‘पेटीएम’कडून जम्बो IPO ची घोषणा ; जाणून घ्या संपूर्ण योजनेचा तपशील


हायलाइट्स:

  • भांडवली बाजारातील तेजीच्या लाटेवर स्वार होत तब्बल १८३०० कोटी उभारण्याचा पेटीएमचा प्रयत्न
  • मागील १० वर्षातील हा सर्वात मोठा आयपीओ ठरणार.
  • यापूर्वी २०१० मध्ये कोल इंडियाने १५००० कोटी आयपीओतून उभारले होते.

मुंबई : डिजिटल पेमेंट क्षेत्रातील आघाडीची कंपनी असलेल्या पेटीएमने आज गुरुवारी आपल्या बहुचर्चित समभाग विक्री योजनेची घोषणा केली. भांडवली बाजारातील तेजीच्या लाटेवर स्वार होत तब्बल १८३०० कोटी उभारण्याचा पेटीएमचा महत्वकांक्षी प्रयत्न आहे. मागील १० वर्षातील भांडवली बाजारातला हा सर्वात मोठा आयपीओ ठरणार आहे. यापूर्वी २०१० मध्ये कोल इंडियाने १५००० कोटी आयपीओतून उभारले होते.

पेटीएमची समभाग विक्री ८ नोव्हेंबर २०२१ रोजी खुलीहोणार आहे. गुंतवणूकदारांना १० नोव्हेंबर २०२१ पर्यंत यासाठी बोली लावला येईल. आयपीओसाठी पेटीएमकडून प्रती शेअर २०८० ते २१५० रुपये असा दर निश्चित करण्यात आला आहे. गुंतवणूकदारांना किमान ६ शेअरसाठी अर्ज करता येणार आहे.

शेअर बाजारात दिवाळी सेल! सेन्सेक्स ६०० अंकांनी गडगडला, दीड लाख कोटींचा चुराडा
काही महिन्यांपूर्वी समभागधारकांची मंजुरी मिळाल्यानंतर पेटीएमची पालक कंपनी ‘वन ९७ कम्युनिकेशन’ने भांडवली बाजार नियंत्रक सेबीकडे आयपीओचा प्रस्ताव सादर केला होता. गेल्याच आठवड्यात त्याला सेबीने हिरवा कंदील दाखवला.

मित्र-मैत्रिणींची दिवाळी करा खास; FD पेक्षा जास्त परतावा देणारा फंड करा गिफ्ट
पेटीएमने आयपीओतील भांडवली उभारणीचा आकडा १७०० कोटींनी वाढवला आहे. सुरुवातीला कंपनीने १६६०० कोटी उभारण्याचे ठरवले होते. आता त्यात १७०० कोटींची वाढ केली असून एकूण आयपीओचे मूल्य १८३०० कोटी इतके वाढवण्यात आले आहे. पेटीएम सार्वजनिकरित्या ८३०० कोटींचे ताजे शेअर इश्यू करणार आहे. तर ऑफर ऑन सेलमधून १०००० कोटींचे शेअर विक्री केले जातील. असा एकूण १८३०० कोटींची समभाग विक्री जाहीर केली जाईल.

क्रिप्टो करन्सीमध्ये गुंतवणूक; बीट्सझचा क्रिप्टो एक्सचेंज सुरु, वाॅलेटवर मिळणार विमा संरक्षण
पेटीएमचा १८३०० कोटींचा आयपीओ हा देशातील सर्वात मोठा आयपीओ ठरला आहे. यापूर्वी जवळपास १० वर्षांपूर्वी कोल इंडिया या सरकारी कंपनीचा १५००० कोटींचा आयपीओ प्राथमिक बाजारात धडकला होता. या योजनेत ७५ टक्के शेअर हे संस्थात्मक गुंतवणूकदारांसाठी राखीव ठेवण्यात आले आहेत. शेअर विक्रीतून प्राप्त होणाऱ्या निधीमध्ये ४३०० कोटी कंपनीच्या वृद्धीसाठी वापरण्यात येणार आहेत. तसेच २००० कोटी नवीन व्यवसायिक विस्तारासाठी वापरले जातील, असे कंपनीने म्हटलं आहे.

म्युच्युअल फंड गुंतवणूक; पोर्टफोलिओमध्ये मल्टी असेट फंड का असावा? जाणून घ्या सविस्तर
पेटीएममध्ये Ant ग्रुप आणि अलिबाबा यांची पेटीएमची मुख्य कंपनी असलेल्या वन ९७ कम्युनिकेशनमध्ये जवळपास ३८ टक्के हिस्सेदारी आहे. सॉफ्टबँकेचा यामध्ये १८.७३ टक्के हिस्सा आहे. तर एलिवेशन कॅपिटलची वन ९७ कम्युनिकेशनमध्ये १७.६५ टक्के हिस्सेदारी आहे.

सणासुदीत महागाई ‘रंग’ दाखवणार; या कंपन्यांनी दिले दरवाढ संकेत, होणार असा परिणाम
२०१६ मध्ये नोटबंदी झाल्यानंतर देशात डिजिटल पेमेंटला प्रोत्साहन देण्यात आले होते. यानंतर पेटीएमच्या व्यवसायात प्रचंड भरभराट झाली होती. आर्थिक वर्षी २०२०-२१ मध्ये पेटीएमला ३१८६ कोटींचा महसूल मिळाला आहे. याच कालावधीत कंपनीला १७०१ कोटींचा तोटा झाला आहे. त्याआधीच्या वर्षी कंपनीला ३५४० कोटींचा महसूल मिळाला होता.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: