Drugs Case: बोगस कारवाया करणाऱ्या समीर वानखेडेंच्या टीममध्ये कोण?; मलिक यांचं ट्वीट व्हायरल


हायलाइट्स:

  • नवाब मलिक यांनी ट्वीट केलेलं पत्र व्हायरल
  • व्हायरल पत्रात समीर वानखेडेंवर गंभीर आरोप
  • बोगस कारवायांसाठी वानखेडेंनी स्वतंत्र टीम बनवल्याचा आरोप

मुंबई: राष्ट्रवादी काँग्रेसचे नेते नवाब मलिक (Nawab Malik) यांनी NCB चे मुंबई विभागीय संचालक समीर वानखेडे (Sameer Wankhede) यांच्यावर आरोप सुरूच ठेवले आहेत. एनसीबीच्या एका अधिकाऱ्याचं निनावी पत्र मलिक यांनी आज ट्वीट केलं आहे. त्या पत्राच्या आधारे मलिक यांनी वानखेडेंवर निशाणा साधला आहे.

नवाब मलिक यांनी ट्वीट केलेल्या या पत्रात समीर वानखेडे यांच्यावर अनेक आरोप करण्यात आले आहेत. ‘समीर वानखेडे हे प्रसिद्धीसाठी हपापलेले अधिकारी आहेत. सतत मीडियात राहायची त्यांना सवय आहे. अनेक निष्पाप लोकांना त्यांनी ड्रग्जच्या खोट्या प्रकरणात अडकवलं आहे. खोटी प्रकरणं बनवण्यासाठी समीर वानखेडे यांनी एक स्वतंत्र टीम तयार केली होती. विश्व विजय सिंह, आशिष रंजन, किरण बाबू, विश्वनाथ तिवारी, सुधाकर शिंदे, कदम, रेड्डी, पी. डी. मोरे, विष्णू मीना, यूडीसी सूरज, ड्रायव्हर विजय, अनिल माने आणि समीर वानखेडे यांचा खासगी सचिव शरद कुमार याचाही या टीममध्ये समावेश आहे, असं या पत्रात नमूद करण्यात आलं आहे. कदम, रेड्डी, मोरे, मीना व अनिल माने हे झडतीच्या दरम्यान कुठल्याही कार्यालयात वा घरात ड्रग्ज ठेवतात. त्यानंतर खोटी केस बनवली जाते. एखाद्याच्या घरात कमी प्रमाणात ड्रग्ज सापडले तर त्याचे प्रमाण अधिक असल्याचं दाखवून जामीन मिळणार नाही अशी तजवीज केली जाते. त्यानंतर इतर अधिकारी खोटे पंचनामे करतात. हे पंचनामे एनसीबीच्या कार्यालयातच बनवले जातात, पण घटनास्थळी बनवल्याचं भासवलं जातं. समीर वानखेडे हे आपल्या हस्तकांकरवी ड्रग्ज खरेदी करतात. या हस्तकांमध्ये दशरथ, जमील, मोहम्मद, अफझल, नासिर, आदिल उस्मानी यांचा समावेश आहे. ड्रग्ज खरेदी करण्यासाठी सिक्रेट सर्व्हिस फंडातील किंवा छाप्यादरम्यान उकळलेला पैसा वापरला जातो,’ असा दावाही या पत्रात करण्यात आला आहे.
एनसीबीच्या महासंचालकांनी समीर वानखेडे यांची चौकशी करताना या पत्रातील आरोपांची दखल घ्यावी, अशी मागणी नवाब मलिक यांनी केली आहे.

हेही वाचा:

समीर वानखेडेंनी स्वत:चं जात प्रमाणपत्र प्रसिद्ध करावं, नाहीतर… नवाब मलिक यांचं आव्हान

समीर वानखेडेंसाठी ‘हा’ माणूस करतो वसुली; नवाब मलिक यांनी सांगितलं नाव



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: