सराफा बाजारात तेजी; दिवाळीपूर्वीच सोन्याला तेजीची झळाळी,आज पुन्हा महागले सोने


हायलाइट्स:

  • दिवाळीपूर्वी कमॉडिटी बाजारात तेजीचे वातावरण कायम आहे.
  • आज गुरुवारी मल्टी कमॉडिटी एक्सचेंजमध्ये सोन्याचा भाव ४८२०० रुपयांपर्यंत वाढला.
  • सलग तिसऱ्या सत्रात सोने वधारले. चांदीमध्ये देखील आज मोठी मागणी दिसून आली.

मुंबई : दिवाळीपूर्वी कमॉडिटी बाजारात तेजीचे वातावरण कायम आहे. आज गुरुवारी मल्टी कमॉडिटी एक्सचेंजमध्ये सोन्याचा भाव ४८२०० रुपयांपर्यंत वाढला. सलग तिसऱ्या सत्रात सोने वधारले. चांदीमध्ये देखील आज मोठी मागणी दिसून आली.

‘पेटीएम’कडून जम्बो IPO ची घोषणा ; जाणून घ्या संपूर्ण योजनेचा तपशील
सध्या मल्टी कमॉडिटी एक्सचेंजमध्ये १० ग्रॅम सोन्याचा भाव ४८१९० रुपये इतका वाढला आहे. त्यात २२८ रुपयांची वाढ झाली आहे. तत्पूर्वी सोने ४८२२९ रुपयांपर्यंत वाढले होते. आज एक किलो चांदीचा भाव ६५२२५ रुपये असून त्यात ६० रुपयांची वाढ झाली आहे.

शेअर बाजारात दिवाळी सेल! सेन्सेक्स ६०० अंकांनी गडगडला, दीड लाख कोटींचा चुराडा
सराफा बाजारात मात्र सोने दरात घसरण कायम आहे. Goodreturns या वेबसाईटनुसार आज गुरुवारी मुंबईत २२ कॅरेट सोन्याचा भाव ४७०५० रुपये झाला. २४ कॅरेटचा भाव ४८०५० रुपये इतका आहे. त्यात ८० रुपयांची घसरण झाली. आज दिल्लीत २२ कॅरेट सोन्याचा भाव ४७१०० रुपये झाला. २४ कॅरेटसाठी सोन्याचा भाव ५१३८० रुपये इतका झाला. त्यात बुधवारच्या तुलनेत २२० रुपयांची वाढ झाली.

इंधन दरवाढ नॉनस्टॉप ! मुंबईत पेट्रोल-डिझेलच्या किंमतींनी केला नवा रेकाॅर्ड
आज चेन्नईत २२ कॅरेटसाठी ४५२५० रुपये तर २४ कॅरेट सोन्याचा भाव ४९३६० रुपये इतका वाढला आहे. त्यात बुधवारच्या तुलनेत १८० रुपयांची वाढ झाली. कोलकात्यात आज २२ कॅरेट सोन्याचा भाव ४७३५० रुपये असून २४ कॅरेट सोन्याचा भाव ५००५० रुपये इतका आहे.

आज नगद कल उधार! टाटा समूहात सामील होताच एअर इंडियाने दिला मंत्री-अधिकाऱ्यांना झटका
तेजीमुळे मागील दोन आठवड्यात सोनं एक हजार रुपयांनी महागले होते. तर याच काळात चांदीचा भाव ४१५० रुपयांनी वाढली होती. चालू आठवड्यात तेजी कायम असून सोने जवळपास ४०० रुपयांनी वाढले आहे. इंडियन बुलियन अँड ज्वेलर्स असोसिएशननुसार सराफा बाजारात आज १० ग्रॅम सोन्याचा भाव ४८०६६ रुपये तर चांदीचा भाव ६४७४४ रुपये इतका वाढला आहे.

जागतिक बाजारात आज सोन्याचा भाव ०.१ टक्क्यांनी वधारला आणि १७९९.१३ डॉलर प्रती औंस झाला. गोल्ड फ्युचर्सचा भाव १७९९.५० डॉलर इतका होता. चांदीचा भाव प्रती औंस भाव २४.०४ डॉलर आहे.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: