IND v PAK : पाकिस्तानविरुद्धच्या सामन्यासाठी भारतीय संघाची घोषणा झाली, पाहा कोणाला मिळाली संधी…


दुबई : आजच्या महत्वाच्या सामन्यात पाकिस्तानने नाणेफेक जिंकत प्रथम गोलंदाजी करण्याचा निर्णय घेतला आहे. ्नाणेफेक झाल्यावर विराट कोहलीने भारताचा संघ जाहीर केला.

भारतीय संघाने यावेळी वरुण चक्रवर्तीला संधी देत सर्वांनाच मोठा धक्का दिला आहे. कारण भारताने यावेळी आर. अश्विन, राहुल चहर, इशान किशन आणि शार्दुल ठाकूर यांना संघाबाहेर ठेवले आहे. रोहित शर्मा आणि लोकेश राहुल भारताची सलामी करतील. त्यानंतर विराट कोहली, सूर्यकुमार यादव, रिषभ पंत यांच्यावर मधल्या फळीचा भार असेल. त्याचबरोबर जसप्रीत बुमरा, मोहम्मद शमी, भुवनेश्वर कुमार, रवींद्र जडेजा आणि हार्दिक पंड्या यांना संघात स्थान देण्यात आले आहे.

भारतीय संघाने विश्वचषकामध्ये दोन सराव सामने खेळले होते. या दोन्ही सामन्यांमध्ये भारताने विजय मिळवला होता. इंग्लंडविरुद्धच्या पहिल्या सराव सामन्यात इशान किशनने दमदार ७० धावांची खेळी साकारली होती, त्याला लोकेश राहुलने चांगली साथ दिली होती. त्यामुळे आता इशानने भारताच्या सलामीसाठी जागा निश्चित केली आहे, असे वाटत होते. पण ऑस्ट्रेलियाविरुद्धच्या दुसऱ्या सराव सामन्यात रोहित शर्माकडे भारताचे नेतृत्व देण्यात आले होते आणि तोच सलामीला आला होता. रोहितने सलामीला येत धडाकेबाज फलंदजाी केल्याच पाहायला मिळाले होते. या सामन्यासाठी विराट कोहलीला विश्रांती देण्यात आली होती. पण तरीही विराट या सामन्यात गोलंदाजी करताना पाहायला मिळाला होता. त्यामुळे विराट आता पाकिस्तानविरुद्धच्या सामन्यातही गोलंदाजी करणार का, याची उत्सुकता सर्वांना लागलेली आहे. विश्वचषकापूर्वी हार्दिक पंड्या चांगलाच ट्रोल झालेला पाहायला मिळाला होता. पण विश्वचषकातील दोन्ही सराव सामन्यांमध्ये त्याने चांगली फलंदाजी केल्याचे पाहायला मिळाले होते. हार्दिक आता विश्वचषकात गोलंदाजी करणार नाही, हे जवळपास स्पष्ट झाले आहे. त्यामुळे फक्त एक फलंदाज म्हणून तो आपल्या संघातील जागा कायम ठेवतो का, याकडे सर्वांचे लक्ष लागलेले असेल. भारताच्या वेगवान गोलंदाजांनीही या दोन्ही सामन्यांत चांगली कामगिरी केली होती. जसप्रीत बुमरा आणि मोहम्मद शमी यांनी पहिल्या सामन्यात चांगली गोलंदाजी केली होती. भुवनेश्वर कुमारला पहिल्या सामन्यात चांगली गोलंदाजी करता आली नसली तरी त्याला दुसऱ्या सामन्यात चांगलीच लय सापडली होती. त्यामुळे आता पाकिस्तानविरुद्धच्या सामन्यात या तिघांपैकी कोणाला संधी मिळणार, याची उत्सुकता सर्वांना होती. त्याचरोबर भारतीय संघात फिरकीपटूंमध्येही चांगलीच स्पर्धा असल्याचे पाहायला मिळाले होते.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: