आगीपासून जीव वाचवण्यासाठी गॅलरीत लटकला, पण हात सुटला; थराराक घटना कॅमेऱ्यात कैद


मुंबईः लालबाग परिसरात वन अविघ्न पार्क या टोलेजंग इमारतीला लागलेल्या भीषण आगीत एकाचा मृत्यू झाला आहे आहे. आग लागल्यानंतर जीव वाचवण्यासाठी बाल्कनीला लटकलेल्या सुरक्षारक्षकाचा खाली पडून मृत्यू झाला आहे. या घटनेचा व्हिडिओ कॅमेऱ्यात कैद झाला आहे.

अविघ्न पार्क या इमारतीला आज दुपारी १२च्या दरम्यान भीषण आग लागली. ही आग लेव्हल चारची असल्याचं सांगण्यात येत आहे. ही इमारत ६० मजली असून आग १९ व्या मजल्यावर लागली होती. त्यानंतर ही आग २५ व्या मजल्यापर्यंत पसरत गेली. यावेळी इमारतीत काही रहिवाशी होते तर काही ठिकाणी दुरुस्तीचं काम सुरु होते. आग लागल्यानंतर १९ व्या मजल्यावरील व्यक्ती जीव वाचवण्यासाठी बाल्कनीत लटकत होता. मात्र, जीव वाचवण्याच्या प्रयत्नात ही व्यक्ती खाली पडली. खाली पडलेली व्यक्ती सुरक्षारक्षक असल्याची प्राथमिक माहिती आहे.

लालबागमधील इमारतीला भीषण आग; १९ व्या मजल्यावरुन पडून एकाचा मृत्यू

१९ व्या मजल्यावरुन खाली पडलेल्या व्यक्तीचं नाव अरुण तिवारी असून त्याचे वय ३० वर्ष आहे. आगीची घटना घडल्यानंतर तिवारी यांनी दरवाजा उघडला. यावेळीच आगीचा एक लोट त्यांच्या अंगावर आला. आगीची भीषणता पाहून त्यांनी तिथून पळण्याचा प्रयत्न केला व ते बाल्कनीत शिरले. बाल्कनीत लटकत असताना ते खाली पडले. ही दुर्घटना घडल्यानंतर त्यांना तातडीने केईएम रुग्णालयात उपचारांसाठी दाखल करण्यात आलं होतं. मात्र, खाली पडल्यानंतर जागीच त्यांचा मृत्यू झाला होता. रुग्णालयात नेल्यानंतर डॉक्टरांनी त्याला मृत घोषित केले आहे.

…तर एक जीव हकनाक गेला नसता; महापौरांनी व्यक्त केली खंत

दरम्यान, इमारतीला लागलेली आग आता नियंत्रणात असल्याची माहिती मिळत आहे.

वाचाः आणखी एक ड्रग्ज पेडलर NCB च्या ताब्यात; व्हॉट्सअॅप चॅटमध्ये नाव असल्याचा दावा



Source link

Share on facebook
Share on twitter
Share on linkedin
Share on whatsapp
Share on telegram