगार करणारे अशा व्यक्तीही याचा लाभ घेऊ शकतात. जर तुम्ही एनपीएस खाते उघडण्याचा विचार करत असाल, तर काही महत्त्वाच्या गोष्टी लक्षात ठेवणे आवश्यक आहे.

खेळखंडोबा! गुंतवणूकदार होरपळल्यानंतर सरकारला आली जाग, IRCTC बाबतचा ‘तो’ निर्णय तूर्त मागे
PFRDA एनपीएसचे संचालन करते. हे मार्केट लिंक्ड असते. या योजनेत तुम्ही नियमित अंतराने गुंतवणूक करू शकता. तुमच्या गुंतवणुकीचा काही भाग इक्विटीमध्ये, काही डेट फंडांमध्ये गुंतवला जातो. व्यावसायिक निधी व्यवस्थापक तुमच्या पैशांचे व्यवस्थापन करतात. एनपीएसचे काही महत्वाचे पैलू समजून घेऊया.

RBI गव्हर्नर शक्तिकांत दास यांच्याबाबत केंद्र सरकारने घेतला मोठा निर्णय
१. एनपीएस खाते उघडल्यावर गुंतवणूकदाराला स्वतःसाठी इक्विटी आणि कर्ज योजनांमधील स्टेक निवडण्याचा पर्याय असतो, पण इक्विटीमध्ये १०० टक्के गुंतवणूक करता येत नाही. त्याची कमाल मर्यादा ७५ टक्के आहे. यासंदर्भात वेगवेगळे नियमही आहेत. जर एखाद्या गुंतवणूकदाराला डेट फंडात १०० टक्के गुंतवणूक करायची असेल, तर ते शक्य आहे. इक्विटीमध्ये जास्तीत जास्त ७५ टक्के गुंतवणुकीसह, तुमच्या पोर्टफोलिओची जोखीम कमी राहते.

‘पेटीएम’कडून जम्बो IPO ची घोषणा ; जाणून घ्या संपूर्ण योजनेचा तपशील
२. एनपीएसमध्ये केली जाणारी गुंतवणूक ही निवृत्तीसाठी असते. एनपीएस खाते ६० वर्षे पूर्ण झाल्यावर परिपक्व (मॅच्युअर) होते. जर तुम्ही वयाच्या ३०-३५ व्या वर्षी गुंतवणूक करायला सुरुवात केली, तर तुम्हाला अनेक दशके गुंतवणूक करावी लागेल. तुम्ही सतत गुंतवणूक करत राहिल्यास, परतावा देखील चांगला मिळतो. एनपीएसमधून वेळेआधी बाहेर पडण्याचा पर्याय उपलब्ध आहे. पण मॅच्युरिटीपूर्वी तुम्ही बाहेर पडण्याचा निर्णय घेतला, तर तुम्हाला जास्त फायदा मिळत नाहीत.

३. एनपीएस अंतर्गत सेवानिवृत्तीवर जास्तीत जास्त ६० टक्के निधी एकरकमी काढता येतो. ४० टक्के निधी विमा कंपनीकडे हस्तांतरित केला जातो, जिथून तुम्हाला दरमहा पेन्शन मिळते.

४. एनपीएस अंतर्गत निवृत्तीनंतर विमा कंपनी दरमहा एकसमान पेन्शन देते. तुम्हाला तुमची बचत स्वतःसाठी वापरायची असेल, तर एनपीएस हा तुमच्यासाठी योग्य पर्याय नाही.

५. कर बचतीच्या दृष्टीने एनपीएस हा एक उत्तम पर्याय आहे. ८० सीसीडी (१ बी) अंतर्गत, ५० हजार वजावटीचा लाभ स्वतंत्रपणे उपलब्ध आहे. तसेच, कलम ८० सी अंतर्गत १.५ लाख रुपयांच्या कपातीचा लाभ उपलब्ध आहे. तुम्ही नोकरी करत असल्यास, कलम ८० सीसीडी (२) अंतर्गत एम्प्लॉयरकडून जे योगदान दिले जाते, जर ते मूळ वेतन आणि महागाई भत्त्याच्या १० टक्क्यांपेक्षा कमी असेल, तर ते देखील कर लाभासाठी पात्र आहे. जर तुम्ही नवीन कर प्रणालीची निवड केली असेल, तर तुम्हाला कर लाभ मिळणार नाही, पण ८० सीसीडी (२) चा लाभ मिळतो.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: