sameer wankhede : समीर वानखेडेंवर खंडणीचे आरोप, NCB चं पथक उद्या मुंबईत येणार


नवी दिल्लीः मुंबईतील एनसीबीचे विभागीय संचालक समीर वानखेडे ( sameer wankhede ) आज एनसीबीच्या दिल्लीतील मुख्यालयात पोहोचले. भ्रष्टाचाराच्या आरोपांप्रकरणी समीर वानखेडे यांची वरिष्ठ अधिकाऱ्यांकडून जवळपास दोन तास चौकशी केली गेली, असं मीडिया रिपोर्ट्समधून दुपारी सांगण्यात आलं. आता समीर वानखेडेंवरील भ्रष्टाचाराच्या आरोपांप्रकरणी तपासासाठी एनसीबीचं दक्षता पथक उद्या मुंबईला येणार आहे. एनसीबीचे दक्षता प्रमुख ग्यानेश्वर सिंह हे या पथकासोबत असतील. हे पथक उद्यापासून तपासाला सुरवात करणार आहे. यावेळी समीर वानखेडे यांच्यासह एनसीबीच्या इतर अधिकाऱ्यांचीही चौकशी केली जाणार आहे, अशी माहिती सूत्रांनी दिली. समीर वानखेडे दिल्लीहून मुंबईला रवाना झाले आहेत.

अंमली पदार्थप्रकरणी मुंबईत क्रूझवर समीर वानखेडे यांनी छापा टाकला होता. यामध्ये अभिनेता शाहरुख खानचा मुलगा आर्यन खान याला अटक करण्यात आली. आर्यनच्या जामीन अर्जावर आज मुंबई उच्च न्यायालयात सुनावणी झाली. आर्यन खानच्या जामीन अर्जावर मुंबई हायकोर्टाचा आता उद्या निकाल येऊ शकतो.

sameer wankhede : समीर वानखेडेंची दोन तास झाली चौकशी; NCB मुख्यालयातून बाहेर पडले

‘आपण तपासासाठी कोणालाही बोलावलं नाही. गरज असेल तेव्हा वानखेडे यांना बोलवेन’, असं एनसीबीचे उत्तर विभागाचे उपमहासंचालक (डीडीजी) ग्यानेश्वर सिंह यांनी सांगितलं.

Sameer Wankkhede: वरिष्ठांकडून बोलावणं नसताना समीर वानखेडे दिल्लीत का पोहचले?

अभिनेता शाहरुख खानचा मुलगा आर्यन खान याच्या सुटकेसाठी कोट्यवधींची डील झाल्याचा आरोप साक्षीदार प्रभाकर साईलने केला आहे. यांनाही यातील ८ कोटी रुपये देण्यात येणार होते, आसा दावा प्रभाकर साईलने रविवारी केला होता. आर्यन खानला सोडण्यासाठी एनसीबीच्या अधिकाऱ्याने आणि इतरांनी २५ कोटी रुपयांची मागणी केली होती, असा आरोप आहे. या आरोपांप्रकरणी एनसीबीकडून चौकशीचे आदेश देण्यात आले आहेत.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: