ramdev baba : रामदेव बाबांना झटका! अॅलोपॅथी वादावर दिल्ली हायकोर्टाने बजावली नोटीस


नवी दिल्ली: योगगुरू रामदेव बाबांच्या अडचणी वाढू शकतात. अ‍ॅलोपॅथीबद्दल चुकीची माहिती पसरवल्याप्रकरणी दिल्ली हायकोर्टाने रामदेव बाबांना समन्स बजावले ( delhi high court notice to ramdev baba ) आहे. हायकोर्टाने रामदेव बाबांना उत्तर दाखल करण्यासाठी चार आठवड्यांची मुदत दिली आहे. रामदेव यांच्यावरील खटल्यातील आरोपांच्या गुणवत्तेवर आपण कोणतंही मत व्यक्त करत नसल्याचं त्यांनी स्पष्ट केलं आणि कोणताही दिलासा देण्याबाबत नंतर विचार केला जाईल, असं न्यायमूर्ती सी. हरिशंकर म्हणाले.

आपण रामदेव यांची व्हिडिओ क्लिप पाहिली आहे. व्हिडिओ क्लिप पाहून असं वाटतंय की तुमचे अशील अॅलोपॅथी उपचार प्रोटोकॉलची खिल्ली उडवत आहे. स्टिरॉइड्स लिहून देणं आणि हॉस्पिटलमध्ये जाणाऱ्यांचीही खिल्ली उडवली आहे. क्लिप बघून नक्कीच खटला भरण्याचा हा प्रकार आहे, असं न्यायमूर्ती हरिशंकर हे रामदेव बाबांचे वकील राजीव नायर यांना म्हणाले.

या प्रकरणात समन्स बजावण्यात आल्यावर आपल्याला कोणताही आक्षेप नाही. पण त्यांनी आरोपांना विरोध केला. या वादाचे तीन भाग आहेत. लसीकरणाविरुद्ध कोरोनिल, बदनामी आणि गोंधळ. केवळ मानहानीच्या प्रकरणात न्यायालय नोटीस बजावू शकतं, असं रामदेव बाबांचे वकील नायर म्हणाले.

‘मी कोणताही आदेश देत नाही. कृपया तुमचा लेखी जाबब दाखल करा आणि या प्रकरणात कोणतीही खटला दाखल केला जाऊ शकत नाही, असं म्हणा. रामदेव बाबांसह आचार्य बाळकृष्ण आणि पतंजली आयुर्वेद यांनाही याप्रकरणी समन्स बजावून उत्तर देण्यास सांगण्यात आलं आहे. कोर्टाने गुगल, फेसबुक आणि ट्विटर या सोशल मीडिया प्लॅटफॉर्मनाही नोटीस बजावली आहे.

rahul gandhi : ‘पेगाससला मंजुरी PM मोदींनी दिली की गृहमंत्री शहांनी?’, राहुल गांधींचा बोचरा सवाल

काय आहे संपूर्ण प्रकरण?

ऋषिकेश, पाटणा आणि भुवनेश्वर येथील ऑल इंडिया इन्स्टिट्यूट ऑफ मेडिकल सायन्सेस तीन निवासी डॉक्टर्स असोसिएशनसह चंदिगड पोस्ट ग्रॅज्युएट इन्स्टिट्यूट ऑफ मेडिकल एज्युकेशन अँड रिसर्चचे निवासी डॉक्टर्स असोसिएशन, पंजाबचे निवासी डॉक्टर असोसिएशन; लाला लजपत राय मेमोरियल मेडिकल कॉलेज, मेरठ आणि तेलंगण ज्युनियर डॉक्टर्स असोसिएशनच्या निवासी डॉक्टर्स असोसिएशनने या वर्षाच्या सुरवातीला हायकोर्टात याचिका दाखल केली होती.

female player filed a case of sexual abuse : आंतरराष्ट्रीय महिला खेळाडूवर नेत्याने केला बलात्कार; अटकेनंतर तुरुंगात रवानगी

रामदेव जनतेची दिशाभूल करत आहेत आणि करोना संसर्ग झालेल्या अनेकांच्या मृत्यूसाठी अॅलोपॅथी जबाबदार असल्याचा खोटा अंदाज लावत आहेत, असा आरोप याचिकेतून संघटनांनी केला आहे.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: