‘SBI’ची बंपर ऑफर; बाजारभावापेक्षा कमी किंमतीत फ्लॅट खरेदीची संधी, कशी ते जाणून घ्या


हायलाइट्स:

  • स्टेट बँक ऑफ इंडिया २५ ऑक्टोबर रोजी तारण ठेवलेल्या व्यावसायिक आणि निवासी दोन्ही मालमत्तांसाठी ई-लिलाव करणार आहे.
  • सध्याच्या बाजार दरापेक्षा कमी किंमतीत काही घर, प्लॉट किंवा दुकान खरेदी करण्याची संधी आहे.
  • ई-लिलावाच्या (e-Auction) नोटीसमध्ये दिलेल्या संबंधित मालमत्तेसाठी ईएमडी सादर करणे आवश्यक आहे.

मुंबई : देशातील सर्वात मोठी सरकारी बँक स्टेट बँक ऑफ इंडिया (SBI) २५ ऑक्टोबर रोजी तारण ठेवलेल्या व्यावसायिक आणि निवासी दोन्ही मालमत्तांसाठी ई-लिलाव आयोजित करणार आहे. या अंतर्गत तुम्हाला सध्याच्या बाजार दरापेक्षा कमी किंमतीत काही घर, प्लॉट किंवा दुकान खरेदी करण्याची संधी चालून आली आहे. या लिलावात तुम्हीसुद्धा सहभागी होऊन या अद्भुत ऑफरचा लाभ घेऊ शकता. यासंबंधीची माहिती एसबीआयने आपल्या ट्विटर अकाउंटवरून दिली आहे.

कर्ज घेताय… वैयक्तिक आणि पीपीएफ लोनमध्ये काय आहे स्वस्त?
एसबीआयने आपल्या ट्विटमध्ये म्हटले आहे, घरबसल्या लावा बोली! ई-लिलावात सामील व्हा आणि तुमची सर्वोत्तम बोली लावा. आम्ही सर्व तपशील आणि ते फ्रीहोल्ड किंवा लीजहोल्ड आहे की नाही, हे देखील सांगतो. लिलावासाठी प्रसिद्ध केलेल्या सार्वजनिक नोटीसमध्ये इतर तपशीलांसह त्याचा आकार आणि ठिकाण देखील नमूद केले आहे. कोर्टाच्या परवानगीनंतर बँकेकडे गहाण ठेवलेल्या मालमत्तांचा लिलाव केला जात आहे. न्यायालयाचे आदेश सोबत जोडत आम्ही पारदर्शक लिलाव करणार आहोत. लिलावातील सहभागींना सर्व प्रकारची माहिती देतो, असेही एसबीआयने म्हटले आहे. ई-लिलावासाठी उपलब्ध असलेल्या मालमत्तांचे तपशील जाहिरातीत दिलेल्या लिंकद्वारे मिळू शकतात. बँकेच्या कोणत्याही शाखेत लिलावासाठी संपर्क साधू शकता.

म्युच्युअल फंड गुंतवणूक; जाणून घ्या आयटीआय फार्मा आणि हेल्थकेअर फंडाबाबत
बँक कोणत्या मालमत्तांचा लिलाव करणार
बँक लोकांना कर्ज देण्यासाठी त्यांच्याकडून निवासी मालमत्ता किंवा व्यावसायिक मालमत्ता इत्यादी बँक गॅरंटीच्या स्वरूपात गहाण ठेवते. कर्जदार कर्जाची परतफेड करू शकत नसल्यास, बँक वसुलीसाठी त्याच्या गहाण ठेवलेल्या मालमत्तेचा लिलाव करते. बँकेच्या संबंधित शाखा वर्तमानपत्रे आणि इतर माध्यमांद्वारे जाहिराती प्रकाशित करतात. मालमत्तांच्या लिलावाशी संबंधित माहिती या जाहिरातीत दिली जाते.

दिवाळी बोनस मिळालाय; पैशांचा योग्य वापर केल्यास मिळतील हे फायदे
मेगा ई-लिलावात सहभागी व्हा
ई-लिलावाच्या (e-Auction) नोटीसमध्ये दिलेल्या संबंधित मालमत्तेसाठी ईएमडी सादर करणे आवश्यक आहे. ‘केवायसी कागदपत्रे’ संबंधित बँक शाखेत दाखवावी लागतात. लिलावात सहभागी होणाऱ्या व्यक्तीची डिजिटल स्वाक्षरी असणे आवश्यक आहे. नसल्यास त्यासाठी ई-लिलावदार किंवा इतर कोणत्याही अधिकृत एजन्सीशी संपर्क साधावा.

संबंधित बँक शाखेत ईएमडी जमा केल्यानंतर आणि केवायसी कागदपत्रे दाखवल्यानंतर बोली लावणाऱ्या व्यक्तीच्या (बिडर) ई-मेल आयडीवर लॉगिन आयडी आणि पासवर्ड पाठवेल. लिलावाच्या नियमांनुसार, ई-लिलावाच्या दिवशी वेळेवर लॉग इन करून बोली लावली जाऊ शकते.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: