फिक्सरला सिक्सर… बॉल आउट ऑफ द पार्क; हरभजन सिंगने पाकिस्तानला धडा शिकवला


नवी दिल्ली: भारतीय क्रिकेट संघाला वर्ल्डकपमध्ये प्रथमच पाकिस्तानकडून पराभव पत्करावा लागला. पाकिस्तानच्या या विजयानंतर काही माजी खेळाडूंनी धार्मिक आणि अनावश्यक प्रतिक्रिया देत आहेत. पाकिस्तानचे माजी खेळाडू सातत्याने भारतीय खेळाडूंना ट्रोल करत आहेत. भारत आणि पाकिस्तान यांच्यातील सामना होऊन ३ दिवस झाले तरी हा प्रकार सुरू आहे.

पाकिस्तानच्या अन्य खेळाडूं प्रमाणेच माजी जलद गोलंदाज मोहम्मद आमिर याने देखील भारतावर मिळवलेल्या विजयावर टीम इंडियाचा दिग्गज फिरकीपटू हरभजन सिंगला अंगावर घेतले. आमिरला वाटले हरभजन काही बोलणार नाही. पण त्याने असे काही उत्तर दिले की आमिरची नव्हे तर संपूर्ण पाकिस्तानचे तोंड बंद झाले.

वाचा-IND vs NZ: पाकिस्तानच्या विजायनंतर कसा असेल भारताचा सेमीफायनलमध्ये पोहोचण्याचा मार्ग

सोशल मीडियावर या वादाची सुरूवात मोहम्मद आमिरने केली. भारताचा पराभव झाल्यानंतर आमिरने ट्विटवर म्हटले की, मी हरभजनला विचारू इच्छीतो की त्याने टीव्ही फोडला की नाही? काही होत नाही शेवटी क्रिकेट एक खेळ आहे.

वाचा- १४ महिन्याची मुलगी आयुष्याशी झुंज देत असताना शमी देशासाठी लढत होता; ट्रोलर्सना सडतोड उत्तर

हरभजनने याचे उत्तर दिले, आता आमिर तु देखील म्हणशील की या षटकाराचे लॅडिंग तुमच्या घरच्या टीव्हीवर तर झाले नाही. काही होत नाही शेवटी क्रिकेट एक खेळ आहे, जसे तु म्हटले होते. हरभजनने यासोबत पाकिस्तानविरुद्ध अखेरच्या ओव्हरमध्ये षटकार मारलेला व्हिडिओ देखील शेअर केला.

दोन्ही खेळाडूमधील सुरू झालेला हा वाद इतक्यावर थांबला नाही. आमिरने हरभजनच्या या ट्विटला उत्तर दिले ते आणखी एका व्हिडिओने. भारत आणि पाकिस्तान यांच्यात झालेल्या एका कसोटी सामन्यात शाहिद आफ्रिदीने हरभजनला एका षटकात ४ षटकारांसह २७ धावा केल्या होत्या. आमिर म्हणाला, मी थोडा बिझी होतो. मी तुझी गोलंदाजी पाहत होतो. जेव्हा आफ्रिदीने चार चेंडूवर चार षटकार मारले. कसोटी क्रिकेटमध्ये हे थोडे जास्त झाले.

वाचा- क्रिकेटच्या १५ खेळाडूंनी तालिबानला धडा शिकवला; अफगाणिस्तानच्या खेळाडूंचे धाडसी कृत्य

आमिरने मर्यादा सोडल्यावर हरभजनने थेट मॅच फिक्सिंगची आठवण करून दिली. आमिरला उत्तर देताना तो म्हणाला, लॉर्ड्सवर नो बॉल कसा काय पडला? किती पैसे घेतले आणि कोणी दिले? कसोटी क्रिकेटमध्ये नो बॉल कसा काय होऊ शकतो? या सुंदर खेळाला बदनाम केल्याबद्दल तुझी लाज वाटते.

हरभजनने इतकी लाज काढल्यानंतर आमिर भानावर आला नाही. त्याने पुन्हा ट्विट केले आणि भागो भागो लाला (शाहित आफ्रिदी) आया असे उत्तर दिले.

यावर हरभजन सिंगने देखील पुन्हा त्याला ऐकवले. तुझ्या सारख्या लोकांना फक्त पैसा लागतो. ना इज्जत, ना आणखी काही, फक्त पैसा… सांगणार नाहीस का स्वत:च्या देशातील लोकांना आणि चाहत्यांना किती मिळाले होते. चालता हो येथून, तुझ्या सारख्या लोकांशी बोलण्याची लाज वाटते ज्यांनी खेळाला बदनाम केले.

हरभजनने एक आणखी ट्विट केले आणि फिक्सर को सिक्सर… असे म्हणत एक व्हिडिओ शेअर केला.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: