WTC FINAL : फक्त ही एकच गोष्ट भारताला आता पराभवापासून वाचवू शकते, पाहा कोणती….


साऊदम्पटन : फायनलमध्ये भारताला पराभव आता जवळपास निश्चित समजला जात आहे. कारण न्यूझीलंडपुढे विजयासाठी १३९ धावांचे आव्हान भारताने ठेवले आहे आणि तिसऱ्या सत्रात ते हे आव्हान सहजपणे पूर्ण करतील, असे दिसत आहे. पण भारताला आता फायनलमधील पराभवापासून फक्त एकच गोष्ट वाचवू शकते, असे दिसत आहे.

फायनलच्या या राखीव दिवशी न्यूझीलंड विजय मिळवू शकतो, असे बऱ्याच जणांना वाटत आहे. पण यावेळी एक गोष्ट भारताच्या मदतीला धावून येऊ शकते. कारण या एका गोष्टीमुळेच भारताचा पराभव टळू शकतो, असे दिसत आहे. त्यामुळे आता ही गोष्ट कोणती, याची उत्सुकता चाहत्यांना लागलेली आहे.

भारताला जर पराभव टाळायचा असेल तर आतापर्यंत फायनलच्या सामन्यात दोन दिवस दमदार फलंदाजी करणारा पाऊस आला, तरच ही गोष्ट होऊ शकते. पावसाचे वातावरण आणि ढग दाटून आले तरी अपुऱ्या प्रकाशामुळे खेळ थांबवला जाऊ शकतो. त्यामुळे आता तिसऱ्या सत्रात पाऊस पडावा आणि भारताचा पराभवा टळावा, अशीच आशा भारतीय चाहत्यांच्या मनात असेल.

राखीव दिवशी किती षटकांचा खेळ होऊ शकतो, पाहा…
आजच्या दिवशी ३३० मिनिटांचा खेळ होऊ शकतो. यामध्ये निर्धारीत ८३ षटके टाकली जातील, त्याचबरोबर जर सामना निकाली लागत असल्याचे दिसत असेल तर अतिरीक्त १५ षटके खेळवली जाऊ शकतात. आयसीसीचा दुसरा नियम असा आहे की, सामन्याचा जेव्हा अखेरच्या तासाचा खेळ सुरु होईल तेव्हा दोन्ही कर्णधारांना या लढतीबाबत निर्णय घेता येणार आहे. जर हा सामना निकाली निघणार नाही, असे दोन्ही कर्णधारांना वाटत असेल तर त्यावेळी ते दोघे एकत्र येऊ हा सामना अनिर्णीत झाल्याचे सांगू शकतात. त्यानंतर हा अजिंक्यपदाचा चषक दोन्ही संघांमध्ये विभागून दिला जाणार आहे. पण जर एकही कर्णधार सामना खेळवण्यासाठी इच्छूक असेल तर हा सामना अखेरपर्यंत खेळवला जाऊ शकतो. त्यानंतर हा सामना कधी थांबवायचा हा निर्णय पंचांच्या हातामध्ये असणार आहे.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: