Aryan Khan: आर्यन खानला उद्या जामीन मिळणार का?; मुकुल रोहतगींनी कोर्टात मांडले हे महत्वाचे १० मुद्दे


मुंबई: क्रूझवरील ड्रग्ज पार्टी प्रकरणी (Cruise Drugs Party Case) अटकेत असलेला आर्यन खान (Aryan Khan) याच्या जामीन अर्जावर मुंबई हायकोर्टात सुनावणी सुरू आहे. ज्येष्ठ वकील, माजी अ‍ॅटर्नी जनरल मुकुल रोहतगी (Mukul Rohatgi) हे हायकोर्टात आर्यन खानची बाजू मांडत आहेत. अमली पदार्थविरोधी विभाग अर्थात एनसीबीने (NCB) या प्रकरणात आरोपी क्रमांक १ असलेला आर्यन खान आंतरराष्ट्रीय कार्टेलशी संपर्क असल्याचा आरोप केला आहे. या प्रकरणात अभिनेता शाहरूख खानची (Shah Rukh Khan) मॅनेजेर पूजा ददलानी (Pooja Dadlani) साक्षीदारांवर प्रभाव टाकत असल्याचाही एनसीबीचा आरोप आहे. (aryan khan bail hearing see 10 key arguments made by aryan khans lawyer mukul rohatgi in court)

दरम्यान, आजची सुनावणी अपूर्ण असून उद्या पुन्हा आर्यन खानच्या जामीनावर सुनावणी होणार आहे. आर्यन खानची बाजू मांडणारे ज्येष्ठ वकील मुकुल रोहतगी यांनी कोर्टापुढे अनेक महत्वाचे मुद्दे मांडत आर्यन खानची बाजू जोरकसपणे मांडण्याचा प्रयत्न केला. त्यांनी केलेल्या युक्तीवादादरम्यान १० महत्वाचे मुद्दे मांडले आहेत. पाहुयात, आर्यनला जामीन मिळावा यासाठी रोहतगी यांनी कोणते १० मुद्दे उपस्थित केले.

क्लिक करा आणि वाचा- समीर वानखेडेंच्या बहीण यास्मिन वानखेडेंचा नवाब मलिकांवर गंभीर आरोप; म्हणाल्या…

मुकुल रोहतगी यांनी मांडलेले महत्वाचे १० युक्तिवाद असे आहेत

१. ‘आर्यन खान याच्याकडून कोणताही अमली पदार्थ हस्तगत करण्यात आलेला नाही. त्याने कोणत्याही अमली पदार्थाचे सेवन केलेले नाही. तसेच त्याची कोणतीही वैद्यकीय चाचणी झालेली नाही. अरबाज मर्चंटच्या बुटातून सहा ग्रॅम चरस जप्त करण्यात आले होते. मर्चंटने मात्र ते नाकारले आहे. पण आर्यनचा त्याने बाळगलेल्या अमली पदार्थाशी काही संबंध नाही. फक्त तो आर्यनचा मित्र आहे इतकेच.’

२. ‘अरबाज मर्चंटच्या बुटात काय सापडले याच्याशी आर्यनचा संबंध नाही. अरबाजकडून जो अमली पदार्थ जप्त करण्यात आला तो केवळ ६ ग्रॅम इतका कमी प्रमाणात होता. अरबाजकडे सापडलेल्या ६ ग्रॅमच्या अमली पदार्थामुळे मला अटकेत ठेवता येणार नाही. इतर अनेकांकडून व्यावसायिक प्रमाणात अमली पदार्थ आढळले आहेत.’

३. ‘अरबाज मर्चंटच्या बुटात काय सापडले ते आर्यनच्या नियंत्रणात नव्हते. अरबाज आर्यनचा नोकर नाही, तो आर्यनच्या नियंत्रणात नाही, त्यामुळे यात कोणताही कट नाही. आर्यन खानकडे काही सापडले असते तर आर्यनचा संबंध तुम्ही अरबाज आणि अचित कुमारशी जोडू शकला असता. मात्र आर्यनचा कोणाशीही संबंध नाही. जेव्हा सर्वजण एकमेकांना भेटतात आणि मनाने एकत्र येत काही ठरवतात किंवा विचार करतात तेव्हाच त्यांच्यात कट शिजला असे म्हणता येते.’

४. ‘कलम ६७ अंतर्गत असलेले एक विधान होते जे मागे घेण्यात आले होते. एनसीबीने आर्यन ड्रग्जचे सेवन करत असे हे दाखवून देण्यासाठी ते केले होते. आणि ते ‘चुकीचे सिद्ध होईपर्यंत ते मान्य आहे’ असेही दर्शवण्यात आले होते. आम्ही हे सुप्रीम कोर्टात देखील मांडले असल्याचे NCB अधिकाऱ्यांनी म्हटले होते. NCB अधिकारी हे अधिकारी आहेत पोलिस नाहीत. NDPS अधिकाऱ्यांकडे केलेली विधाने स्वीकारण्याजोगी नाहीत.’

क्लिक करा आणि वाचा- शाहरुखकडे खंडणी मागितल्याचा आरोप; ‘या’ तक्रारीने वानखेडेंच्या अडचणींत भर

५. ‘ आर्यनचे व्हॉट्सअ‍ॅप चॅट्स सन २०१८ मधील होते. त्यातील कोणतेही चॅट क्रूझवरील पार्टीशी संबंधित नाही. ‘१२३’शी संबंधित चॅट्सचा या प्रकरणाशी काही संबंध नाही. यासाठी सहजपणे ‘षड्यंत्र’ हा शब्द वापरणे योग्य नाही.’

६. “ही तरुण मुले आहेत. त्यांना पुनर्वसन केंद्रात पाठवले जाऊ शकते. त्यांच्यावर खटला चालवण्याची गरज नाही. सामाजिक न्याय मंत्रालयाने सुधारणांसंबंधित उल्लेख केल्याचे काही वृत्तपत्रात आले होते… यात कमाल शिक्षा एक वर्षाची शिक्षा आहे… ती कमाल आहे आणि किमान नाही. आर्यन खान हा कोणत्याही परिस्थितीत कलम २७अ शी संबंधित नाही. त्याच्या विरोधात कोणताही पुरावा नाही. आर्यनने कोणालाही तस्करीसाठी आर्थिक मदत केलेली नाही.’

७. आरोपी क्रमांक १७ (अचित कुमार) हा महाविद्यालयीन तरुण आहे. अचित कुमार हा आर्यनचा मित्र आहे आणि हे दोघे ऑनलाइन पोकर खेळत होते… आणि त्यातूनच संवादाची देवाणघेवाण झाली. त्या संवादाच्या आधारे ते संबंध दाखवत आहेत.’

८. ‘या संवादापलीकडे त्या चॅटमध्ये काहीही नाही. आर्यन खानला चॅट्सबद्दल विचारण्यात आले. त्यावर तो म्हणाला की त्याची आणि माझी ऑनलाइन गेममुळे ओळख झाली.. आजकाल ऑनलाइन गेमिंग खूप आहे. आर्यन खान ऑनलाइन पोकर, ऑनलाइन क्रिकेट इत्यादी खेळ खेळत असतो.’

क्लिक करा आणि वाचा- वानखेडे प्रकरणी गृहमंत्री आणि मुख्यमंत्र्यांची काय झाली चर्चा?; गृहमंत्री म्हणाले…

९. “समीर वानखेडे आणि राजकीय नेत्याच्या (नवाब मलिक) वादाशी आर्यन खानचा संबंध लावणे योग्य नाही. आर्यन खानचे कोणत्याही एनसीबी अधिकाऱ्याविरुद्ध काहीही म्हणणे नाही. त्याची कोणतीही तक्रार नाही.’

१०. “आता या परिच्छेदामध्ये (आर्यनच्या वडिलांची) व्यवस्थापक (पूजा ददलानी) यांचा उल्लेख आहे आणि आर्यनच्या वतीने एक रिप्लाय दाखल केला आहे. त्यात अधिकारी किंवा पंचनाम्यावर आर्यनचा कोणताही आरोप करत नसून आर्यनचा कोणताही संबंध नाही… आर्यन खानचा एनसीबी अधिकाऱ्यांवर कोणताही आरोप नाही. हे एक सर्वसाधारण प्रकरण आहे. मी आदरपूर्वक सादर करतो की हे प्रकरण जामिनासाठी आहे.’



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: