पॉलिसी बझारचा आयपीओ ; १ नोव्हेंबरला खुला होणार इश्यू, जाणून घ्या अधिक माहिती


हायलाइट्स:

  • पॉलिसी बझारचा आयपीओ १ नोव्हेंबर रोजी उघडणार असून ३ नोव्हेंबरला बंद होणार आहे.
  • कंपनीने प्रति शेअर ९४०-९८० रुपये इश्यू प्राइस बँड निश्चित केला आहे.
  • पॉलिसी बझारचा आयपीओ (IPO) १५ नोव्हेंबर रोजी सूचिबद्ध करण्यात येणार आहे.

नवी दिल्ली : पीबी फिनटेक लिमिटेड (PB Fintech Ltd)चा इनिशियल पब्लिक ऑफरिंग म्हणजेच आयपीओ (IPO) १ नोव्हेंबर रोजी उघडणार असून ३ नोव्हेंबरला बंद होणार आहे. कंपनीने प्रति शेअर ९४०-९८० रुपये इश्यू प्राइस बँड निश्चित केला आहे. तसेच पॉलिसी बझारचा आयपीओ (IPO) १५ नोव्हेंबर रोजी सूचिबद्ध करण्यात येणार आहे.

तेजी मंदीचा खेळ; सेन्सेक्सची ५०० अंकाची झेप, गुंतवणूकदारांनी केली भरपाई
पॉलिसी बझार आयपीओमधून ५,८२६ कोटी रुपये उभारण्याच्या तयारीत आहे. इश्यूचा आकार ६,०७,३०,२६५ शेअर्स आहे, ज्याचे दर्शनी मूल्य (फेस व्हॅल्यू) प्रत्येकी २ रुपये आहे. त्यात ३७५० कोटी रुपयांचे फ्रेश इश्यू आहे. तर १९५९.७२ कोटींचे शेअर्स ऑफर फॉर सेल (OFS) मध्ये विकले जातील. ओएफएसचे संचालन गुंतवणूकदार एसव्हीएफ पायथन-२ (केमन) SVF Python II (Cayman) द्वारे केले जाईल. जे १,८७५ कोटी रुपयांच्या समभागांची विक्री करेल. सध्या कंपनीत केमनची ९.४५ टक्के हिस्सेदारी आहे.

दुसऱ्या तिमाहीत दमदार कामगिरी; आदित्य बिर्ला सनलाईफ एएमसीला १७३ कोटींचा नफा
आयपीओमधून जमा झालेल्या पैशांचा वापर
आयपीओमधून मिळणारे पैसे धोरणात्मक गुंतवणूक आणि अधिग्रहणांना वित्तपुरवठा करण्यासाठी, भारताबाहेर उपस्थिती वाढवण्यासाठी आणि सामान्य कॉर्पोरेट हेतूसाठी वापरला जाणार आहे.

नामांकित ग्लोबल कंपन्यामध्ये गुंतवणूक संधी; बिर्ला म्युच्युअल फंडाने सादर केली ‘ही’ योजना
कोटक महिंद्रा कॅपिटल कंपनी, मॉर्गन स्टॅनली इंडिया कंपनी, सिटीग्रुप ग्लोबल मार्केट्स इंडिया, आयसीआयसीआय सिक्युरिटीज, एचडीएफसी बँक लि., आयआयएफएल सिक्युरिटीज आणि जेफरीज इंडिया हे या इश्यूचे बुक रनिंग लीड मॅनेजर आहेत.

सराफा बाजारात तेजी; सलग दुसऱ्या दिवशी सोने महागले, जाणून घ्या भाव
दरम्यान, या आठवड्यात आणखी दोन कंपन्या त्यांचे आयपीओ घेऊन येत आहेत. भारतीय सौंदर्य (ब्युटी) स्टार्टअप नायका (Nykaa) चालवणाऱ्या एफएसएन (FSN) ई-कॉमर्स व्हेंचर्सचा आयपीओ (IPO) गुरुवारी (२८ ऑक्टोबर) उघडेल. तर फिनो पेमेंट्स बँकेचा पब्लिक इश्यू शुक्रवारी (२९ ऑक्टोबर) उघडणार आहे.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: